峰壽司魚屋

营业中

休息中

前排新聞出左香港好多壽司店啲壽司有蟲又有重金屬，好彩睇左選擇發現峰壽司好安全，即刻約個friend出黎食下壽司先～😍一直都知峰壽司多人食，所以已經六點半去食，點知都等左大半個鐘🤦🏻‍♂️七點三度終於入到去！即刻叫左個春の三文魚盛食下先！個三文魚卷真心好好食，我本身已經好中意食海膽魷魚，加埋落壽三文魚卷真係好正！其他三文魚壽司都好特別，加左配菜啲壽司口感好左。跟著有三點刺身盛，無咩特別，反而壽司好食啲。因為個三文魚卷太好食，叫多左個再食，點知第二次叫細件左，啲海膽魷魚又少左...好失望...另外叫左櫻鯛盛，啲櫻鯛比我想像中淡，不過口感好好，好爽口彈牙！其他普通壽司都正常水準，比一般連鎖壽司店新鮮同好食，最驚喜無諗過叫左既清酒好甜好易入口好襯壽司。雖然峰壽司比較貴，不過真係比其他連鎖壽司店好食好多，期待下一次再食😍

出左荃灣廣場食飯，好多人排隊，終於可以排到我地既日本餐廳啦3個人份量剛剛好。迷你火炙三文魚飯，沙律醬稍為有d多，有少少膩呀可以減返份量，又或者另上就會比較好，感覺食唔出三文魚既味道。鰻魚飯，附上面豉湯，蟹柳沙律，不錯，一個set先98蚊，但對於我呢個鰻魚忠實粉絲㴝講，都可以值得推介的。面豉湯好好飲，不會太咸，而且味道好濃好香。蟹柳沙律份量非常少，一兩啖就無嚕，但其實好好食！左:龍之卷。右:軟殼蟹卷。龍之卷非常好食，可惜我地無叫6件，而揀左3件，呢個值得一食！軟殼蟹反而有少少失色炸墨魚軟骨，呢個我覺得好食過x長果款。唔會太咸，熱辣辣甘食，好正！唔需要醬汁，已經覺得味道調得好好。燒餅風味炸魚餅，呢個可能原味會好食少少，因為都係個沙律醬出事搶晒魚餅既味道啊三人食都差不多價錢啦

峰壽司雖然唔係我心中最高分嘅壽司店，但就一定係我最常幫襯嘅壽司店，因為位於荃灣方便住喺唔同地方嘅朋友仔，而且座位闊落，一邊食一邊吹水坐到耐一耐都好舒服😌😌今次係平日嚟幫襯，晚上七點左右，唔使排隊直入實在太好了。基本上玉子壽司我哋每次必點，玉子夠厚身鬆軟而且上菜一刻個蛋仲係微暖👍🏻👍🏻而朋友仔就好鍾意呢度嘅蜆湯，大碗得來又夠鮮甜，其他壽司好多地方都有無咩特別，呢度就唔再多介紹，起碼呢度啲食材唔會唔新鮮已經收貨。

黎左咁多次都無試過呢間壽司舖 今次一等 等左一個鐘先有得入 試下佢係咪真係咁好味先入吧枱位置 望住啲壽司師傅即整壽司 呢間舖用Pad 落單 有圖有名 好方便 仲可以睇返自己點左啲咩 如果會計埋消費總金額就更好啦 可以有更好既預算左《鵝肝》燒得好香 沒有燒焦味 如果一口過 會好滿足右《火炙蟹柳》表面的沙律醬與燒過既蟹柳融為一體 味道更豐富 更易入口上《春の三文魚盛》愛三文魚的朋友必點！分別有三文魚🍣三文魚腩&三文魚卷 3款各2件=6件壽司 肥美的三文魚 食足三件都有啲膩 新鮮下左3件為《貝盛》：帶子+赤貝+海螺 雖然樣子比較貧瘠 但鮮味都十足 亦都彈牙 但整體溫度較高 沒有壽司冷冰冰既感覺右《蟹柳》比火炙的更鮮甜左《蔥粒吞拿魚腩》喜歡吞拿魚嘅味道 又喜歡蓉嘅口感 諗起都流口水右《螃蟹膏醬》蝦膏好香口 就係鍾意有少少腥 蟹肉蓉一大口吞下 好滿足《峰玉子》估唔到簡簡單單既玉子都咁出色 甜甜的 爽口 分成兩邊都夠滿足《龍の卷》飯中包了生菜同炸蝦🍤 有生菜中和炸蝦的罪惡感 飯既軟+炸蝦既脆 口感豐富 上面舖了一塊鰻魚 再加上蟹籽 呢個組合一絕👍🏻食晒壽司先黎既《豆腐沙律》不得了 比想像中大碟 大

之前到峰壽司大多都是點他們主打的三文魚盛， 今日試它們的午餐。平日午餐，過了一點的午餐高峰時間，又未到下午茶時段，人客不多。峰壽司的枱頗大，座位寬闊，很舒適。午餐價錢不貴，由$58到$88不等。午餐配沙律和麵豉湯。沙律一般，配日式醋，甜甜酸酸，但蔬菜很凍。 麵豉湯正常，不算太鹹。蒜香三文魚飯($58)三文魚飯有兩層， 上面是普通三文魚魚生， 豉醬油醃過的三文魚魚生， 三文魚生新鮮，但沒有餐牌所說的蒜香味。A set 壽司盛($58)壽司上的配料有點乾身(除了三文魚刺身）。三文魚壽司算是最好的一款，其次是反卷，味道都幾好。最差勁是手卷，手卷內應該包著撈上沙律醬是魷魚，味道有點奇怪，而且外層的紫菜太腍，咬都咬唔開，最後放棄了冇食哂。午餐價錢合理， 這裏除三文魚外，其他食物一般。 下次到這裏還是多點它們主打的三文魚壽司和刺生較 穩陣吧！

Lunch menu中有個三文魚飯非常好味，每次去到都會叫佢，但好多時都好快賣晒，就會叫壽司set, 壽司set望落好似好少件數, 個實際上非常飽肚，有時會食唔晒。 亦試過再追加烏冬, 烏冬不過不失。

原本想食隔離的girl boss, 但限時，只有90分鐘！ 於是轉場食峰壽司，之前係尖沙咀食過都覺得不錯，但今次就普普通通！ 所有野都普普通通，只比百佳壽司好小小，唯一好處係不限時！ 其實我地點左好多，因為我地人多，但都冇興趣影相！ 仲要價錢都唔平🙁🙁🙁

平時多數都去開元氣，今次想試吓其他連鎖壽司店，一於試吓峰壽司啦。星期六嘅下晝兩點左右唔使點排隊，去到就有位。佢有好多三文魚相關嘅創作壽司，全部都係用三文魚腩製作，好肥美！仲有招牌嘅甜蛋，不可不食。兩個人埋單都係三百幾蚊，食到好飽。

今次係我第一次去食峰壽司，咁我就去咗荃灣嗰間，咁我嗰日係星期五晚嚟嘅，我就七點25分到咗，跟住就攞飛，因為門口已經好多人排隊啦，咁我大概都要等咗一個鐘頭左右先可以 安排入座，去到裏面呢比我想像中坐得舒服呀，因為呢我哋兩個人去食， 但係佢安排咗一張四人枱坐 畀我哋唔使搭枱，另外呢點餐係用平板電腦點嘅，所以就好方便。咁我哋食咗都有成十疊嘢左右啦，有壽司啦有蟹啦，不過就冇食刺身，咁埋單大約300蚊左右囉， 最後我想講呢間餐廳坐得舒服，不過不失嘅選擇

峰壽司有好多間分店，不過每間水準不一。荃灣呢間食左好多次，愈來愈普通，魚生無一種新鮮的感覺，雖然你會話價錢咁唔貴 唔好咁高要求，但只可以講以前好食d😂 峰壽司既鰻魚好食，薯餅都唔錯，入面有好多栗子

其實峰壽司都食過好多次，一直都有幫襯佢唔同嘅分店，但係好可惜沙田店已經執咗，所以想食就要去其他區喇 冇計啦，佢係其中一間我鍾意食嘅壽司店，所以我都會去:峰壽司啲壽司好新鮮，好多都好好味:而且佢價錢唔貴，同普通連鎖式嘅壽司店差唔多，但係性價比超高:我最鍾意就係呢度好三點拼，可以一碟試曬三個唔同口味嘅壽司，感覺好滿足今次夜晚等位大概等咗一個鐘左右，入到去當然係立即叫壽司我地其實叫咗好多，不過我掛住食冇影簡單講講佢啲壽司軍艦非常新鮮紫菜係脆嘅新鮮即整，蟹膏同海膽係我其中最愛嘅壽司系列之一蟹膏軍艦蟹膏味好香 ，而且好有鮮甜海膽軍艦，海膽唔算甜，但係起碼唔腥，都算新鮮。三文魚籽份量都夠多，唔錯。仲有我最鍾意食嘅吞拿魚蓉軍艦吞拿魚蓉咬落去軟淋淋，啲魚蓉漿住個口咁，好滿足貝盛壽司今日反而麻麻地，螺片太細塊，而且唔夠爽口。赤貝則比較腥，不過帶子肥美鮮甜，呢個就好味另外三文魚腩都好好味，咬落有魚油，而海蝦都新鮮爽口:]火炙壽司醬汁好好味，加埋少少火炙嘅味道，鰻魚、三文魚、帶子都好出色:油甘魚類都係好新鮮，一個字甜蝦好抵食而且好甜，一件有三隻兩個人埋單大概$380左右，食咗好多，抵食又好味

以前好鐘意同老公食峰壽司，但自從有次係銅鑼灣食過好失望就好耐無食過了。今日去荃灣廣場行街，見有峰壽司就再試下。壽司既質素ok la，魚生唔算好新鮮但壽司飯飯同醋既比例幾好，無過酸。應該可以再黎既。

吉列豬扒飯 豬扒比較乾，本來預期到 峰壽司吃的豬扒飯會是充滿肉汁的，但可惜今天吃到的只是好一般，豬扒比較乾身，硬硬實實的沒有什麼滑的感覺，有點失望。吉列豬扒飯附送了面豉湯及漬物、小鉢。漬物是黃色的蘿蔔片，小鉢是炸了的三文魚骨 之後有個甜甜的醬汁包著，很不錯，好味啊😊

「魚生肥美 材料新鮮」一聽到去峰壽司便食指大動，峰壽司的(特上) 2人前 是我很喜愛的，當中有帶子壽司兩件，帶子雖然唔係好大隻，但勝在新鮮甜美，三文魚腩壽司中的三文魚腩非常肥美，有油香。峰玉子真是非一般的玉子，除了玉子上面印上一個「峰」字，玉子做得非常好，好有蛋的香味，不會像一般玉子的甜，好香真係好想食多一件。千尋海老蝦肉甜美新鮮爽脆，吞拿魚中腩 看看它的顏色粉紅帶光澤，入口有魚油香，好新鮮。魚背本身油份好多，吃下去滿口油香好特別。還有大大粒的三文魚子壽司和 八爪魚壽司也非常好味。三文魚刺身顏色鮮明，口感非常好。

今晚我哋約咗奶奶佢哋食飯所以入咗荃灣老公話好想食壽司所以就嚟咗依度啦我哋六點幾嚟到所以就唔使等位直接入左去我哋冇坐卡位選擇 因為想擺到BB櫈因為大家都好肚餓所以一開波就叫咗勁多嘢食直情係部機到落唔到單所以要佢哋人手幫我地落單見到佢有個秋日限定牛油果三文魚腩壽司好好食呀因為我自己本身就好鍾意牛油果加埋佢三文魚腩真係好好食其次係嗰個牛油煮蜆都好香口服務唔錯 同佢講有壽司嚟少咗佢都好快就補返俾我啦不過好可惜啊好想食茶碗蒸但係依度冇