影片
以上资料只供参考，请与餐厅确认详情
今日介绍间餐厅 $398就食到松叶蟹omakase!史努比星期五晚市去 见到佢都full booking认真 近期去咁多间餐厅 都未试过见到一间系坐到七成 更何况系满座😳(商场连锁店另计啦) 以一间上楼餐厅嚟讲 佢嘅客流量真系算多Anywaysss唔讲咁多废话 即刻入正题🤪🔸松叶蟹盛宴 $398👍🏿松叶蟹蒸其实系个蟹盖嚟 拆好晒肉 啱晒懒人食蟹😋舖咗大量蟹肉 一丝丝有甜味下面仲有蟹钳肉 同埋蟹膏蟹钳都带鲜甜😚可惜蟹膏处于比较流质嘅状态冇乜膏香 同埋蟹脚都冇味On top加咗金箔装饰~几靓几啱打卡味道方面 我净系appreciate佢啲蟹肉蟹钳😂味道: 7/10👍🏿松叶蟹肉带子史努比一向都好钟意食带子 今日呢间用料靓!带子好厚肉 半熟状态 食落非常鲜嫩🥰配搭好似中式做法咁嘅蟹肉 类似蟹肉扒时蔬𠮶啲 杰身带甜味同埋少少酱汁 估唔到match㖞!唯一美中不足系带子烧得㶶咗少少不过未去到食到苦味 但系有啲㶶味嘅如果佢冇烧得咁㶶带子值8.5分 而家减佢0.5🤣味道: 8/10👌🏿松叶蟹天妇罗天妇罗唔会太厚粉 炸得脆而唔太硬已经用咗淮盐调味 所以唔使点任何天妇罗酱汁~不过同蟹钳唔系好夹 可能因为佢只蟹钳肉质比较淋🤔反而蟹脚肉质扎实啲 咁样好食啲😚另外仲有天妇罗菇同紫苏叶你哋都知史努比唔食紫苏叶㗎啦😝比咗爸爸👨🏻炸得特别脆 远处都听到 “咔咔” 声lol天妇罗菇炸嘅时间可能太长 菇嘅水份已经干晒食落有啲dry不过抵赞嘅系整体都唔会话太油腻~味道: 6.5/10👌🏿昆布蒸松叶蟹钳昆布应该浸咗盐水 浸得太劲包住蟹钳攞去蒸啲咸味渗透晒落只蟹钳到本身第一啖仲食到少少昆布味 后来就恍如置身海洋 细个喺沙滩游水咁嘅感觉🙂↕️得返咸味 越食越咸🤫🤫味道: 5/10👍🏿松叶蟹釜饭有甜豉油 同埋呢个setting 又有饭焦真系劲似煲仔饭!🤣上面铺咗大量蟹肉 同埋有一只蟹钳 仲有蟹膏饭煮得啱啱好 系史努比钟意嘅软硬度捞埋啲蟹膏同豉油 湿湿地易入口😋中间有啲啲蔬菜粒 另外不得不赞系下低有个炉㷫住 饭焦嘅份量可以自己控制😚觉得差唔多可以叫佢熄炉感觉今次史努比控制得几好 食落香口 但爸爸嫌硬㖞😤味道: 7/10👍🏿法式拿破仑佢冇写开心果味 唔知系咪日日口味唔同今日呢款就系开心果佢哋声称攞咗世界冠军😳系几好食嘅~ 拿破仑酥脆唔油腻 但未至于好酥化开心果cream幼滑 带少少开开心果香加咗几粒麻糬 甜甜地烟烟韧韧几有层次感 好食!不过世界冠军…史努比觉得吹大咗以gimmick多啲🤣味道: 8/10性价比: 7.5/10👍🏿北海道生蚝 +$90/位生蚝超级大只😳而且好肥美creamy入口好似饮紧牛奶咁幼滑 鲜味涌上嚟🤤不过上面𠮶pat类似泡菜蓉咁嘅嘢味道太抢史努比觉得配柚子啫喱会夹啲🤣味道: 8.5/10性价比: 7/10👍🏿刺身三点 +$200/位呢个价钱贵咗啲 但用料真系靓🥰带子超大粒 对半夹住柠檬片即使对半都依然好厚肉 鲜甜肥美带子配合清新嘅味道 omg史努比劲钟意💗赤虾新鲜 带少少黏口 但对比起佢就冇惊喜大拖罗都好厚切!食落有炙烧嘅香味 然后细嚼慢咽拖罗嘅油脂渗透喺口腔🥰但真心好正好高汁!味道: 8.5/10性价比: 6.5/10*另设加一服务费*三百几蚊食omakase系好抵嘅钟意食蟹嘅朋友有得谂吓🤪不过成个set唔包刺身 未必个个都满足到个人建议加少少嘢 感觉好唔一样!好似史努比加咗生蚝同刺身 即刻开心好多🤣嗱 虽然史努比都唔想咁讲不过如果早去嘅话服务就一般般嘅 唔算差 态度好 但唔识主动斟茶或者招呼晏少少去到6点几7点 可能因为老板喺度😂(嗱呢个系史努比估架咋🙌🏿)你会即刻觉得好好service🤣-整体评分：味道: 7.8/10环境: 8.5/10服务: 7.5/10卫生: 8.8/10抵食: 7/10(品牌合作分享)
继续阅读
由于友人受到social media吸引，好想一试呢个"釡饭"，自问本身对"釡饭"并无好太兴趣，本著陪朋友试下新野无妨既心态，加上是日半天假，谂住开开心心同友人食个午餐，点知食完只有成肚气....我地大概12:15到达餐厅，现场有两枱客人已经点了餐，而我地就坐喺佢地两张枱中间。眼见楼面只有一个男仔，我地都等左一阵 佢先比到餐牌我地。釡饭价钱由$168-＄298，我地好快就决定左食午餐3号既烧牛釡饭，价值$188＋10%既釡饭，不免令我有点期待！等待途中，送上套餐沙律一碗。沙律面头疑似系豆腐但质感水漾 再淋上芝麻酱，卖相普通，味道不过不失无特别；与此同时，隔离两枱客人的釡饭分别上桌，职员话要焗3分钟之后先打开盖加鼓油，3分钟过后佢地分别都打开左饭盖, 但系我一啲都闻唔到饭香! 我已经心知不妙... 然后再听到坐喺我右面既女仔佢话个饭好淡...无几耐 我地两个釡饭都到了，如是者等左3分钟之后，我地打开饭盖，确实... 一啲饭香都无！而个牛呢已经变到熟晒，我第一时间夹出黎咬左啖，鞋... 如果件牛系靓既话，就算熟晒都唔应该会咁鞋.... 饭呢? 淋... 完全唔系一粒粒既! 味道？无.... 唔落鼓油既话，碗饭基乎无味，落鼓油，先有鼓油味... 好似讲紧废话，但我真系只系食到鼓油味既饭... 记住，呢碗饭系价值$206.8(连加一)的说!好拿以为完咩？好戏在后头～ 左面枱既男士同女伴要求埋单，睇住佢等了又等，叫完一次又一次 终于可以埋单拿～ 男士对单时发现单上写住"面鼓汤", 佢问职员: "咦，我地无嗌面鼓汤㖞"，然后职员回应: "啊～ 个汤仲煲紧~ 唔好意思 我地今日厨房得一个人，咁你仲等唔等丫?" 当时正值午餐时间，大多数客人都赶住返公司做野，有几多个客人仲可以慢慢坐喺度等你出个面鼓汤!? 个客人都无奈，唯有话唔使，埋怨左一句 "比佢呃左个面鼓汤"就走左～ 我觉得当下一个最大既问题系个职员，无一早同客人讲面鼓汤煲紧，等个客人埋单时见到问返职员佢先讲！其次，个职员并无继续向在座其他客人讲，未有面鼓汤呢件事，包括我！隔左一阵，到我右手面女仔都埋单拿，今次算有进步 😅 个职员喺递张单比女士时，先"主动"同女客人讲，面鼓汤煲紧你仲等唔等？当然～ 呢两个女客人都系唔会等，唯有就咁走左～而我，真心 我系一个唔好面豉汤既人，通常食日式定食有既面鼓汤，我都会将佢奉上比我隔离𠮶位饮，但今次，我就想即管等下，睇下你个面豉汤有几劲!? 如是者，我就咁坐左15-20分钟，都仲未有汤送上!? 我就问个职员:" 个面豉汤仲未煲好!?" 职员回应 :"er er... 未呀... 起码仲要多10分钟..." 哗~!!! 有无搞错!!? 讲紧开舖12点到我当下时间1点50分，接近两个钟既时间 中式老火汤都煲好啦!! 真系当啲客人系傻架㖞!!?咁我都傻唔晒，当机立断唔再等啦! 因为佢根本都未煲，或者佢根本唔打算煲！我唔系嬲佢一碗面鼓汤，系整体由食物质素，服务，以至餐厅最后既处理手法都有好大既问题! 我相信如果一早同客人讲定, 餐厅今日人手不足够，可能未能及时提供到面鼓汤，我相信大部分客人都会见谅，而餐厅亦可以因应呢个情况而作出相应既补偿，例如改送客人饮品/小食又或者喺价钱方面斟情减少，而唔系一副"系咁架拿，你等到咪等"既态度。人生第一次写食评/负评，真系好想香港既餐厅好好咁检视一下，做好一啲，唔好净系识埋怨点解点解，客人不回头系一定有原因的！
继续阅读
❣️铜锣湾午市总有惊喜，呢间釜饭仲要超足料啖啖蟹肉+饭焦，好滋味！❣️最醉推介松叶蟹釜饭，高质又难忘。定食set$168起有salad、面豉汤🦀松叶蟹釜饭$258 - 啖啖鲜拆松叶蟹肉，蟹肉鲜甜，建议唔落豉油就咁食都好正！焗一阵有金黄色饭焦，难得系啖啖都有蟹肉，好滋味😋🍣杂锦刺身釜饭$298- 每款刺身都好高质，有日本水准！中toro 烧过，入口即溶无筋鲜甜。矶煮鲍鱼鲜甜入味，仲有刺身带子有lemon香，都几鲜甜🥗沙律有豆腐系上面，都几特别。沙律菜清新refreshing🥣面豉汤入面竟然有蟹肉、海带，诚意十足🍰开心果拿破仑- 上面有粒烟un麻糬，拿破仑上夹著一层厚身开心果酱，甜度适中。已经bookmark下次要再去午市超水准饭焦釜饭🔥｜啖啖鲜拆蟹肉超滋味
继续阅读
平时食开嘅煲仔饭都系港式版本，今次听讲铜锣湾有间餐厅食日式煲仔饭🤤💕Meow小编就一于同朋友一齐去试吓🥰入到去环境design系柔和日式风格，有种可以令食客慢活chill talk嘅感觉( ´▽｀)✨💜前菜 - 蟹肉面豉汤 & 沙律定食系本身包括咗冻豆腐沙律🥗，Meow小编同朋友都一致认为冻豆腐好有惊喜!!(o^^o)冻冰冰又易入口即溶嘅豆腐，再配上麻酱，加埋新鲜沙律菜，爽脆口感配上酸酸嘅酱料，令人十分开胃🤤🤤另外面豉汤亦都内有干坤，估唔到会有啖啖的蟹肉，满满幸福感🥰💜 黄金饭焦釜饭定食 - 盐烧牛舌🐮🥢 💰$188要整得出好味嘅牛舌一啲都唔简单，而依份牛舌定食就整得好出色!( ´▽｀)💕牛舌🐮咬落一啲都唔靱，好易咬开，而且仲有少少爽脆口感!加上盬烧过程，令到牛舌香味更加突出👅配上生蛋拌饭，令到成个味觉滋味更上一层楼(*☻-☻*)🫶💜 黄金饭焦釜饭定食 - 杂锦刺身🥢 💰$298第二款釜饭系包含咗日本直送嘅新鲜刺身，当中包括拖罗、北海道元贝、鲍鱼、甜虾🦐等，刺身口感好鲜甜，都好肥美饱满，就连鲍鱼刺身都好易咬开入口o(≧v≦)o 配上腌萝卜粒的黄金釜饭，一口一口咁食过不停🤤🤤✨💜法式拿破仑(跟餐+$38)本身谂住釜饭已经咁出色，估唔到甜品一样咁有惊喜!!(^V^)💕酥脆嘅拿破仑都夹住开心果cream，味道好清新👅，而且面头仲有两粒mochi (好加分!!!🤤✨)
继续阅读
从来都未试过「釜饭」嘅我，今次就search到铜锣湾有间午市可以食「釜饭」嘅专门店！「釜饭」用金属小型铁锅（釜）烹煮并盛装，因此得名。以生米与高汤、酱油、味醂等调味料一起在锅中煮熟，类似煲仔饭，煮久一点就会形成锅巴，味道更加香口！😆讲食饭就最啱带「食物焚化炉️」老公出去食！一共order咗三款「釜饭」，「松叶蟹」、「牡蛎」、「杂锦刺身」黄金饭焦釜饭定食，套餐包左面豉汤、沙律。「釜饭」最经典嘅配搭就系牡蛎🦪，今次终于系熟嘅牡蛎，我都即刻嗱嗱临试返只先，牡蛎煮熟咗之后个size都唔会话好细，有海水嘅咸香同Creamy嘅口感！三个「釜饭」嚟讲，「松叶蟹」我就最钟意，佢每一丝嘅蟹肉，都系厨师亲手拆，我都唔能够想像成个「釜饭」究竟用咗几多只蟹🦀同埋佢有啲腌萝卜一齐煮，甜甜酸酸劲开胃！「杂锦刺身」同「釜饭」系分开上，如果钟意啲𩠌同埋饭一齐嘅「釜饭」，呢个可能就未必啱你！如果想个饭唔好咁干，就早少少攞开个火，如果想食到饭焦就要煮多一阵啦！｜黄金饭焦釜饭定食｜面豉汤｜沙律｜✦ 松叶蟹 $258✦ 牡蛎 $258✦ 杂锦刺身 $298｜甘味｜✦ 法式拿破仑+ $38*星期一至六 12:00-3:00pm供应
继续阅读