巧手製作

尋日第一次去幫襯，前面個呀姐唔知道個點心叫乜名已經俾佢鬧，跟住又催人快啲究竟要乜（語氣態度都好差，）人哋比完錢就咁將盒嘢放喺枱就招呼第二個，咁前面呀姐喺度搵去邊度攞，結果又俾佢鬧，話佢買完嘢發緊夢，嘢都唔拎行咗去今日輪到我俾佢鬧，我睇完同佢講唔該我要蝦餃，佢嗰度有兩行隊，我排右邊，佢望住我，話唔知我要落單，叫我下次要企另一邊，但尋日前面個呀姐企左邊又俾佢鬧管理好有問題，以後唔會再幫襯，仲慘過同佢乞…查看更多

原本諗住去對面間舖買兩餸飯，但兩餸飯店8點幾就賣晒收晒嘢，見呢間巧手製作仲有飯又唔洗排隊，所以就幫襯下。其實之前都買過，啲飯同包係幾平，好多公公婆婆排隊買。但印象中前枱個阿姐好惡好冇禮貌，態度好差，好似全世界得罪咗佢咁。今次幫襯個姐姐都係keep住一個好唔友善嘅態度，仲要落錯晒嘢畀我。佢問我「要唔要豉油？」，我答「唔洗豉油」，佢再問「要唔要菜？」，我話「好吖 要菜」，當時我冇留意佢落咗啲咩，而且塊板好高 都好難睇到，點知返到屋企打開先發現佢落咗豉油 但冇落菜😠原本就係想食得健康啲，點知落錯晒，今舖真係冇下次 冇下次 冇下次。下次真係早啲去買返兩餸飯算！…查看更多

這間經常光顧的店舖，今早九點去買點心做早餐，但買到的可說是不知所謂的食品，已經變壞的山竹牛肉，包皮破爛不堪的奶皇包，疑似是將隔夜點心翻蒸出售。而前缐員工的操守，也有很大問題，例如將三個不同的點心（燒賣、雞扎及鮮竹卷）放在同一個食物盒內，結果是燒賣沾滿了鮮竹卷的醬汁，雞扎鮮竹卷也混在一起，我也不知究竟食了甚麼下肚。這樣的情況管理層必須好好檢討、處理及公開交待，入否則長此下去只會令客人卻步，以後不會再光顧。…查看更多

下午在街市買完菜想買d小食當下午茶，就行去旁邊既foodlane行個圈，見到巧手個鋪位將個點心櫃搬埋出嚟，櫃裏面全部都是點心，有生煎包（豬肉/牛肉）、春卷、鹹水角、角色各類嘅煎糕等，四件$17 ，八件$30 ，但是我一個人吃不了太多，只選了四件，我選了兩件鹹水角及兩件豬肉生煎包，咸水角算大舊，皮比較厚，因為已經凍咗所以比較油同軟，不過我鍾意食鹹水角所以都接受到，生煎包外層油太多，白菜配豬肉味道不錯，如果用少啲油會更好吃…查看更多

一早起身食想食蝦米腸，見奶皇包吸引又叫多個。外賣蝦米腸$16加奶皇包$8返到屋企打開個袋無奶皇包😖打開盒腸粉冇蝦米 😡好啦， 照食腸粉夾唔開， 係一餅粉團🤬。 粉團仲要唔易整散， 我真係唔知舊肥粉團有幾多唔係米漿的成份我好用力咁夾， 開腸粉變成一舊舊腸粉我用左$24蚊買早餐， 換來$14 蚊的葱花腸粉再一肚火， 又食唔到我想食的事。 蝦米腸粉原來無蝦米腸粉原來係一餅餅， 係唔係一條條奶黃包原來係空氣（ 唔見咗， 漏單） 到底店入面的阿姐瞓醒覺未？…查看更多

星期一想吃得比較清淡就買了蒸飯腸粉再加個點心鹹蛋肉餅飯鹹蛋不太鹹 肉餅有一個飯碗大份量都算足夠翡翠鮮蝦腸雖然是雪藏蝦 但幾爽口加上韮黃 不錯豉油另上 甜甜地 幾夾雞扎就不太好吃 好乾…查看更多

晚上在將軍澳「坑口」「領展」街市旁邊的美食廣場裡面，食完一客價錢便宜，但是味道也只屬一般程度的「牛腩飯」之後，我看看附近有沒有食店售賣「雞肉」小食。結果我在美食廣場裡面的「巧手製作」裡面，購買了一個「香菇雞包」，當作有雞肉可以食就算數。不過「香菇雞包」今次不是主角，真正「巧手製作」的主角，應該是「香煎牛肉包」才對。雖然「香菇雞包」裡面的而且確，是有不少已經被剁碎的雞肉，加上不少被切碎的香菇，令「香菇雞包」實際餡料裡面，有不少來自雞肉餡料的甜味，還有來自切粒香菇的彈牙口感以及香味。不過「巧手製作」今次真正吸收到我注意力的食品，反而是單個賣港幣六元的「香煎牛肉包」。「香煎牛肉包」表面和底層，都是疑似被香煎過的金黃色色澤。我用口試食過一口「香煎牛肉包」之後，覺得「香煎牛肉包」的表面，真的有疑似被放鐵板上被加油香煎過，所以「香煎牛肉包」表面的皮口感其實頗為香口。至於「香煎牛肉包」裡面的免治牛肉餡料，牛肉裡面有少許的辣味，還有少許牛肉裡面的鮮甜味道。至於牛肉裡面的辣味來自什麼材料，是洋蔥、黑椒還是胡椒，我就不是太肯定是什麼材料了。而且「巧手製作」「香煎牛肉包」被我咬了一口之後，「香煎牛肉包」表面沒有因此而完全凹陷，所以證明「香煎牛肉包」表面的金黃色，應該是來自在鐵板上被加熱香煎過的痕跡。「香煎牛肉包」裡面的味道，相對「香煎雞包」而言是比較濃厚，因為「香煎牛肉包」裡面的牛肉原味，始終比「香菇雞包」裡面的雞肉濃厚得多了。而且「香煎牛肉包」售價比「香菇雞包」再便宜大約一元五角，但是「香煎牛肉包」外層口感比較香脆，餡料又有牛肉的濃厚甜味，整體味道比「香菇雞包」更好。所以，下次如果再有機會光顧坑口分店「巧手製作」的話，我會選擇購買香口和有牛肉甜味的「香煎牛肉包」多一點。…查看更多

平時去茶樓食流心包就食得多，但除左去酒樓同果間貴貴點心舖之外，又真係唔係好多地方食到流心嘅奶皇包。今日行過屋企樓下，見到巧手有新野岀左喎 流心奶黃包😍😍😍😍其實佢之前岀過阿華田系列都有試過，幾有驚喜幾好味，心諗今次應該都唔會差，價錢又唔太貴就俾左$8買左個試試佢。拎到番屋企趁重暖就即刻食左佢先，一meet開啲餡直情係噴岀泥咁濟(真心話，完全冇誇張)，同埋聞到好香嘅咸蛋黃味，又唔會好膩，真係好似酒樓食到果款奶皇包咁。老實講$8就買到，唔洗我等位飲茶又唔洗我搭車岀城，千祈唔好咁快冇得賣呀😭😭…查看更多

巧手磨米腸$13腸粉呢家野我就超級有心得既， 腸粉最重要粉皮最緊要薄得黎分明， 而且要夠滑，粉漿要有米香味，如果唔係就唔算係一碟好腸粉。 巧手製作既巧手磨米腸幾乎有哂以上既必要條件， 薄得透光之餘，仲一片片的非常分明， 食起黎份外過癮！ 夠哂米香既粉漿，加埋醬油一齊食，十分滋味， 真係食得好開心呢！日式牛肉肉夾饃$19日式牛肉好多時大家都只會諗起 吉吉家， 但真係估唔到巧手製作既日式牛肉做得咁好， 牛肉比較厚切， 雖然連汁煮但反而又無柴皮硬掘掘既感覺。用好似白饅頭一樣既包夾著牛肉， 部分汁料索左入包入邊， 十分惹味， 令人想大啖大啖咁食左佢。 有埋洋葱夾係入邊， 爽口得黎帶少少甜甜地， 真係比吉吉家煮得更好食。 痴線， 邊有咁好食既夾饃？！巧手製作是一間必要推薦的食店， 非常高性價比呢！…查看更多

食腸粉就最鐘意就係食到皮薄餡靚嘅有餡腸啦，咁先係令人滿意既上品架嘛， 如果唔係我做咩唔食齋腸呢？！唔係Hard Sell, 巧手製作既腸粉真係巧手之作，既餡料好豐滿，一條腸粉有4至5 隻蝦，一咬落去已經食到大蝦，真係每一啖都係腸粉粉既米香加埋蝦肉鮮味， 名乎其實鮮蝦腸。生薑燒豚肉夾饃$19生薑燒豚肉都係呢十年黎興起既野食，通常都會用上豬腩肉切片做， 用醬汁煮好再炒， 加上鍋氣， 滋味無窮！巧手製作既豚肉比較厚切， 乾爭爭既感覺。用質感好似饅頭一樣既包夾著牛豚肉， 汁料索左入包面， 夾著豚肉食， 美味可口， 令人想大啖大啖咁食左佢。 有少少生薑夾係入邊， 爽口得黎帶少少辛辣， 好正…查看更多

今日放假，要一早起身陪好朋友出深水埗整嘢。 未出發之前要食啲嘢先，行過巧手製作見到有手工腸粉叫咗一個巧手磨米腸($13): 腸粉好香米味，夠滑又唔太油。配埋甜甜地嘅豉油同蔥花，好好食👍🏻…查看更多

橫風橫雨媽媽決定不買餸煮飯，下班後就去了巧手製作買晚餐回家吃，繁忙時段也很多人在排隊呢。巧手製作和唐記是姐妹店，所以除了丼飯和包點，還有點心等等的選擇鳳爪排骨飯由瓦煲蒸好再倒進外賣盒，所以風味比得上在酒樓吃到的～排骨又滑又啖啖肉，鳳爪有咬口，瓦煲仔的熱力把白飯吸收了所有食材的精華，再加上惹味豉油，正第一次試這裡的丼飯，選了山賊牛肉燒丼。燒汁加洋蔥，很有日式風味，超級惹味又好下飯。牛肉份量十足，味道香濃！點了份燒賣過一過癮，一如往常的質素，保持水準店門展示了不同的肉夾饃，是中國陝西著名的小吃，蠻吸引的。點了生薑燒豚肉肉夾饃嚐嚐，白吉饃軟綿綿的，內餡香氣十足充滿肉汁最後是我最愛的香芋包，一撕開就是軟糯的芋蓉，還吃得岀粒粒香芋，入口綿密香甜，非常好吃…查看更多

平時返學嘅早餐晏晝都唔想洗太多錢我諗呢間餐廳好多人都聽過啦其實係唐記嘅分店但係多咗一啲肉隔膜等等嘅產品🍚呢間餐廳主打嘅就係平同埋快方便 啱晒繁忙嘅香港打工一族👍🏻💪🏻平時大多數都係食香芋包 $7.5 呢個可以話係我最愛 因為本身都好鍾意食香芋成日一買就三四個咁買當埋第二日早餐😂 今日去到竟然冇晒成個心都碎左🤧 咁就索性試下其他啦！第二個最愛就係章魚肉餅飯今日仲要做緊特價只係$20☺️仲買咗兩支豆漿一隻係黑豆漿一個係白豆漿 $9. 今日同埋屋企人食於是就叫多少少野食埋個點心雞扎 $17 第一次食估唔到都幾足料同平時飲茶嗰啲有得揮 仲要唔使比茶錢☺️番薯包 7.5最後仲買咗隻大大隻糯米雞 $27 入面仲要有雞翼同叉燒誇張到😂😂😂其實呢間野平時都成日食幫襯嘅次數都好多😂😂但係反而見到冇乜人評論 🤔 可能大家都知道扺食 😂…查看更多

唐記包大家就食唔少，不過你又知唔知有一間同唐記同一集團嘅中式快餐呢？冇錯，今日就介紹巧手製作。首先介紹一下鹹蛋肉餅飯。肉餅份量頗多，都有手掌心咁大塊。二肉餅入邊有其他配料例如馬蹄同埋少少蒜頭味。通常出去食嗰啲肉餅都係好油，但竟然今次就有驚喜。肉餅唔油之餘但仍然能夠保持肉汁。而鹹蛋亦唔會過分油，有啲油澤，一食得出唔係乾爭爭嗰嘅鹹蛋。除咗肉餅之外，各位注意健康嘅人士都可以放心，因為有三份一個飯盒都係椰菜。跟住我哋就講下馬拉糕。馬拉糕質地鬆軟，而唔會過甜，份量幾大，有一隻手掌咁大，高度有至少五至六cm。我本身諗住買咗當早餐食，點知食咗第一啖之後，覺得有啲好食，所以夜晚就當左甜品食晒成舊。除咗馬拉糕之外，就當然唔少得茶樓都會有嘅香蔥蝦米腸粉。蝦米都好多，每一條腸粉都有大概10粒蝦米🦐。而腸粉都幾滑。總知係一條高於正常水平嘅腸粉😂。最後，就講下金錢肚。金錢肚唔會好韌，質地軟熟，有別於一般酒樓。調味適中，唔會好鹹。整體黎講，價錢適中，係突如其來想食酒樓嘢嘅好選擇。…查看更多

食開唐記嘅我見到樓下有間巧手製作，就買咗幾個飯同兩個包。首先講吓個飯。巧手製作出咗一系列嘅丼飯，而其中一個係咖喱雞當飯。咖喱雞份量佔成個飯盒三分之一，除咗雞肉之外，仲有少量蔬菜例如三色椒。味道方面，咖喱味頗重，而且辣度適中，係一個送飯唔錯嘅選擇。而喺飯量方便，一個飯盒大概有兩碗飯，份量十分多。另外，牛肉丼飯味道亦唔錯。牛肉有驚喜，唔係一般食開嘅肥牛，而係有牛味但係唔肥嘅牛肉片。而且肉量亦算多。係汁方面，味道適中，唔會過鹹，不過就有少少油。巧手製作除咗丼飯之外，亦有一般普通飯盒。魷魚肉餅飯嘅肉餅大概有手掌心咁大，大概1.5 cm厚，如果一個人食，份量算大。肉餅唔鹹，有淡淡的魷魚香味。20幾蚊一個飯盒有咁樣嘅質素算係唔錯。除咗飯，我亦叫咗香菇雞包同菜甫肉包。香菇雞包嘅雞球鮮嫩多汁，有淡淡的香菇香味。而菜譜肉包，味道較鹹，但菜甫嘅味道突出。整體而言，巧手製作價錢便宜，分量頗大，係糧尾欣物。…查看更多