影片
港铁西营盘站 B2 出口, 步行约4分钟
继续阅读
营业时间
星期一至二
12:00 - 16:00
17:30 - 21:00
星期三
全日休息
星期四至日
12:00 - 16:00
17:30 - 21:00
以上资料只供参考，请与餐厅确认详情
今次探访高街，我发现咗一间马来西亚美食店——巴刹鸡饭，性价比惊人，吸引我一试佢哋嘅招牌美食。**巴刹鸡捞面**：呢个菜式绝对系黎到必食嘅选择。爽脆嘅鸡皮配上嫩滑嘅鸡肉，每一啖都系满足感。特别系转鸡髀，啖啖肉嘅享受真系无得顶。捞面份量足，猪油香气扑鼻，即使少咗啲酱油，味道仍然足够浓郁，绝对值得一试。**炭烧沙嗲（6串）**：可以选择猪、牛、鸡，不过可惜𠮶日牛肉卖晒，我就拣咗猪肉。用炭火烧嘅方式令沙嗲更加香口，炭香味道特别突出，肉质嫩滑，真系令人回味无穷。**山打根皮蛋饺／酥炸皮蛋饺**：听过唔少推介，特别叫咗两款嚟试。两者各有千秋，酥炸嘅外皮香脆可口，而汤饺入口即溶，皮蛋嘅味道更加突出，肉馅鲜美，皮薄馅多，每一啖都系满足。**罗汉果龙眼冬瓜茶**：通常只有冻饮，不过今次运气好，刚煲好嘅热饮版同样提供。罗汉果嘅味道浓郁，喝后喉咙感觉特别舒畅，无论热天或冻天，都系解渴又养生嘅好选择。**丹南咖啡**：烘焙香味扑鼻，咖啡醇厚而香浓，甜度恰到好处，每一啖都令人难以忘怀，绝对系咖啡爱好者嘅必试之选。
继续阅读
🐔🍚🍃 嚟到呢间唔起眼嘅小店，头盘就试咗𠮶炸皮蛋饺，脆口外皮包裹著唔俗嘅肉馅同那微浓嘅皮蛋香，一啖落去惹味到不得了！炭烧沙爹牛嘅热嗲嗲嘅串烧就更加令人回味无穷，炭香扑鼻，加上甜咸咸嘅沙嗲酱，整个味蕾都活跃咗起嚟。跟住嘅炸肉捞面，炸肉出奇嘅香口，一丝不苟嘅肉质配上带着酱油香味嘅面条，真系相得益彰。不过，最劲嘅肯定系店名同名嘅巴刹鸡饭啦，鸡肉滑嫩至极，皮薄油闪，再沾上特制青辣酱，辣中带香，完美！至于饮品，绝对推介𠮶杯丹南咖啡，香浓得嚟唔腻口，转个头再饮杯清新嘅百香果茶乌龙冷泡茶，消暑提神，顺滑咁完美收官。小店喺街头小馆，但谂起𠮶份真摰嘅地道味，真系叫人回味无穷啊！下次仲要嚟试埋其他招牌嘅！🤤🥘🌶️
继续阅读
今次登上高街，一试呢间性价比高嘅马来西亚食店巴刹鸡捞面 $58 转髀+$13爽脆鸡皮，嫩滑鸡肉，转鸡髀系值得嘅，啖啖肉，捞面都大碗，猪油味几香，少返啲酱油都够味炭烧沙嗲 (6串) $88可自选猪/牛/鸡，可惜当日无哂牛，就拣咗猪，串烧用炭烧炉仔送上枱，炭烤令猪肉更香口，风味十足净皮蛋饺 $46酥炸皮蛋饺 $32睇过食评好多人推介皮蛋饺，特登叫咗两款试，各有风味，酥炸香口，汤饺皮蛋味较突出，而且肉味亦较鲜，皮薄馅靓，正！罗汉果龙眼冬瓜茶 $22平时只有冻，今次啱啱煲好，所以有和暖版，特浓罗汉果味，饮完喉咙好舒服丹南咖啡 $22咖啡嘅烘焙味特别香浓，味道醇厚，甜度适中，推介！
继续阅读
今日同半年冇见嘅friend食饭，朋友喺上环返工，我就喺石塘咀𠮶边返，所以就拣个中间点：西营盘😝呢间巴刹鸡饭系食马拉菜嘅，上网search咗原来「巴刹」系市集咁解。喺市集入面食鸡饭，系马来西亚独有文化👍🏻我哋两个人叫咗四样嘢食。首先上菜嘅系南乳脆鸡翼同炭烧沙嗲(猪肉)串烧！鸡肉炸得好香好脆口，一份4只同同行嘅朋友分就刚啱啱好。串烧有个小炭炉烤住上菜，细细个好cute搭配暖暖地嘅罗汉果冬瓜茶，甜甜地可以中和返食煎炸嘢嘅油腻感，又唔怕食太多好热气🙊另外嚟到呢度一定要叫呢度主打嘅鸡饭啦！鸡肉好嫩，一d都唔柴！而且个油饭都好香，可惜我哋食得太慢、放得太耐，个饭本身同附送嘅冬瓜汤都冻咗🥺，新鲜嚟到一定会好食好多！Overall我同朋友都觉得餐厅值得一试，特别系餐厅内一直播住啲00年代嘅广东歌，餐厅装潢都有少少旧香港大排档感，价钱都acceptable，几啱收工想同朋友简单食一餐聚旧饭，好食得嚟大家作为小资族又afford到～
继续阅读
系…返工系辛苦左少少，系…每日又少左3/2时间，但作为时间管理大师，时间对我黎讲就好似乳沟一样，挤下咪有啰，讲到食，就算走到去天涯海角，我都觉得值，更何况只系港岛西的尽头？我就去硬咖啦，你呢？👇🏻📌人 气 推 介 - ▪️ 巴 刹 鸡 饭 - $58▪️ 巴 刹 炸 肉 米 粉 - $56▫️ 第一件事一定系嗌呢两样野先，呢个「巴刹鸡饭」果然各不虚传，鸡肉滑嫩都不得了，油饭浓香但唔腻，送埋碗冬瓜清汤，滋润入味，正；「巴刹炸肉米粉」亦有惊喜，炸肉完全唔干，肉质爽弹，配搭米粉我觉得比捞面更加夹，而且两样价钱相当贴地，一定要嗌！ ▪️ 炭 烧 沙 爹 猪 串 烧 - $48/3串▪️ 香 脆 南 乳 炸 鸡 翼 - $28▫️ 另外小食又系要嗌，第一道「炭烧沙爹猪串烧」用个小型炉仔庆住，保持温度之余，仲可以一路烧住佢，等个口感更加腍滑，配搭埋沙爹酱份外惹味；而「香脆南乳炸鸡翼」即叫即炸，食落外脆内软，啖啖juicy，个南乳酱真系香到不得了！▪️ 炸 皮 蛋 饺 - $32▪️ 咖 央 手 抓 饼 - $28▫️ 皮蛋食得多，估唔到原来可以将佢包住黎炸，呢个「炸皮蛋饺」好似炸云吞一样咁酥脆，而里面皮蛋咸香十足；最后整埋个马来特色甜品「咖央手抓饼」，面头铺满杏仁、白芝麻、椰丝，里面夹杂D咖央酱，成个味道层次丰富，我超钟意。📌饮 品 -▪️ 丹 南 咖 啡 - $22▪️ 罗 汉 果 龙 眼 冬 瓜 茶 - $22▫️ 饮品拣左两杯「丹南咖啡」、「罗汉果龙眼冬瓜茶」，埋单两个人三百都唔洗，又可以食到地道风味，呢d小店真系要撑！
继续阅读