影片
一间普通米线店,SET 每人分单$45 带住小朋友食 ,想要碗仔SHARE ,最初出面楼面姐姐话叫我等阵行左去厨房个边,跟住厨房有个男人伸个头出嚟话我地无碗, 叫我等阵个位楼面姐姐知道有,不过要问准先可以比?! 笑左...我地住系附近,好老实, 上手个肥姐姐饺子+米线相对好食,价钱合理,态度好好, 依家呢间接手, 食物晤算特别, 味道不突出,跟报章介绍不附, 但价钱高, 睇佢可以挨到几耐 红磡饺子米线店系仲有其它好选择架
继续阅读
作为米线控，平时都好钟意周围揾啲高质既米线小店试下🥰今次就去左位于红磡广场的一间小店，环境唔算大但干净企理，餐厅主打3款米线，三牛/三猪/炸鸡球，想自己拣配料自选米线都得食辣既朋友必试麻辣同酸辣两款汤底🌶️麻辣汤系自家炒花椒制作而成，不含花椒油同无落味精😍酸辣汤底加入大量酸菜同肉碎够酸够辣👍🏻🐮招牌三牛米线 $60钟意食牛既朋友仔要试下👍🏻三牛包括牛丸、牛肋条同金钱肚，全部自家腌制☺️米线煮得刚刚好同汤底好夹，牛丸弹牙爽口，牛肋条软谂入味，金钱肚有咬口，入面仲有啲鲜腐竹、云耳、韭菜、芽菜等等，大满足🍜川升小锅米线 $29起自选米线多达30款配料选择，今次拣左猪润、萝卜，店主特别推介佢地既猪润，处理得好好，爽脆淋滑无腥味，萝卜清甜好滋味除咗米线，餐厅的自家制饺子都好有特色🥟可拣汤/煎，$36-$42有6只今次拣左手包花甲虫草花竹笙饺同手包鸳鸯元贝饺，一咬里面汤汁爆出黎，馅料好足料，小编比较钟意煎饺，外皮香脆口感更好🤓另外仲有川辣沙葛木耳芫荽饺同韭菜饺，下次有机会试下先😋🐥脆炸麻乳大鸡中翼大大只炸至金黄色泽，皮脆肉嫩，食既时候带咸香♥️饮品方面除左纸包同樽装饮品仲有自家制作桂圆薏米水同黑糖桃胶雪梨茶🥤甜度适中，足料滋润
继续阅读
住附近行过几次都闩左门试唔到，咁岩呢排见到food blogger都有介绍，星期六就两个人专登过去食lunch店内有个姨姨好友善招呼我哋自己坐低同埋画纸仔叫野食见到点餐纸写住人均最低消费$45本来谂住一张纸写晒都超过$90交左单俾个男人佢话：写埋一张纸唔知你地要点叫，两个人就要分两张纸，每位最低消费$45猪腩肉莴笋酸辣小窝米线（小辣）米线份量正常偏弹牙，汤底都够味，够酸够辣猪腩肉好食够淋既莴笋有阵放左好耐既酸up味，唔系新鲜爽甜花甲虫草花竹笙饺汤底清清都甜既但系饺子唔系松抛抛一系就穿窿明显会食到竹笙，男朋友话虫草花冇咬口，唔望就咁食唔出，花甲有小小沙。桂圆薏米水唔太甜 饮落都觉得俾足材料既 份量就唔算多，水同材料一半半后面有个妈妈拖住7-8岁小朋友，个男人话小朋友唔食都要收番$45低消；妈妈听到觉得唔合理即刻走 个男人行番入厨房仲口upup话人觉得贵唔食。另外仲有一枱妈妈带住两个小朋友，妈妈同男人讲呀妹得3-4岁边食到一碗，个男人好勉为其难表示当两个小朋友系一个人头咁收，大大声话唔会提供碗仔架俾佢地。红磡广场附近有好多比佢地好食既米线同饺子，如果态度照旧真系赶客，外卖钱都唔想俾佢赚。
继续阅读
由于在红磡工作，之前都去帮衬过，一直无恙。 最近再去突然说不可以2人填一张落单纸，要分开填而且要每人最低消费45元。我们都很惊讶一家食米线都要设最低消费， 简直荒谬！ 都算，我们照店员意思分开填，每人都过$45。 一人一客饺子，点了一碗米线打算两个人share 一碗。 问男店员拿碗仔， 他居然说不能给碗仔，已经无碗仔了， 只能给一只细细的酱油碟仔， 我和同事非常惊讶服务态度可以如此刻意恶劣，刻意去为难客人， 我就不相信有女人带小孩去食你不提供碗仔。简直赶客， 以后都不会去的， 建议大家可去别家的， 饺子米线四处都是，不用贴钱买难受。
继续阅读
叫竹生+牛丸得两条两粒仲要12蚊一款……..食谭仔仲好又唔系特别好食….米线劲淋果然社交媒体网站有广告既都信唔过汤底又好一般…..见人地食炸鸡完全唔系社交媒体网站 foodies 个回事 劲伏唔会再食
继续阅读