影片
以上资料只供参考，请与餐厅确认详情
一定一定唔好帮衬！呢间野真系极品，厨房得一条友，都够胆又做堂食又接外卖仲要接熊猫单，每次落单你要预喺条街热住企成半粒钟，落单收银又唔会讲要等咁耐架㖞，又热又攰冇哂胃口。睇到既人唔好再去食！食评叫左个炒饭同拉面，先讲炒饭。我以为自己食紧糯米饭，啲饭黐埋一旧，啲油又多，啲葱花仲多过啲肉。难食到不得了。个拉面仲劲，外卖，但系汤同面冇分开，啲叉烧系我有史以来食过最难食嘅，咬落去好似有啲沙质咁，唔知系摆咗几耐嘅僵尸肉。
继续阅读
我系柴湾人，今次算系第二次同男朋友黎食串烧，之前就觉得依间麻麻地好食、隔左成年就谂住再试下。一试，野食味道的确唔差，嗌左金菇肥牛，鸡肉串个类，等左大概20分钟。之后再另外叫多次野食，牛舌，牛肉串，鸡扒同翠玉瓜等等，都系再等左20分钟。重点就系，唔知佢个鸡扒系发生咩事，究竟系由剥毛开始烧定点，足足等左45分钟都见唔到块扒。连迟过我地入嘅人都已经埋单走晒，到最后坐到1点真系等唔落，直接走左。一餐8条串烧食左个几钟，今次真系冇下次，劲燥底。
继续阅读
柴湾系一个美食沙漠，好食嘅日本嘢更加没有。可能好少少嘅可以去小西湾，岗烧算系唔错。通常会识佢嘅三文鱼乌冬，之前佢有一个套餐10分底，但而家应该冇咗。唔可以用出边嘅标准衡量，柴湾地区来讲可以一试～
继续阅读
放工买外卖见到隔离啲舖头门庭若市，而呢间就门可罗雀，咁我就本住啲美食节目成日去啲冇人嘅小舖觅食嘅心态，去呢间岗烧睇下。一去到见到个餐牌，哗哗哗 30蚊一个餐，有拉面又有串烧真系好抵 咁见佢咁平就决定买嚟试吓。等咗五五二十五分钟后，终于攞到个外卖，返到屋企一打开真系异香扑鼻，浓郁嘅拉面汤底，夹杂著隐隐约约嘅冰冻牛肉味真系令我食指大动。一夹起啲面就知道执到宝，仲淰过X风堂嘅「超软」拉面，望住个面，我就谂到啲老人家就算冇咗排牙，都可以开开心心咁食，我就为老板嘅别出心裁而感动落泪最后含泪食咗两啖就食唔落，实在太感动!推荐大家经过可以试试!
继续阅读
我系柴湾人 每次买糖水都会经过咁我呢次就买咗个饭嚟试吓啦 难食到爆 啲饭好似脆片 一嚿嚿仲要好似系未熟 啲肉好柴 我买嘅系猪软骨饭 我喺美食平台𠮶度买 我见卖相都好似唔差我就落咗点知啲汁系酸嘅 啲肉简直唔食得
继续阅读