影片
为了水煮鱼而来......已经记不起从何认识这间小店，只要想吃水煮鱼便会来这里。小店自家经营，有妈妈阿姐帮手招待客人，大厨都会不时出来走走抖抖或同客人聊聊。每次来都会点水煮桂花鱼，辣度随你喜欢，由于不能吃辣只好叫小辣，对我来说就刚刚好了！水煮菜式除了主角桂花鱼一定会有伴菜，最初小店放了薯粉、猪红及豆腐卜，但三样我都不喜欢，近来伴菜换了另一种薯粉及改了用豆腐，即刻没食剩伴菜了😜小店环境卫生一般，大排档形式，来只是为了吃到味美食物。
继续阅读
之前睇电视介绍麻辣啤酒鸭锅， 主持话个汤底好香好辣， 好有层次，听落好吸引，所以去试。订位：餐厅的联络电话是手提电话， 打去订位， 一个男人听电话。我话订位，佢好似无反映然后答“哦”， 感觉我好似打错电话咁。但佢又唔问我订几时，订几点， 自己好似傻咁自己讲野。讲完时间佢想收线， 但佢又唔问我贵姓， 我要问反佢我使唔使讲低贵姓，成个过程好古怪。经过依种对话，未食已经对依间餐厅有个唔系太好既印象。环境：有3间铺， 一个铺系厨房， 所以系对住条街做菜。我坐个间铺，长条形，感觉好似系个货柜食饭， 环境好恶劣， 墙都是有色的水“积”， 其实真系几唔开胃。门长期大开，冷气又唔够，对打边炉或食辣野其实好难顶，我宁愿坐街。菜式：有D朋友唔食辣，所以一半锅系“麻辣啤酒鸭锅”， 一半系”酸鸭锅“。麻辣啤酒鸭锅 ﹣ 唔麻又唔辣又唔香， 食咗之后真系好失望。究竟系水准下降定系电视做假？个锅又无啤酒香味。鸭大部份系鸭头鸭颈，想揾D肉食都好难。D鸭又实又干， 超失望。酸鸭锅 ﹣ 唔见好麻辣锅得去边。话唔辣， 反而有D辣。完全食唔出有酸味。唯一入面D酸萝卜又几好味。火锅料， 叫大部份都话无， 无虾，无墨丸，无薯仔片， 无白鳝。。。。。。。。。。。。真系呆咗。手切肥牛 ﹣ 碟牛系瘀黑色，我未试过打边炉D牛可以咁唔新鲜， 但食落好香牛味， 所以我估货源本身唔系差，只不过后期无注重卫生同保鲜。芝士肠﹣我想他们真系保鲜有问题，D芝士肠有异味，我食咗一啖都食不下去。连最难出事的东西都出事了，对其他食物真不敢再抱有期望。蛏子﹣ 朋友想食，但经过以上的食物已经叫佢唔好叫，但佢唔食肉，所以最后都叫了。试了一口， 又有怪味，好唔新鲜， 又掉了。整个火锅经验都好差， 但见隔离台叫小菜个样又好似好OK， 例如系水煮野， 同胡椒蟹。可能依度真系唔系打边炉既地方， 但系食物唔新鲜真系死罪。我地都有叫蒜泥白肉同鱼皮， 蒜泥白肉D肉好实好干， 蒜香唔够又唔辣，所以都系无下次。唔讲食物，环境其实都好恶劣， 莫讲话D野唔好食， 就算好食，个度既卫生环境都令人却步。今次仲叫咗鬼咁多friends 同我一齐试，点知搞成咁，下次都唔敢再吹鸡叫friend试新餐厅。
继续阅读
为食姊妹兵团近日喜吃四川菜，想起年前与友人帮衬的这家川味港，便成为今次的目标。人流依然不绝，七时过后便全店满座，大家高高兴兴点起菜来。餐牌跟以前一样，菜式也没有改变。原条水煮鱼全晚最好吃的麻辣圣子黄金大虾 - 虾很大只，也新鲜，可惜咸蛋黄唔香，也吃不出虾的鲜味。唔麻唔辣的口水鸡阿姐介绍的茶香骨 - 又咸又食唔到茶香呢个招牌菜咸得不得了，好似放了双重盐。炒得非常湿，没有了应有的爽脆要不是看见老板在帮忙传菜，还以为转了手。跟老板反映，竟然说川菜是偏咸，似在投诉我地 "唔识食"，真系好想叫佢自己试下咩味？难怪乎早前有朋友说这家店子来不得，看见食评仍有很多笑脸，便来帮衬。今天再详看食评，原来最近期的食评已是半前年，只怪自己不听朋友劝告。究竟何故小店变得如此？𩠌菜都变得死咸死辣，吃过这餐，真系有排都唔想食四川菜
继续阅读
我同老公都好钟意食辣野,但识嘅朋友都唔系好食得,因为我地多数一对对咁约出黎食饭,咁有d就男唔食得,有d就女唔食得,.所以好难约朋友食川菜,唯一只有一对好朋友可以一齐食,不过就难就时间,所以一年先一,两次..>m<''咁次一行4个人,就食咗5个𩠌,加4个白饭.水煮羊(大辣):好好食,因为我地老公唔食牛,而上次的水煮鱼又比较多骨,所以今次食羊,一样好味,而且多配菜,d汁又可以送饭,正.巴蜀猪串骨:必叫,我地个个都赞不绝口,今次入口重好多肉汁,而且重好麻添.四季豆:无咩特别,但又一条一条接住食,因为都要食下菜呀.猪手: 呢个就真系好一般,因为冷冻咗,二来又比较硬,最后都食剩.蛏子:呢个好食,又新鲜,又惹味不过真系唔够麻呵,如果劲d就再过瘾啦
继续阅读
这晚收工后约了朋友去川味港食辣野大概是十一点多,我点了鸡煲(大辣)海蜇和干锅肥肠,很可惜没有影底给大家看,鸡煲的鸡是用新鲜鸡的,很鲜,而且辣度也足够(可能是大辣吧)还有底下的配菜完全吸了汁的味道,爽!!!干锅肥肠_麻味十足,有一股劲从口直上头部令你马上流汗,而且肥肠比深圳的川菜馆不遑多让,不俗整体来说这里的食物不错.
继续阅读