影片
天水围食野参差我一路都系咁讲架喇，所以试新野都要d勇气，皆因如果唔岩又浪费个胃同埋钱！呢间野新开、细细间！但估唔到有惊喜啊～佢有我最最最爱既凉面，又有我至爱既汕尾牛丸。重点系每样野都唔超过三十蚊。凉面叫左小辣，油香好浓，绝对一试！大家可以试下鸡丝果款，见隔离枱食好似几滑。另外嗌左个牛肉饼面，面系好弹牙，牛肉饼系大陆食到既味，几正宗！但好可惜野饮得汽水，仲要加钱。所以我觉得呢方面佢地可以出个套餐，吸引多d食客架～
继续阅读
平日晚上咁啱到天水围探朋友，谂住陪佢试下附近有咩野食啦，误打误撞之下，入左呢间唔多起眼，但系入到去发现都算干净又满哂，所以决定买外卖食。点单姐姐好好人 ，有介绍少少，我地想影低有咩食，佢仲话多样个牌无既饭(手撕鸡饭)。最后我叫左推荐既手打牛丸川香鸡排红薯粉，加可乐。小辣第一啖，ok 㖞我食到唔系好辣，仲好香添，系我钟意既麻辣味呀！红薯粉系同平时食既有少少唔同，幼身的。鸡排好入味，牛丸系手打所以好弹牙，唔会无啦啦有粒硬左咁。朋友就食左腩汁，都好好味呀下次再黎都一定会食佢呀：）
继续阅读
附近川味嘢食匀晒，系哩间麻辣最深得我心我喺商场附近摞到传单去试嘅，点知一试上瘾个麻辣汤不得了，不！得！了！绝对系用心之作必食推介： 麻辣汤底、牛腩、手撕鸡、牛肉饼、牛肉丸、猪肉卷
继续阅读
晚上去左呢间川粤食，全店只有16个位，唔算太大，服务员亲切。今次试「川」的部分，叫左猪肉卷牛肉饼米线和川香鸡扒河粉，两个都系四川麻辣汤。汤底方面，个人认为辣度适中，麻度够，不像谭仔用咪精加辣粉，用足香料的汤。至于𩠌料，鸡排香脆肉嫩，牛肉饼手打及猪肉卷切片，可以食出用真肉打，而且价钱不贵，性价比颇高。下次试下「粤」，到底云吞面虾子汤会不会像麦兆记一样好味呢？和祖传牛腩水准如何，店内相片是祖传牛腩面，不过我觉得配河或米粉应该较好。
继续阅读
同老公系天一发现依间新米线，胆粗粗地入去试下新野，当时仲系试业咋，依家已经正式开业，唔试还可，一试就爱上，写到好似有啲夸😂 讲返米线，我至爱系鸡扒麻辣米线，鸡扒系秘制，煎香，唔会鞋，但我觉得比起试业食已经差左啲，试业会分碟上，依家放埋一齐，煎/炸得较香脆黄金，可以考虑分返碟上啦。至于麻辣汤底，超好饮，好香既花辣味，又浓郁，米线软硬适中，老公仲嫌小米线。老板娘会好细心介绍秘制辣油同菜莆，食得辣嘅两样都系必试！至于唔食得辣嘅我会推介牛腩面系用坑腩(唔知系唔系一定系坑腩呢🤔)，汤底亦好有牛肉味！天水围既朋友不妨去试下啦，支持下啲小店㗎嘛！
继续阅读