嵐山冰室

营业中

休息中

茶餐廳菜式，個人覺得有驚喜，終於响元朗可以令我會當飯堂既食店👍👍👍👍😋推介食物：椒鹽豬扒飯，超超超好味😋我個人食過既No.1下午茶：咸牛肉芝士蛋多士，佢完全唔hea 整，麵包可以選擇飛唔飛邊，驚喜係佢有落蔥架，真心好味😋蔥油腸仔雞翼麵，簡直係冇得輸，啲蔥油超多又香，好味😋👍❤️晚餐至愛蒸餸餐，多選擇，必食蒸水蛋夠滑👍仲配碟油菜+嘢飲！最值得係價錢超值💰用餐時，見人食京都骨、鐵板扒餐…真係整得好用心！❤️❤️❤️👍（圖片未能盡錄）真心值得推既食店😋😋😋😋😋

今日懶洋洋唔想落街買嘢食同埋出去食，所以叫咗外送，一陣又要返工所以叫埋今晚嘅晚餐，咁就可以一個運費叫咗兩餐，真係好化算。我用咗唔同嘅角度去分析一下今次嘅餐飲體驗。早餐A：濃汁沙嗲牛肉麵因為我份人本身細食，所以一個沙嗲牛肉麵加隻煎蛋對我嚟講其實都好夠，但係對於一啲比較大食嘅人嚟講，呢個早餐可能唔係好夠飽。味道方面呢個籠汁嘅沙嗲牛肉麵相當濃味，沙嗲味足夠，我認為個汁係好食嘅。牛肉質地正常發揮公仔麵質地OK雖然係濃味，但係唔算好鹹亦唔係好油。迷你肉醬意粉，香脆雞翼（2隻）依個估唔到相當有驚喜，雖然個size唔係好大，但係個肉醬意粉嘅味真係相當好食，蕃茄味濃唔似有味精嗰隻鹹味，意粉質地亦唔錯，配埋兩隻雞翼炸到脆卜卜相當配搭。餐飲：沒有付款方法：信用卡人均消費：$71加兩蚊平台服務費等於$73 下次希望試吓煎蛋免治牛肉飯。

味道不錯，什扒出色， 黑椒汁和洋蔥汁很香，汁水不錯，但如果有珍寶腸什扒或有羅宋和忌廉湯或可以跟飯意份更加好，無得頂，另外360义燒炒滑蛋和其他餐廳做法不同，很好飯很香值得一去

因為Kxxxa又有外送優惠，所以午餐叫了新餐廳試下。最後點了優惠餐焗肉醬意粉，用了折扣券不用$40就有，連一杯熱飲。肉醬意粉如圖，味道正常，不肯定是不是肉桂粉的味道偏濃少少，份量正常，意粉是港式茶餐廳意粉的質地，偏軟身，但又不至於一夾就爛。飲品點了熱華田，味道夠香口及濃。但是以這個平價價錢，還要連送餐，沒有什麼好挑剔了。

見新開張入去試吓，點左個糖心蛋蕃茄濃湯海鮮麵配熱奶茶$59，加$12追加一份沙律菜蕃茄湯好濃郁，唔係一般味精湯，配餸亦好足料，有糖心蛋、日式魚蛋片、蟹棒、蝦、扇貝同青口，令我意外嘅係青口非常鮮甜，冇諗過$59一碗麵可以咁高水準。加$12就有咁大碗沙律，而且沙律菜非常新鮮；奶茶好香滑，奶同茶比例調較得岩岩好，唔會澀唔會鞋口。價錢相宜份量足，味道亦好好，一定會再幫襯。