巨人冰室 (已易手) 新餐厅

這裡本是我的食堂，幾乎每星期日都光顧；但幾個月前已轉手，廚房、樓面全換了；所有食品全走樣。一個至愛焗豬扒飯，唉！變成難以下咽，無辨法了，往事只能回味。始終是飲食業，買了一盤生意，除了招牌，食物質素是首要考慮，吸引顧客的當然是出品，我信我條脷。

4月11號同同學食隨意入左*巨人冰室*食lunch。一個老男人開始佢不知所謂的油膩行徑...我地啱啱摞過餐牌，過長頭阿公即刻行前挨得勁緊，就快挨上我地塊面，睇到佢塊大油面、皮頭屑挨咁近，我同同學自然往後退。我問佢個套餐係……（未四樣野）…… 唔等我講完，佢又挨緊，一個一個講解，我多謝你，這年頭咁有耐心油膩打趣年輕女學生嘅阿叔唔多了hhh。我講完要d咩，叫左奶茶少冰多奶，佢又重覆多問一次，我話係多奶。。。。。。佢又嘻嘻哈哈好he嘅語氣重覆問一次。。。。呃。。。。我同學也叫做凍奶茶少冰，但係不同於我咁要少冰。個啊公又唔知聽係邊，指話我同學都要多奶，我同同學同時話我同學要嘅係少冰。佢就右手食指指住我話：你係唔正常嘅。又指住我同學話：你係正常嘅。。。。。。。。。。。。呃。。。。。終於點完餐都已經無乜胃口。。。。個啊公摞receipt返我地台，挨得又勁進，一樣一樣野同我地確認。。。。。。？。。。。。wht？啱啱又唔見你同其他台咁油膩？你地餐廳真係好得閒惹...hh...幾好，人工又高，又得閒，又得同地女仔打趣。👉我嘅套餐包括👉👉👉豬扒。我食到中間位置，食出！！！餿味！！！👉同埋奶茶，多奶

環境：普通的茶歺廳．廁所勁dirty,又有小強．------------------------------服務：上年紀既服務員算ok.------------------------------食物：沙嗲牛麵-另加叉燒份量ok. 叉燒普通．跟歺既蛋，除左可以煎炒之外，可以改蛋冶．份量超大．一個歺2個人分也可．淨沙嗲牛米．超多牛肉．

周日的下午茶，今天一早忙，忙到下午3點幾才可以休息，吃點食物。 朋友介紹食＜巨人＞，說在太子是不錯的了。也不去深究了，因為肚子開始餓了，也不想再等下去，再過一陣，又沒有時間吃了。🍔豬扒包 ：朋友都話第一次食哩個豬扒包，勁話好食，個麵包好軟綿綿。🍔豬扒包 ：朋友邊食邊話好味道，令到我去睇清楚個豬扒包是什麼東東……朋友說washawi 醬勁多 ，勁配個豬扒包。 下次真係要叫多哩個豬扒包……真正的食個滿足🐷🐷😋😍🥗沙律配香煎豬扒 ：最怕，也最唔鍾意豬扒有加梳打粉，整鬆塊豬扒肉質。 好彩冇令人失望，見到店主的誠意，香煎豬扒，真的好香，好有豬扒肉質感及口感，冇用梳打粉醃製，值得一🥗沙律配香煎豬扒☕凍咖啡 ：朋友話凍唔咖啡好好飲，除了這個飲品，佢話好多餐都好有水準及誠意😅🤣🍹凍檸檬茶好滿足了，食到一個輕鬆又愉快的下午茶，人生都只想開心的享受美食，愉快的過一天了。

今日相約了3年幾無見的老師見面聚舊，首先我們約了當天4pm在太子，我提前了15分鐘到達太子地鐵站，稍後老師也到達了，然後我們沿途見到幾家賣糖水及粥的餐廳及茶餐廳，最後我們都係選擇了巨人冰室。我們一走到門前便見到很多模型放在廚窗上，老師一向很喜歡，我們推門進入後，餐廳員工迅速的递上清水但係我認為選擇種類比較少，最後我都係選擇了雙拼三文治老師也選擇了公司三文治～味道普通，環境裝修簡陋本人覺得可以更加好下午茶款式也可以增加一些

因每星期返教會常經過這裡，故而吃過很多次，最初名不見經傳，每次都大把位，坐得很舒服，所以不想大力宣傳，不想與人爭位。（自私鬼）但時而勢易，現在日見人多；既然是茶餐廳，當以此等級來評價。1.如吃茶餐，一定抵食夾大件。（通粉居然QQ）2.個人誠意推介焗豬扒飯，一定不會令你失望。3.炒蛋三文治/多士，我覺得全港最好食。😙4.咖哩亦不錯整體來說，是有水準的港式茶餐廳；如果你不想受X牛的氣，或者是附近元朗名店令你失望，這裡是另一選擇。

返工之前去食個早餐，行過見到呢間冰室門口有好多公仔，好似幾得意咁，就入去試吓。餐廳的佈置都幾特別，啲餐牌全部用返以前嘅公仔做嘅，例如超人，而且亦都有好多公仔擺喺度。叫咗一個豬扒早餐，包括兩隻煎雙蛋加分多士，另外有碗豬扒公仔麵，多士有烘底，配煎雙蛋，正。之後個豬扒公仔麵一到，非常驚訝，因為有成塊面咁大，都算係非常抵食。但係公仔麵略嫌有少少行味，可能加點麻油會更好食，豬扒都算林，整體不過不失，但服務就差了一點，下單時侍應背着你， 講完冇反應就行開了。

去過多次，奈何今日先見到一個炸雞髀一丁麵餐一直食開叉燒意粉餐，因為佢啲意粉真係咬口好好，每次都係食依個餐，可能真係咁無留意其他，今日即管睇睇，點知就見到依個雞髀一丁麵餐，對炸雞髀情有獨鍾的我，但又礙於對味精有少許敏感，食丁麵真係猶疑，但又拒絕唔到炸雞髀的魔力，終於都係要試，果然無令我失望，一到枱面已經忍唔住即食，食到中途先記得影相（大家唔好見怪），確實如我所祈望真係好好食，外脆內肉香滑，唔似其實茶記，外脆內不熟，今次仲忘記叫大火（平時去茶記一定叫），唔知點解今次無叫🤔，但出嚟的品質超出我所想，最後係碗丁麵，由於自己對味精有少許敏感，一食就嘔，今次出奇地無事，可能佢唔同其他茶記煮法，今日真係極之滿足，可以食到一餐咁美味的炸雞髀及久違無食丁麵的滿足（二十年以上）

今日又去太子打波，打完波又要搵地方醫肚，第一時間就諗到去巨人冰室，一來嗰度冷氣夠地方乾淨，以來嗰度啲食物唔貴味道又好，又界限街運動場行去都只係5分鐘。老闆娘安排我坐係一個單人卡位，等我可以有地方放我的球拍。我叫咗最鍾意食嘅蔥油豬扒蛋飯，加一杯凍檸茶。以前淨係食白切雞先有蔥油，依家食豬扒飯都有蔥油啦。豬扒鬆軟，蔥油夠香，煎蛋係半生熟蛋，用嚟撈飯真係一流，連凍飲都係$59蚊咋！太子區來講算係非常實惠，我下次打完波一定會再去幫襯。

巨人冰室 — 單聽名字已覺得意，到達門外更是眼前一亮，店內外都有玻璃櫃裝著大大小小的figure，牆上貼著玩味十足的海報展示食物，加上現場播著廣東歌，感覺新鮮。多士 - 正常炒蛋 - 可再厚滑一點蕃茄叉燒意粉 - 蕃茄茸只是「放」在麵上，完全沒有與清湯融合；叉燒太多肥肉加上薄切，口感不佳；意粉軟硬和粗幼度剛好，是最滿意的部分。奶茶 - 屬港式奶茶味道，可惜不夠濃滑、偏稀，沒有回甘餘韻，只喝了一半。冰室範圍呈一正方形，我跟朋友坐在底部(近門口收銀位置)，對面盡頭是半開放式廚房，用餐時也不覺有什麼異樣，可是離開不久後發覺大家身上也有一股揮之不去的油煙味，甚至比打邊爐後還厲害！

小秘書 一返到香港就安排咗連串「維修」活動，今朝10:00 facial、睇中醫... 搞到差唔多三點先去食「午餐」。路過太子見到間冰室鬼死咁cute，當然要入去睇吓搞咩👻「巨人冰室」佈置充滿玩味🤖 鍾意咸旦超人、機械人嘅你，可以過嚟食個tea☕️懷舊一吓！今日我就揀咗「雞翼撈麵」做「午餐」😝 濃濃嘅麻油麵底配襯主角豉油雞翼，超好味，仲有兩隻漲卜卜嘅煎雙蛋，齋係擺上枱嘅外觀已經夠吸引👀 加埋杯凍奶茶埋單街坊價錢$49，👍🏻呀！

香港茶記多不勝數,以試過常餐,西多,奶茶就係高下立見,今次黎到巨人餐廳,試試佢既廚藝餐廳動漫figure為擺設,有好多動漫人物都陪伴著80,90後長大,令人非常懷念,以身為屋村仔出身既我,一方面係到欣賞緊佢既figure,另一方面就葡萄緊佢有咁多小時候想要既玩具！香港寸金尺土,要有一個屬於自己既corner放玩具?談何容易！今次叫左佢既常餐,廚師好似話係以前係澳牛做過?但我覺得佢除左個蛋炒得夠滑,多士烤得香,成個餐都好大份,唔通真係比巨人食既?😂以大街既鋪頭黎講,午餐吸納既人流量仲配合到呢個價錢,老闆有得賺嗎?anyway,今次試過之後,一定會再幫襯😋

途經太子搵間冰室食下午茶,見有不少哈哈笑,諗住無死點知中伏,叫左個雞脾麵餐飲茶走,麵同茶不久就到左,耐心等候一段時間,見同時間落單食客已食左到一半,舉手問女侍應可以追追單,轉來一句炸脾唔同麵一齊上架,老馮一樣唯有繼續耐心等候,片刻時間後炸脾終於到了，同時我的麵都開始發脹。雞脾外表金黃鬆脆,頭兩口都無問題,但當我向骨位切下去時,發覺肉質仍見半透明狀,就知未熟透,唯有舉手要求更換,更換期間仍聽到女侍應話炸雞脾當然係咁架啦，真係火起,麵同雞脾唔係同時上都算,唔熟仲話自己啱,因為麵已發脹,所以在等候更換第二隻雞脾期間把齋麵食光,到第二隻雞脾到時,茶走都變得凍冰冰了,雖然第二隻雞脾比第一隻熟,不過最後仍然看到這一幕(見圖),希望其他食客比我更好運啦

帶仔仔轉車去坐地鐵時路過見到巨人冰室，見個名幾得意，門口勁多figure，反正餓餓地就入去醫肚。全店都有很多figure同特式menu。有趣星期6中午人流未算多，一入就有位，店員好貼心，拎埋碗仔同匙俾仔仔，重一有卡位就幫我地轉位蔥油豬扒煎蛋飯 $56是店內其中一款推薦菜式。扒肉大塊，唔算厚。勁多蔥同蔥油，但口感唔算膩，而且唔濃味，有住家菜味道。 蕃茄湯麵餐 $44成個餐好抵食同好好食。包左牛油多士，火腿煎雙蛋，麵我點了 #叉燒通粉。先講叉燒通粉，通粉夠厚身，煮得岩岩好，有彈性得來有口味。蕃茄湯底鮮甜，成個蕃茄俾埋你，食完湯我都飲埋，感覺無味道，完全唔口乾。叉燒係好薄，較普通，份量OK。仔仔鐘意到不得了，超主動食左大半碗通粉。牛油多士係厚多士，2面輕輕烤過，牛油微微融化。配上炒蛋，超正。蛋炒得有空氣感，勁有口感，滑得來，完全唔膩。我唔記得炒蛋係我要求定一定係配炒蛋，落單前記得問問，因為炒蛋堅好食。店內亦推薦松露炒蛋多士，所以炒蛋食得過！以上2個餐都奉送熱飲，唔會沖到好淡，OK

要有嗰Good morning先要食嗰好味既早餐先💓💓💓又想食好味既炒蛋喎🍳🍳🍳係我心目中炒蛋淨係得幾間好食既，哩間係其中一間既，地方近近地，就去食哩間啦🍜🍜🍜呢度嘅通粉好好食，因為軟硬適中，有啲茶餐廳啲通粉好貴淋，真係唔鍾意食囉，呢度嘅通粉配埋雞湯底，簡單又好味嘅配搭🤟🏻🤟🏻🤟🏻再叫埋個三文治，呢度嘅麵包特別鬆軟同埋厚身既，食一半已經好飽了再嗌埋杯凍奶茶，完美的早餐就咁樣誕生了