影片
食家推介
我果日系度食野 见到好似大老板落左来 系咁指指点点 串啲员工 我觉得作为一个领导者 唔应该指手画脚 以高压人 况且让客人睇到会觉得呢个餐厅管理者有问题 气氛唔好 再次 食物除左辣味就冇其他味 而且凉皮只不过系豆皮 呢间野正宗程度只有10/100实在太失望
继续阅读
近排无咩胃口 ～又想食川味野😂Lunch 过左黎食麻辣干锅三样𩠌拣左: 金钱肚～牛肉片～莲藕本身想食支竹，不过呢度无。 想其中一款系菜，就拣左莲藕，事实证明无拣错等左一阵就上菜. 金钱肚好入味，莲藕爽脆，牛肉片有牛味，几款𩠌夹埋一齐各有发挥叫左小辣，麻嘅感觉多啲，只有好轻微嘅辣~麻麻辣🤤好正～一解辣瘾餐厅位置系商场嘅一角，有啲难揾。入面都坐得舒服，侍应都好有礼貌. 午餐干锅价钱只系$59，可以再encore下次可以试埋酸辣粉～
继续阅读
之前一直都想试，见最近好鬼热，一于食辣嘢，出身汗，热上加热。六点几入去，得一两台客，位置任拣，位置舒阔落，冷气足够，环境唔错。坐低就用qr code叫咗个三𩠌干锅（莴笋、牛肉、肥肠），大辣。唔洗一阵就上菜，干锅好足料，好多辣椒，仲送咗莲藕，莴笋无渣；牛肉片有牛味；肥肠最正，有少少肥膏，甘香、有咬口；加埋莲藕嘅爽，每种食材配搭都恰到好处，又辣又麻，真系一边食一边抹汗，爽爆、过瘾。白饭转咗凉皮，经理建议捞埋落干锅食，凉皮加上干锅嘅汁酱，凉皮索晒辣汁，辣上加辣。之后再加配咗风沙猪扒，新鲜炸起，热辣辣，一咬落去仲好juicy，一块五、六旧，18蚊算好抵，炸蒜亦畀好多，惹味爆脆。最后到饮品，叫咗冻酸梅汤，无冰，所以饮品份量变相多咗，不过就唔够冻。酸梅汤十分好味，够酸够味，解辣一流。值得一提，呢度员工服务好好，一坐低就会畀杯水，教点落单，而且会讲解食法，好周到。呢到平日无咩人食，价钱唔贵，我觉得值得拥有更多客人。
继续阅读
第一次嚟食,门面光亮整洁, 门外有餐牌摆放睇落都几吸引, 一入去职员上前招待服务态度良好, 一行三人安排坐卡位, 点餐系用QR code落单, 我哋分别点了：1) 三𩠌酸辣面餐(韭菜、猪腩肉、牛舌)2) 自选干锅 (鸡肶菇、土豆 、大豆芽)+肥肠3) 水煮牛4) 凉伴皮旦 + 3杯乌梅汁食物评价:三𩠌面微辣汤底几好, 猪腩肉好薄, 牛舌大小不一但煮得好冧, 韭菜一般份量, 薯粉好烟韧👍, 整体份量一般。自选干锅(配白饭)比较野味份量都几好, 追加的肥肠就比较冧欠咬口, 水煮牛肉(配白饭):肉质几嫩但份量比较少 , 汤底微辣但不是平时见的红油满满的, 而系比较清汤少油。凉伴皮旦味道可以, 但份量超少(估大概一只), 要$18元唔系好抵。冻乌梅汁味道几好👍职员服务态度几好, 餐具柜桶都整齐干净, 但食饭期间有乌蝇滋扰飞来飞去, 相信系商场外来。
继续阅读
冇错又系川味🤣近排食咗好多间但仲未厌呢间系喺慈云山中心，虽然喺商场入面，但位置都几隐蔽🙊差啲揾唔到1. 自选酸辣粉（$49，包2肉1菜）小编拣咗肥肠、牛筋同莴笋，辣度拣咗中辣，都几辣下🐒酸酸辣辣好惹味肥肠洗得好干净，牛筋大旧软淋，卤得好入味👍🏻莴笋就偏硬少少，口感比较爽口评分🌕🌕🌕🌕🌖2. 麻辣皮蛋（套餐加配$15）凉拌汁唔算太辣，但几清爽开胃皮蛋好弹牙～评分🌕🌕🌕🌕🌗3. 是日甜品：冰粉Strollet新会员免费换购～黄色果啲应该系芒果汁，冰粉本身透明无味，捞少少芒果汁就啱啱好不过见其他餐厅通常系加红糖汁，感觉会比较夹🙈评分🌕🌕🌕🌕🌑
继续阅读