山 (已結業)

由于友人受到social media吸引，好想一试呢个"釡饭"，自问本身对"釡饭"并无好太兴趣，本著陪朋友试下新野无妨既心态，加上是日半天假，谂住开开心心同友人食个午餐，点知食完只有成肚气....我地大概12:15到达餐厅，现场有两枱客人已经点了餐，而我地就坐喺佢地两张枱中间。眼见楼面只有一个男仔，我地都等左一阵 佢先比到餐牌我地。釡饭价钱由$168-＄298，我地好快就决定左食午餐3号既烧牛釡饭，价值$188＋10%既釡饭，不免令我有点期待！等待途中，送上套餐沙律一碗。沙律面头疑似系豆腐但质感水漾 再淋上芝麻酱，卖相普通，味道不过不失无特别；与此同时，隔离两枱客人的釡饭分别上桌，职员话要焗3分钟之后先打开盖加鼓油，3分钟过后佢地分别都打开左饭盖, 但系我一啲都闻唔到饭香! 我已经心知不妙... 然后再听到坐喺我右面既女仔佢话个饭好淡...无几耐 我地两个釡饭都到了，如是者等左3分钟之后，我地打开饭盖，确实... 一啲饭香都无！而个牛呢已经变到熟晒，我第一时间夹出黎咬左啖，鞋... 如果件牛系靓既话，就算熟晒都唔应该会咁鞋.... 饭呢? 淋... 完全唔系一粒粒既! 味道？无.... 唔落鼓油既话，碗饭基乎无味，落鼓油，先有鼓油味... 好似讲紧废话，但我真系只系食到鼓油味既饭... 记住，呢碗饭系价值$206.8(连加一)的说!好拿以为完咩？好戏在后头～ 左面枱既男士同女伴要求埋单，睇住佢等了又等，叫完一次又一次 终于可以埋单拿～ 男士对单时发现单上写住"面鼓汤", 佢问职员: "咦，我地无嗌面鼓汤㖞"，然后职员回应: "啊～ 个汤仲煲紧~ 唔好意思 我地今日厨房得一个人，咁你仲等唔等丫?" 当时正值午餐时间，大多数客人都赶住返公司做野，有几多个客人仲可以慢慢坐喺度等你出个面鼓汤!? 个客人都无奈，唯有话唔使，埋怨左一句 "比佢呃左个面鼓汤"就走左～ 我觉得当下一个最大既问题系个职员，无一早同客人讲面鼓汤煲紧，等个客人埋单时见到问返职员佢先讲！其次，个职员并无继续向在座其他客人讲，未有面鼓汤呢件事，包括我！隔左一阵，到我右手面女仔都埋单拿，今次算有进步 😅 个职员喺递张单比女士时，先"主动"同女客人讲，面鼓汤煲紧你仲等唔等？当然～ 呢两个女客人都系唔会等，唯有就咁走左～而我，真心 我系一个唔好面豉汤既人，通常食日式定食有既面鼓汤，我都会将佢奉上比我隔离𠮶位饮，但今次，我就想即管等下，睇下你个面豉汤有几劲!? 如是者，我就咁坐左15-20分钟，都仲未有汤送上!? 我就问个职员:" 个面豉汤仲未煲好!?" 职员回应 :"er er... 未呀... 起码仲要多10分钟..." 哗~!!! 有无搞错!!? 讲紧开舖12点到我当下时间1点50分，接近两个钟既时间 中式老火汤都煲好啦!! 真系当啲客人系傻架㖞!!?咁我都傻唔晒，当机立断唔再等啦! 因为佢根本都未煲，或者佢根本唔打算煲！我唔系嬲佢一碗面鼓汤，系整体由食物质素，服务，以至餐厅最后既处理手法都有好大既问题! 我相信如果一早同客人讲定, 餐厅今日人手不足够，可能未能及时提供到面鼓汤，我相信大部分客人都会见谅，而餐厅亦可以因应呢个情况而作出相应既补偿，例如改送客人饮品/小食又或者喺价钱方面斟情减少，而唔系一副"系咁架拿，你等到咪等"既态度。人生第一次写食评/负评，真系好想香港既餐厅好好咁检视一下，做好一啲，唔好净系识埋怨点解点解，客人不回头系一定有原因的！…查看更多

❣️铜锣湾午市总有惊喜，呢间釜饭仲要超足料啖啖蟹肉+饭焦，好滋味！❣️最醉推介松叶蟹釜饭，高质又难忘。定食set$168起有salad、面豉汤🦀松叶蟹釜饭$258 - 啖啖鲜拆松叶蟹肉，蟹肉鲜甜，建议唔落豉油就咁食都好正！焗一阵有金黄色饭焦，难得系啖啖都有蟹肉，好滋味😋🍣杂锦刺身釜饭$298- 每款刺身都好高质，有日本水准！中toro 烧过，入口即溶无筋鲜甜。矶煮鲍鱼鲜甜入味，仲有刺身带子有lemon香，都几鲜甜🥗沙律有豆腐系上面，都几特别。沙律菜清新refreshing🥣面豉汤入面竟然有蟹肉、海带，诚意十足🍰开心果拿破仑- 上面有粒烟un麻糬，拿破仑上夹著一层厚身开心果酱，甜度适中。已经bookmark下次要再去午市超水准饭焦釜饭🔥｜啖啖鲜拆蟹肉超滋味…查看更多

平时食开嘅煲仔饭都系港式版本，今次听讲铜锣湾有间餐厅食日式煲仔饭🤤💕Meow小编就一于同朋友一齐去试吓🥰入到去环境design系柔和日式风格，有种可以令食客慢活chill talk嘅感觉( ´▽｀)✨💜前菜 - 蟹肉面豉汤 & 沙律定食系本身包括咗冻豆腐沙律🥗，Meow小编同朋友都一致认为冻豆腐好有惊喜!!(o^^o)冻冰冰又易入口即溶嘅豆腐，再配上麻酱，加埋新鲜沙律菜，爽脆口感配上酸酸嘅酱料，令人十分开胃🤤🤤另外面豉汤亦都内有干坤，估唔到会有啖啖的蟹肉，满满幸福感🥰💜 黄金饭焦釜饭定食 - 盐烧牛舌🐮🥢 💰$188要整得出好味嘅牛舌一啲都唔简单，而依份牛舌定食就整得好出色!( ´▽｀)💕牛舌🐮咬落一啲都唔靱，好易咬开，而且仲有少少爽脆口感!加上盬烧过程，令到牛舌香味更加突出👅配上生蛋拌饭，令到成个味觉滋味更上一层楼(*☻-☻*)🫶💜 黄金饭焦釜饭定食 - 杂锦刺身🥢 💰$298第二款釜饭系包含咗日本直送嘅新鲜刺身，当中包括拖罗、北海道元贝、鲍鱼、甜虾🦐等，刺身口感好鲜甜，都好肥美饱满，就连鲍鱼刺身都好易咬开入口o(≧v≦)o 配上腌萝卜粒的黄金釜饭，一口一口咁食过不停🤤🤤✨💜法式拿破仑(跟餐+$38)本身谂住釜饭已经咁出色，估唔到甜品一样咁有惊喜!!(^V^)💕酥脆嘅拿破仑都夹住开心果cream，味道好清新👅，而且面头仲有两粒mochi (好加分!!!🤤✨)…查看更多

从来都未试过「釜饭」嘅我，今次就search到铜锣湾有间午市可以食「釜饭」嘅专门店！「釜饭」用金属小型铁锅（釜）烹煮并盛装，因此得名。以生米与高汤、酱油、味醂等调味料一起在锅中煮熟，类似煲仔饭，煮久一点就会形成锅巴，味道更加香口！😆讲食饭就最啱带「食物焚化炉️」老公出去食！一共order咗三款「釜饭」，「松叶蟹」、「牡蛎」、「杂锦刺身」黄金饭焦釜饭定食，套餐包左面豉汤、沙律。「釜饭」最经典嘅配搭就系牡蛎🦪，今次终于系熟嘅牡蛎，我都即刻嗱嗱临试返只先，牡蛎煮熟咗之后个size都唔会话好细，有海水嘅咸香同Creamy嘅口感！三个「釜饭」嚟讲，「松叶蟹」我就最钟意，佢每一丝嘅蟹肉，都系厨师亲手拆，我都唔能够想像成个「釜饭」究竟用咗几多只蟹🦀同埋佢有啲腌萝卜一齐煮，甜甜酸酸劲开胃！「杂锦刺身」同「釜饭」系分开上，如果钟意啲𩠌同埋饭一齐嘅「釜饭」，呢个可能就未必啱你！如果想个饭唔好咁干，就早少少攞开个火，如果想食到饭焦就要煮多一阵啦！｜黄金饭焦釜饭定食｜面豉汤｜沙律｜✦ 松叶蟹 $258✦ 牡蛎 $258✦ 杂锦刺身 $298｜甘味｜✦ 法式拿破仑+ $38*星期一至六 12:00-3:00pm供应…查看更多

隔咗好几年都无打食评，今次实在忍唔住要俾差评首先系social media见到有Yama广告，再见到Openrice嘅顶层一致好嘅留言，以为唔错，可惜事与愿违见普遍食评一致对松叶蟹套餐赞好，价钱平就可以食到omakase，额外追加又唔太贵，就预先早一星期book位，职员要求落订，无问题 我以为佢好生意，订位费又唔多 我俾当晚6点前几分钟去到，冇职员系入口招呼客人，以为系未开始晚市时间，叫咗几次之后，终于有人出嚟，我同职员讲订咗两位，奇怪在佢冇问我贵姓或者电话就招呼我入座。当时系冇任何客人叫咗两个松叶蟹餐，追加鲍鱼、左口鱼、宫崎和牛烧、刺身三点 各两份。一开始上松叶蟹蒸，颇有惊喜 味道几好。点知恶梦开始嚟，上菜速度极慢，第二道菜同第三道菜各相隔20分钟先上。左口鱼上菜嘅时候系冻，啱啱煮好嘅会系冻？百思不得其解。7点开始陆续有一两台客入座，直到8点几嘅时候，仍然系上紧追加菜式，依个时候侍应先同我讲，有位师傅病咗，得番一位师傅，上菜会有啲慢，你唔早啲同我讲？同样地，楼面都系得佢一位侍应，上菜、执拾都系佢。去到9点几，终于准备上套餐尾二道菜，我礼貌地同侍应讲甜品可以一齐上。结果，后面个台迟我一个钟入嚟，叫一样嘅套餐，就系因为佢够恶，不停狂催侍应，我份甜品俾咗佢先，咩道理？最后我食到10点先完。认真 我食过唔少omakase同fine dining，从未有一餐系食超过4个钟，除非套餐本身包含多道菜式，但系今次松叶蟹餐连追加菜只系10道菜！！！ 埋单个阵，侍应先讲冇我booking，但系我落咗订，又有WhatsApp记录，佢都系要问公司，结果系公司职员唔记得mark低。之后拎单张出嚟，都唔系我，使唔使咁多出错。$2000一餐，感观极之差。缺点：1. 侍应、厨房人手严重不足，出餐极慢2. 食物味道差，和牛口感同味道似平价安格斯，但系两粒收$200，天妇罗同openrice其他留言完全唔一样，而且得油味3. 公司内部职员需要再培训，连booking咁小事都可以出错…查看更多