影片
港铁旺角站 E1 出口, 步行约3分钟
继续阅读
营业时间
星期一至日
18:00 - 03:00
以上资料只供参考，请与餐厅确认详情
近排特登去試下岩石火鍋，聽講個雞煲幾正，所以同左班fd去食下。首先要講下佢個數量先，佢係放題所以其他料可以唔洗理但係佢d雞係有限，但係遠距離都見到個煲真係好大。果然雞既數量真係好多，重點係佢既雞身都好大舊下，食完雞之後真係可以中場休息下。講返佢地個品質，食落去d雞真係舊舊都好香滑，而且舊舊雞都吸左哂湯汁食落去內外都有辣味。肥牛同雞比起就差d,但係好多肥牛既口感都唔錯，肥瘦均勻但係就簿左，可以再厚少少就正啦。其他料都唔差，好似墨魚丸同蟹柳，泡係麻辣汁之下，吸哂d味，味道好正。地方又唔算好逼，價錢又ok，有聚會都可以去呢間食下。
继续阅读
冬天咁凍，又唔想食日式放題，想暖下個身都唔得啦，諗起呢樣就想食之前去過岩石火鍋又唔錯就去多次等左十幾分鐘先入到去 一坐底就當然拿拿林叫左個雞煲先啦，其實佢仲有幾款湯底，但我都係鐘意辣辣地，所以都係叫返個麻辣雞煲其實佢地d火鍋配料品不算話咩特別，不過質素都唔低但係佢地湯底既汁先至正，配上d食物都真係好正。好似d響鈴咁，最吸汁係佢，佢吸埋辣既雞煲湯汁令到我個口麻麻地，鐘意食麻辣既人，真係去試下。當然啦，唔單止響鈴，仲有好多款，好似d牛丸都好正，d肉汁食出黎真係好似漿爆牛丸咁爆汁。佢既價錢係旺角區算平，都係150～160左右 食物又幾好食順帶一提係佢地服務好快手，good
继续阅读
成班同事話天氣凍，咁當然去打邊爐架啦之前都來過餐廳個雞煲好正下，咁就一定要去再食下。我地成班朋友就叫左個比較辣d既雞煲 心個服務員拎個雞煲出黎個下，第一印象真係一個字「大」，我指既係個煲，而d雞呢?都係一個字「多」。我同我個FD,三個人都食左十幾分鐘。仲有，佢既雞啖啖都好香滑，個一陣辣味唔係得個麻辣，仲有個雞香，我當然係咁食啦!!其實食完雞都可以話飽飽地，但沒理由打邊爐唔叫肥牛架嘛，所以就叫左幾碟，肉就薄薄地都幾好口感，不過都係雞好食d。最後就要係d疏果類黎清一清腸啦 佢地既粟米都幾甘甜，又索埋少少汁既味道，更加好食 。所以鐘意邊爐同食辣就必需要食，價錢係百幾蚊1個，又坐得幾舒服，下次留肚再去過!!
继续阅读
影完畢業相就同中同出黎食啦!再一次黎岩石火鍋,因為上次好食呀!打左黎book位,估唔到黎到人竟然唔多!呢度係大約2-3人一個煲!同上次一樣叫左個麻辣雞煲同埋個唔辣ge鮑汁雜菌雞煲!好快就上左啦!其實佢份量真係幾多,好似食極都食唔完咁!今次麻辣果個我地叫左小辣!一開始有少少雞係未熟ge,所以要小心D揀!由於麻辣雞煲係我前面,所以今次比較主打呢個煲!我大約食左8-10件雞左右開始feel到有D麻痺ge感覺,就要轉戰返個鮑汁雞煲休息一下呢度除左有汽水飲之外,仲有橙汁,夏枯草同綠茶,不過朋友試過話夏枯草淡而無味,所以都係唔試好D!我自己就飲橙汁,感覺上比較唔會好快成肚汽!今次我地5個人,兩邊個煲都有2-3舊雞剩左!呢度除左雞煲同之後加水邊爐之外,就係仲有D小食啦!等食緊雞未可以打邊爐之際可以食下其他野!佢個章魚丸幾好食,印象較深刻!魚皮都好正,浸一浸辣ge雞煲一流!加左水之後食下D火鍋料啦!D丸都好食架,不過肥牛素質一般,可以不試,留肚食其他野好過!落公仔麫落去係好正架,吸晒D汁,不過亦都好濃味,有少少咸,食半個就好啦!菜係自己出去拎,都有好多唔同ge菜同菇可以揀,不過打邊爐都係生菜最好!可能個雞煲味濃,所以浸完ge邊爐食物都好入味好好食!雖然火鍋款式唔算好多,但一個價錢又雞煲又火鍋又小食又任飲真係算係咁!不過最後停左手之後佢D湯冷卻左,見到層'汁'真係幾厚下所以呢D真係唔好食太多!總括而言如果佢keep住咁ge quality同價錢,真係食得過,會再黎呀!P.S.佢出面有sauce可以自己撈,不過其實個雞煲已經好夠味,所以根本唔需要架!
继续阅读
老豆生日想打邊爐，阿媽話之前食過哩間ok就再黎食下，我地一行六人，可以叫兩個鍋，媽媽推介佢個重慶麻辣雞鍋，老公唔食辣，本來想叫松葉蟹鍋，可惜無……咁我地就叫左雙冬羊腩鍋，黎到確實個麻辣雞鍋好味好多，首先係雞足料，惹味，我地個羊腩鍋遜色好多到最後大家都投向雞鍋處，哈哈哈~~不過我見佢加價都加得幾快，但都算抵食既個雞鍋同蟹鍋~~其餘配料都係好一般，手切肥牛唔乾不過實在有d薄~~個墨汁墨魚丸都幾特別，重好食過本身既墨魚丸，佢所有關於雞既部份都好滑溜，所以無論雞件、雞塊我地都有叫，豬潤有少少唔新鮮，值得一提既係佢地既小食好多都好味喎
继续阅读