影片
牛丸河和水饺面好好食，牛丸有肉汁，水饺足料大大只，河粉透薄，幼面有爽劲冇枧水味。$30一碗好抵食，值得再次光顾。环境光猛整洁，坐得舒服。有好多选择，午餐或晚餐都啱
继续阅读
行经元州街发现有间嵩记牛什，以为A货，望真啲原来真系大埔道𠮶间嘅分店，就决定入去食碗牛杂面。牛杂幼面（$33）3.5片草肚（切得好碎，淋）、2片沙瓜（估唔到有，有𡁻口）、2旧肺（几弹牙）、2旧粉肠（唔肥，无咩牛脂香味）、1件厚切膀（虽然唔大旧，但少有的厚切，口感唔错，少少粉糯），整体好入味（唔钟意嘅就会觉得过咸）；汤底清唔油腻，色水比较深，以为好咸，但都好彩唔太咸，味好浓（最后无口渴）；幼面够爽口弹牙，但有碱水味（但我接受到）。
继续阅读
收工攰攰地 ，想揾啲快靓正嘅野食做晚餐。🎊遇到新店开张，就同男朋友入左去试下。环境舒适好坐。我就叫左个崩沙腩面，加菜心， 牛腩好腍好入味👍🏻另外，青绿色嘅菜心， 好睇又好食😋加多$8蚊，仲可以加个餐饮👍🏻👍🏻👍🏻🥤咖啡，奶茶，柠檬茶🍋汽水… 都可以随便拣。我男朋友就叫左个云吞面同一个小食 — 脆脆炸鱼皮 。 啲云吞，意想不到嘅弹牙～🤗老板话每粒云吞都有2只虾系入面架🦐🦐呢餐，好食又抵食👍🏻
继续阅读