岩浪天扶良日本料理 (已搬遷) 新店位置

同同事食飯，有訂枱，唔洗等。同事推介一個 "時令"壽司拚盤午餐，完全由師傅利用當日0既材料決定，所以都幾期待。　先0黎前菜，有沙律，蒸蛋同埋有蝦頭0既麵豉湯。沙律新鮮，蒸蛋十分之滑同埋有鮮味，而且熱度剛剛好，好食。到左主菜，先0黎一份四件0既魚壽司，而係白色0既魚肉，例如鱆紅同油甘魚。都真係幾新鮮，如果有埋油甘魚腩就好喇 !!!　　跟住就０黎第二份０既壽司，有瀨尿蝦壽司，海膽壽司，中拖羅同肥拖羅壽司。個瀨尿蝦壽司非常之美味，皆因０係瀨尿蝦上面放左一Ｄ蟹膏同埋一Ｄ炸蝦仔，完全係一個完美０既配搭。真係好想食多幾舊。同樣０既情況出現０係舊肥拖羅壽司上，完全唔需要點任何０野，而最奇妙０既事就係舊肥拖羅Ｄ魚油會係０個口入面保留住，非常之正　！！！　之後好野但最後一道菜就繼續０黎，拖羅碎手卷！！！　料足，鮮味，０係手卷入面加左幾小塊０既Ｔｅｍｐｕｒａ。所以好有口感！！而且Ｄ拖羅碎食到最未都仲有，絕不欺場。雖然寫到明Ｄ魚唔係由日本０黎，但係都真係唔錯喎！！！埋單亦有驚喜，有八折，因為希望會有多Ｄ人去幫襯。侍應們都好好，好親切同埋好耐心地為我０地去解釋我０地所食０既壽司。真係麻煩晒！會有下一次，亦會推

真係少左好多人.中午來到, 都不用等位.雖已話明不再入日本魚.但似乎好多港人都係過份paranoid.日本 d魚又唔係福島養既.....坐壽司吧喇.lunch set 有好多揀; 有魚生飯, 有燒魚; 我最後叫左個豚肉飯.大豬照叫個魚生set, 揀左好耐才揀倒16款~~lunch set 有湯, 日式沙律漬物等;蒸蛋好滑.飯有5大片日本豚, 汁係帶少甜的典型日式, 不太厚身,很多汁味美. 飯當然係珍珠米, 鬆軟, 正.大豬的壽司全都是即整的, 當然好食. 已加了醬油才上的, 根本不用自己點, 築地feel 呀...炸的也一點都不油, 好脆, 一讚.仲有甜品.服務100分.走的時候, 回頭一看, 我們已是最後一枱. 真的少了不少客...講真, 早幾日我真係好驚阿媽走左去買鹽好采佢冇!頂住, 一定過倒呢關既, 我牚你!

講話要來岩浪, 都講左成年, 今日終有得來了.午餐時段都不少人.大豬女友好肚餓, 咁晒, 我倆一拍即合,叫個壽司加天婦羅set 先!天婦羅好快炸起, 上枱時仍熱;又不算油, 爽脆, 特別係d蝦, 仍吃得出鮮味, 很好!等了一會d壽司都未上, 姐姐走過來說海膽剛賣晒, 對大豬女友來說,簡直是晴天霹靂!另外幾款魚都冇晒, 點解等咁耐才有人告訴我們?唯有改另一些魚生喇.終於都上, 但叫阿姐簡介邊舊係咩魚, 佢又唔知但又估吓估吓,我唯有叫她去問一問師傅喇, 佢仲仍估多次都有, 激死!叫了幾次, 佢終肯去問.一早去就係喇, 係都要拖大家時間!很享受肥吞那在口中油爆的感覺~其他魚生好食, 但服務要加油喇, 我覺得俾呢個價錢食魚生, 講得出邊塊打邊塊, 是基本要求!但其他服務方面是很好的.

有朋友介紹話呢度d午餐ok，於是試下啦！試一個壽司set，一個天扶良set。壽司自己揀，不過唔太新鮮，三文魚子軍艦超「削」，得幾粒三文魚子；海膽軍艦仲衰，海膽溶溶地，唔新鮮。天扶良簡直不知所謂，我見個師傅炸完之後要「fing」下先，都知唔妥，侍應拎碟天扶良嚟，好似油浸咁，完全唔掂，都唔知佢點樣打正旗號叫「天扶良」。絕對冇下次！

月頭為了慶祝讀完個course，在岩浪豪了一餐，由於念念不忘質素如此高的壽司，2個星期後再book 個lunch回味一下。朋友book左bar檯，你可以自己選擇吃什麼壽司，又可叫師傅幫你揸主意，我地於是麻煩師傅。個套餐包湯同蒸蛋，蒸蛋真係一般，但係個魚湯好甜，不要錯過。頭個幾個壽司有紅鯛，生/熟蝦等，由於個口忙於同的日本剛到步既海鮮好好交流，冇好好記住吃過咩，不過只記得十分享受……跟住個件瀨尿蝦+蟹糕+櫻花蝦，一次過將不同既海之鮮甜拍入口中，加上不同texture，成件事好豐富，想起都好想吃多次!!(不知午市有冇，上次晚飯吃過另一個好精彩既牛肉壽司，應該係熟牛+生牛+炸香蒜片，的牛肉的肉味同蒜香加埋，真係想echo!!)其實係銅鑼灣lunch要吃新鮮魚生都有好幾個選擇，但係的創意得既同時又用料好，我又想不到有咩其他選擇……晚餐成千落樓(不過我地開左2支清酒……), 午餐只要$180, 但用料一樣, 覺得賺左!!

今天下午到銅鑼灣的岩浪日本料理午膳，店舖處於商廈九樓，地方不算大，分壽司吧枱及普通座位兩區。建議選擇壽司吧枱進膳，因除了可以第一時間品嚐新鮮嘅美食外，更可欣賞壽司司傅的手藝，以飽眼福。另外，食客更可與壽司司傅多些互動，從而得知時令介紹。最後選了一客壽司定食，有前菜(沙律、漬物、燉蛋及麵豉湯)、八件自選壽司、手卷一客及生果/飲品。前菜整體不俗，尤其是燉蛋，口感非常嫩滑。壽司方面，在壽司司傅的推介下，選了吞拿魚腩、鯖魚、熟蝦、帆立貝、活蝦、瀨尿蝦、馬面魚及平正魚。每件壽司由司傅在客人面前即時製作，然後逐一奉上。刺身用料生鮮、質素高、味道鮮甜美味。蝦壽司無論生或熟，肉質佳很結實彈牙富鮮味。瀨尿蝦壽司更特別，瀨尿蝦面上沾上蝦膏後再放上脆脆蝦乾仔，值得推介。至於活魚刺生，時令推介的平正魚賣點在於爽脆口感；馬面魚則賣點在於濃郁味道，魚生面上沾上馬面魚肝醬，確能令人食指大動。吞拿魚腩味道同樣濃烈，口感軟腍豐富。葱花碎吞拿魚腩手卷質素亦令人驚喜，外層紫菜脆脆的，除用料新鮮外，亦突出師傅的手法嫻熟快速。內裡除碎吞拿魚腩外，更加入剛炸起的洋葱天婦羅，令整件手卷味道更加香口，口感更香脆。主廚Ricky介紹清

十分滿意的一餐... 實在要表揚一番..食物的味道及水準還是其次, 態度誠懇有心思是令我最欣賞的!。當然食物也相當有水準，魚生很新鮮，壽司配搭很新穎，沒有像一般日本料理店的千篇一律; 出名的天扶良皮薄而脆，亦不覺油，放涼一點吃仍然又香又脆。最值得讚賞是師傅詢問了媽子的飲食喜好，知道她不太喜歡魚生，嫌它肉質太稔，反而鍾愛貝類，為此，媽子的魚生壽司全部別樹一格，跟我們其他人的一同，似專為她設計的，只有蝦、蟹子、及炸蔥ｔｏｒｏ手卷、而魚類壽召司則全部燒香了，半生熟的加上薑蔥的調味，媽子由原本對魚生表現抗拒到最後躍躍欲試的興奮，完全是師傅精心安排的結果。我真的感謝師傅的心思，令媽子這頓生日飯吃得分外高興!!!　雖然這餐令我的荷包流血不止，還是挺值得的 !!!

今日同家人去左呢間餐廳食午飯,每人叫左一個set lunch,叫左兩個餐,前菜,面士湯,蒸蛋,三件刺身餐一: 天婦羅,香味牛肉粒,煮大根餐二: 薯仔雞肉煮,炸蝦餅,鹽燒牙帶先講蒸蛋,多油多水,食到一半已經變左豆腐花.....天婦羅炸到乾哂,蝦餅成舊粉咁,無味既....飯不是日本珍珠米,係好似超市買番來個d中國珍珠米....話明鹽燒牙帶,都冇鹽燒,完全冇味,腥到爆 薯仔雞肉煮好似屋企紅羅卜薯仔湯d湯渣咁....最頂引係咩都來哂都仲未有刺身食....來到後是一個好大的碗裝滿冰上面有三小塊刺身,好像某餐廳的冰x奶茶....網頁話有天婦羅雪榚,去到又話要早好多日預訂.....加兩杯汽水埋單hk$363...呢餐我覺得完全係唔掂

The salad was good, at least it taste fresh, the dressing is very sunning too.The egg custard was very wateryThe undon was extremely soft. The sushi rice has no favour, just like a plain bowl of rice. The deep freied was off with very strong oil favour.For this amount of money, we expected much better food. At most I would only pay $40 for this lunch set.

i've been here 3 times now. consistently, the tempura is what you can't miss here. first of all, the chef i believe was from inagiku, which everyone knows is the BEST tempura restaurant in HK. the style and quality of the tempura does really rival that of inagiku. the batter is light, crisp and not oily, does not overpower the food inside. it is always served pipping hot while still juicy inside. you will miss out if you don't order some a la carte tempuras from their tempura menu. some p

去了幾次食午餐及一次晚餐,以為自己好醒叫師傅拍板寫菜單,想是$275點知係$610.........簡直大鄉里出城!!!!不過真的很好味,特別是魚胶,每條吞拿魚只有很少部份,樣子如雪花肥牛,實物超正超甜值回票價!!!!沒有相片登出的餸菜有:多款魚刺身象拔蚌刺身,好甜好爽!!!麵"See"吞拿魚刺身,做法新鮮,味道混合得不錯鱔湯一道,清新!!!!!!!!!!炸蝦天婦羅,很薄的炸粉面!!!正!!!!!!!!!!!日本甜薯及魚子鮮魚,無得頂!!!!!!!!!!!!右面的日本鮑魚..................真係超甜又彈牙!!!!!!!!!!!!!日本黃色西瓜是不甜的!!!!!!!!!!!!!還有飽到不能吃的蝦餅飯/壽司

聽到對日食極度有要求的友人盛讚此店, 便一心與好友前來一試, 以慰勞她前陣子在本貓生病時的悉心照顧. 時為週末,店子七成滿. 見壽司吧有位,便與好友坐下,二話不說點了omakase, 試試師傅功力. 在等候食物時,見兩旁食客同樣任由師傅發辦,但驚訝有燒豬頸肉,似乎有港式之嫌,心裡立時一涼,便跟侍應小姐說明我們只要刺身及壽司. 已記不起總共吃了些甚麼 (大概包括有平正魚,深海池魚,金目鯛,北寄貝,赤貝刺身,海螺,海膽軍艦壽司,牡丹蝦). 除了因為已是差不多兩星期前的事,是晚刺大部份刺身質素令人失望,似養魚多過海魚,欠缺魚鮮味; 壽司方面亦屬一般,可能本貓並不太欣賞師傅的創作壽司吧,不喜歡以濃醬汁蓋過生魚生蝦. 份量是足夠的, 但食物方面可說沒有一樣令人印象深刻. 招呼倒是十分殷勤,但友人覺得師傅太多話,口水花四濺有礙衛生 是晚本貓請客,埋單$1550. 絕對不值.同場還加映右邊男食客勁嘔吐事件… 唉…

呵呵，book 左位終於食到。超級期待天婦羅。第一次 realise 天婦羅的日文是天扶良見到 menu 有 天扶良 set $120 for 10 件，不得重複；及壽司 set $135 for 8 件 + 卷物一款，又係不得重複。咁食 $250 for 16 件可以重複的 set 又好似無叫三個咁抵。我地結果三人要了兩個天扶良 & 一個 sushi set。叫了太多野食 share，真係唔係幾記得食左 d 乜味 天扶良的汁 set 終於正宗的分鹽、同tempura sauce。天扶良有 (d 粉漿真係幾薄)：蝦 - 很興奮的去點鹽食，但鹽都蓋唔到佢唔新鮮的 sang 味，失望！番薯南瓜沙追魚 - 都 ok 無乜骨，定 d 骨食得唔太 sure倉魚瀨尿蝦 - 麻麻地石持門鱔 - 唔知自己食緊鱔，佢話就咁點上面的橙色汁食就得鮑魚 - 幾彈牙，但 size 得四分一隻露筍 - 似炸蔥.....帶子紫蘇葉白魚海膽卷 - O....K.....海膽 - 唔 sure尢無食到海膽味壽司：Toro - 聽講話正，但想散叫追加 2 件的時候佢話要成 $100 / 件玉子 - 正常三文魚子甜蝦 -

用餐日期...已忘了...那天, 為tempura而來 ~訂座時選坐tempura bar, 可一睹師傅手勢 ~點了lunch set, 自選約8款tempura ~食材與師傅手勢俱佳 ~

1) 日式沙律 - 個沙律汁好好味2) 日式蒸蛋 - 有真既蟹柳...熱辣辣3) 拖羅碎飯 - 好好食.....拖羅份量一d 都唔小, 可以話係一半拖羅, 一半飯既份量 -- "正"4) 天扶羅海鮮飯 -- 有蝦仲有魚....5) 手打湯烏冬 -- 煙煙un un...又滑"劣" "劣"6) coffee 或 生果 -- coffee 超香以上係一個 lunch 既 menu (其中一個set), 要我用一個字去形容lee個set, 我會用 "正" 呀黎形容...lunch menu 都有好多既選擇, 不過首選上面果個menu 最為抵食及好食 由(1) 食到去 (6), 收費只需 $120 (未連加一), 食物水準及好食程度係物超所值....影相當日, 男友就叫左上面果個set, 而我因為唔係好肚餓就叫左另一個銀雪魚set ($90, 包上面既item (1), (2) 及 (6) 另加一個銀雪魚及白飯一碗)... 個心都好想叫男友果個set 因為真係抵食,好食,但個set 其實好多野食下,無謂浪費麻....至於我個銀雪魚餐, 其實都好食, 個魚好有魚味, 唔算好油, 不過始終遜色