影片
食家推介
1.垃圾服务质素 2.环境不卫生(餐桌黏立) 3.食物变质以前已经帮衬过几次，今次打算再嗌返酸菜鱼。冇谂到等咗就嚟半个钟，上枱嘅系一碟黄色汤底嘅酸菜鱼😅😅😅系到食咗咁多次都冇试过汤底系咁嘅颜色，喺其他店亦都冇见过。啲汤系水油分离咁样嘅质地+以往嘅酸菜鱼会放干辣椒喺面，但今次没有。但唔系一个好大嘅问题，所以唔系好紧要。虽然睇落已经好怪，但系都谂住只系卖相嘅问题，所以试一啖。点知有馊味😅试多几啖都系咁样觉得。觉得有问题就梗系揾老板娘，点知一话个酸菜鱼有问题，老板娘嘅态度就180度转变！一直争执话冇问题，由以前开始就系咁！话系无理取闹系想食霸王餐😅😅😅但帮衬过咁多次都冇试过系咁样嘅味道，系咁样嘅卖相。 因为老板娘恶劣嘅对待态度，令我哋唔想再继续食，打算快啲离开，于是就卖单。但系老板娘依然话我哋想食霸王餐🙂成个用餐体验已经非常唔好，仲要系咁样嘅服务态度😄😅同时个厨师都喺度叫老板娘唔好咁长气，退钱比我地。但如果个酸菜鱼冇问题嘅话点会咁冇底气？可想而知错嘅系边个🙏🏻老板娘终于肯收钱嘅时候，因为我哋已经觉得好不满，所以未找钱就想尽快离开。点知老板娘喺度大嗌「我唔要你哋啲钱」仲将我哋啲钱掉落地下！😅服务态度非常之恶劣，唔建议大家去尼到用餐。🙏🏻🙏🏻🙏🏻
继续阅读
之前食咗一两次酸菜鱼冇问题先谂住返去食柠檬手撕鸡都尚可接受 冻奶茶就饮到一阵好奇怪嘅糖浆味晚餐时间去到食完个柠檬手撕鸡，等咗差唔多20几分钟先至上酸菜鱼，点知个酸菜鱼杰挞挞之余仲要有浸馊味，颜色同埋质感都好似粟米浓汤咁样。话返俾佢知有呢个情况，唔接受不特止仲要讲返转头系食客问题，走嘅时候虽然肯唔计酸菜鱼，但系找钱嘅时候竟然掉落地下，作为一间餐厅、服务业，会有咁嘅质素，难怪越嚟越少人留喺香港消费。而且卫生质素欠佳，光顾前请三思。
继续阅读
午市套餐酸辣炒肥肠加夫妻肺片王老吉加冰底总共$109 夫妻肺片～牛柏叶牛脷～份量多惹味酸菜炒肥肠～中辣～非常之送饭加上佢性价比值高～不过胃口比较大嘅可以嚟呢度食～
继续阅读
北江商场最底层的一间主打川菜的餐厅 ·老坛酸菜鱼（鲈鱼/1条）一条鱼两食 除了会以酸菜鱼上菜外 还送了椒盐鱼一份真心的！个人认为椒盐鱼好香口更好食😂酸菜鱼就..普通得没有得再普通那种另加了薯粉和䈑笋片 正正常常可能是我太幸运 第一口就吃到有骨刺及像未熟还是什么就是咬不断的鲈鱼片 第一口就失望了一次就好没有下次再去的理由·酸辣土豆丝 好咸 适合𩠌饭食 但口感都几爽口嘅
继续阅读
又系收工约老友食饭，选址又系新北江，可能由于星期6晚食饭时间好多想食既餐厅都爆场，周围行紧之际经过呢间川舫门口唔知系味咪老板娘既店员就招待我地，咁反正唔知食乜就一于试下啦，反正我同老友都食到少少辣，店面好开扬，门面同坐位就直接摆晒出黎，得几张枱，隔离果间糖水铺原来都系佢地的，唔够位时可以坐埋系糖水铺度食。坐底慢慢睇下餐牌，大部份既川菜类都有，主要都系辣，唔食得辣既朋友就要留意下，睇完我对个烤鱼好有兴趣，就点左一份，再另外加款小菜吧，由于怕太辣食得辛苦就2样都叫微辣试试先。烤纸包鱼鱼系用鲈鱼，肉质都几腍滑，都算几大条，表皮我觉得可以再香脆d，配料本身跟左薯仔片，薯粉同木耳，有个炉烘住咁保持热度，我地拣左微辣但都见到个汁好红同埋都有唔少既花椒，但食落就真系唔会好辣，好过瘾。莴荀炒肥肠小菜想食返d蔬菜叫左个莴荀炒肥肠，都系微辣，莴荀我平时好少食，食落都几清甜，肥肠唔会好肥，腍得黎有咬口，少少辣调味几夹，呢味小菜都有d惊喜。晚市小菜无套餐的，我地另外叫左白饭就8蚊碗，饮品都系基本奶茶咖啡果d同埋罐装汽水，原价12-14蚊，有叫小菜就半价。呢餐虽然话系路过求其食，但都叫有d惊喜，食物质素算唔错，价钱合理啦，环境就争d，比较焗，加上又食辣野就可能会辛苦少少，埋单店员系后面计左数就讲总数既所以影唔到张单，食左$32x。
继续阅读