川味油渣麵 (已結業)

筲箕灣之友最鐘意的串燒啤酒🍻夜這店的老闆娘非常熱情，食左約幾次都變左熟客仔，沒有華麗的裝修，但就是食著那一份地道的人情味，有時一坐一食一飲酒和朋友話題就停不了，在這樣的小店，總可以做回自己。串燒價錢大約十幾至廿幾蚊，平價之選，還有川菜選擇，岩曬我口味油渣麵$32，炸過的豬油渣份外甘香，配上海粗麵，好感不錯，仲有辣辣地菜莆，冬菇絲，好野味口水雞$75，半隻份量，個醬汁真係好正👍份量多，雞肉嫩滑，啖啖肉這裡的串燒不能錯過，燒茄子🍆，燒雞翼，都是即叫即燒👍…查看更多

豬油渣係脆渣，係香同脆，有幾塊冬菇作配料，但麵底竟然係7仔用既烏冬而唔係粗身上海麵。。。湯底味道亦唔太特別，有提供辣菜甫及原味菜甫，所以整體唔係一碗合格既油渣麵。…查看更多

12點幾覺得有d肚餓就上網揸下附近有咩好食（今唔通次次m記、711、ok咩）查到愛蝶灣個度有間買串燒既開到2:00am行左差唔多5min就到叫左個四川刀削麵（小辣）、豬大腸、韭菜同粟米，外賣全部加一蚊收左我$100覺得有d貴因為係既叫既燒就要等，等左30min？翻到屋企唔知係米我拿得有d問題，流汁先食左一啖刀削麵辣到我呢既刻去雪櫃拿野飲第二啖先feel到其實是熱豬大腸燒得有d脆脆地，豬大腸洗得好乾淨冇異味，味道唔錯粟米夠甜，唔知塗左d咩醬汁，好好味韭菜我覺得一般la，太安樓有間都有買串燒既個間既韭菜好食d…查看更多

機緣巧合，因有事剛巧經過附近，在旁邊的櫃員機取錢後被旁邊這店的香味吸引著，看著陣陣的燒烤味本來已帶著少少肚餓的我和友人也流了口水。店外剛好有座位，坐下來不停亂點就點了一堆東西:紅薯粉: 有點似韓國的薯粉，不過這是帶湯的，吹著風吃碗熱粉馬上暖入心，薯粉感覺有點黏韌好特別，而湯放入了肉碎菜甫等馬上入味了很多而且帶了少少酸酸的口感變得很開胃。香辣燒茄子: 平平無奇的茄子加了豉油蔥花香味粉等當場變得好惹味，茄子也沒有燒烤而變得乾身韮菜金菇燒: 沒有太多調味但味道一點也不單調，韮菜有鹽帶著本身的香味非常的搶，配著金菇的甜兩者可謂天做地切的一對烤雞翼: 明顯的醃了味，外表燒得很香脆而內裡雞翼還保留著水份，不用任何調味也可以，見到台台都有點這証明水準有一定實力紅油抄手: 跟正統的賣相有出入，後來細問老闆娘說因為迎合香港人健康口味才把整碗紅油湯物換走，但雖然少量但紅油還是很惹味，但小心搶喉四川擔擔麵: 情況跟抄手一樣，但味道絕對也不失禮，不太搶的味卻愈吃愈惹味，有想再吃的衝動烤魚餅: 看著那不規則的形狀相信是自家製，外表的脆身內裡的香滑彈牙正正列出了這道小吃，而最緊要是吃下去一點也不腥才難能可貴烤三文魚扒跟釀青椒: 友人非常愛吃三文魚扒而獨吞了，一邊吃一邊說油香烤香各有千秋而且也是醬汁的功勞令魚扒味道不單調。釀青椒的魚肉跟魚餅是一樣，但放了釀入青椒又更惹味，吃起來比平常的登籠椒來得更香烤燒賣: 老實說個人第一次吃烤的，比起炸少了一份油膩而多了一份烤香，而且烤到脹起了整粒感覺見食得多四川冰粉: 本來沒有打算叫但食完香烤物想吃甜品但附近又沒糖水店便點了餐牌上這個，透明啫喱狀物的外形有點似涼粉但吃下去沒有涼身的硬身也代表著應該沒有魚膠粉，加了點疑似紅糖水的東西在晶瑩剔透的表面加上另類光澤也豐富了味道。好奇下又再問了老闆娘而知道用了(忘了名字的草) 磨粉煮起雪凍而成，而且她說還是四川寄來，實在配服她的心機。附近環境雖然是屋邨但比較靜，馬上坐在街道上吹著風碰著杯，一邊聊著當年今日，一邊聊起風花雪月十份寫意，邊吃邊停，停完再點菜一點兒也不催趕真的以為自己在放假中。 很難得香港島還能見到這露天風味的景象，實在有意思和寫意，也令我期待下次！…查看更多

星期日同女友係屋企睇完三色台掌門人,見肚餓落街搵野食經過川味 (其實平時都見夜晚好多人係度食, 但自己一個好難叫串燒食) 終於捉埋女友坐底堂食入到去叫左串燒數串 (雞, 雞腎, 牛, 豬, 豬頸等等) 伙記問係咪要蜜糖, 我地隨口答左係直到上檯先發現, 原來串燒可以選擇: 鹽燒, 麻辣, 沙嗲, 蜜糖....還好除左辣既雞腎又外,其他同蜜糖都勉強配合到串燒水準不過不失, 但價錢同份量唔太成正比...每串大約等於出面既0.7串既份量 (由於太餓,唔記得影相)之後因為唔飽, 所以叫左個拍青瓜同擔擔麵. 拍青瓜即場拍, 新鮮爽口, 但落左太多醋(幾乎係用醋浸住, 受唔到酸既朋友就唔好試了..)至於擔擔麵做得幾好, 細麵麵質滑溜, 配上自家製的擔擔麵醬, 個人覺得比串燒做得好…查看更多

和男友在家重溫三嫂個飲食節目錄影，睇佢吹到男友家樓下賣垃圾嘅金乜大有幾巴閉，睇到🔥火到嚟埋😡，口淡淡又諗唔到食乜，又費事落東大街排隊食垃圾，男友突然問我食湯粉好唔好？偷偷走去愛秩序灣我睇唔起眼的燒烤店買外賣，買嘅居然係我唔好嘅酸辣薯粉，另外加了一份✨邪惡嘅炸豬油渣拌食✨點知食落對版仲好味過旺角同東門嗰D，不太辣又有麻香，薯粉又夠煙un👍實在值得一讚，仲有強國重口味燒烤，豬腩肉🐷外脆內軟茄子同雞翼比坊間惹味得多，仲有碗類似愛玉的四川冰粉當糖水解辣，相當得意😜；難怪總係坐滿一街食客，可惜訂價丁點也不便宜😓，份量亦小家一點，只可說是租金惹的禍😔…查看更多

星期六做到晚上十二點幾都末食飯飛的返到屋企樓下仲有間鋪未收二話不説買個外賣回家做宵夜先麵得三款選了四川擔擔麵見好多人要串燒, 我又要選了牛舌同雞腎, 味要沙爹四川擔擔麵$22 - 唔之係咪外賣我覺得唔夠熱,味道唔錯，麵太淋·可能堂食會好D串燒牛舌$12 普通，雞腎$12 好爽好食如果麵款可以再多D選擇就更好喇…查看更多

這家店的常客會發現店裡經常出現一些餐牌上沒有的東西.上次試過麻辣燒扇貝+粉絲,又試過燒豬串骨,燒九截蝦,燒帶子...全部麻辣!!!除了燒蝦我個人不太喜歡外(殼好食過肉...),其他全是翻尋味之作.記住每次見到老闆娘都問下今日有無咩特別o野.尋晚經過同個師傅吹水,佢話等轉涼之後會有火鍋水煮魚同雞煲. 必試.小題示: 如在店外宵夜,請自備啤酒,店內沒酒出售.…查看更多

琴日同男朋友2個去食~入到去一個人都冇..門口有賣串燒..d煙好勁..我地2個坐左一陣..己經feel到勁大煙..原因係佢有門口的.只得2片膠片當門..所以d煙飛哂入黎:(我叫左一個中辣暑粉.bf叫左一個小辣..因為佢唔食得辣.所以話好辣!但我個中辣就好好味.佢d肉醬同埋辣椒菜脯真係冇得頂!佢本身碗野有之餘..另外可以自己再加!..我狂加..!佢仲加埋花生粒..開頭以為佢係成粒花生上..但完來係cut成小粒.食落好有口感..但又唔會滯..因為平時食開米線果d都會成粒上.食一陣己經好滯.但佢岩岩好!另外叫左d串燒.一個係尖椒...勁入味呀and佢d汁超好味!..仲有雞亦.好入味....有3隻.同埋雞贀(我冇食) 一支豆漿同可樂..埋單80蚊..抵到爛....一定會再encore..不過店鋪真係好雖要加度門黎當佢d煙..如果唔係我諗我會外賣拎走算..另外我諗佢落果d粒應該用個蓋"cup"住..因為我係台度見到有隻蚊之仔(好細.)飛左入黎.係台上半死....如果佢d粒唔用蓋..除時會飛埋去..都唔知..咁佢"不"比客碗野就大獲..…查看更多

今天游完早水,回到家發覺己頂不住了,決定試一試樓下開了不久的小店,見其招牌菜為重慶薯粉和油渣面,看見薯粉好像很多料的樣子,決定試一試!果然沒有令我失望,薯粉夠滑夠爽,抄與配料(肉碎和花生)拌勻後吃,簡直一流,魚旦也十分爽口彈牙,薯粉$16+魚旦$4+外賣$1=$21 抵食!!不仿一試^^…查看更多

這小店新開沒多久，路過試下，準備外賣回家，內有＋多個座位，舖面幾整潔，經女店員介紹下買了一碗重慶薯粉（不要辣）: $17（外賣加 $1）:):) 香料加上花生碎和肉碎，攪拌後吃，很香口、有風味、薯粉够滑、有口感、正 !! 另加蘿蔔及魚蛋 $8:):)蘿蔔够淋、味清甜，魚蛋大粒彈牙，以後午餐又多一好選擇。…查看更多