山見台式火鍋 (雅蘭中心)

请唔到假去台湾，咁就去山见台式火锅食返餐😅治疗下挂住台湾嘅滋味。 餐厅布置得好有特色，宜家主题系‘’澎湖‘’ 拣咗极品套餐$328放题式任饮任食，有92款可以食100分钟。 拣个古早药膳牛骨汤底，净系睇到个色就感受到满满嘅骨胶原，阵阵药膳香味，令人胃口大增，试试汤底好浓香呢，渌完啲食物已经够味，真系可以吾使醮酱料😅各式各样饮品都有👍 仲有好多台湾街头小食😋😋😋 我仲叫埋柯仔煎鬼马油炸鬼炸鱼皮又有黑松露温泉蛋 啲牛肉好新鲜， 我最钟意就系牛舌芯同埋牛爽胸，都唔知叫咗几多转😜 又有好多不同嘅饺子，好满足👍特别要介绍黄金虾丸里面系咸蛋黄，超正同埋黑松露墨鱼滑，都系我嘅喜好。 砂爆鱼肚索晒啲浓浓嘅汤底，都超好味😍 无骨黑鱼片，啖啖肉，既嫩且滑🤩 最后嚟返个甜品😍系台式甜品👍 我叫咗椰果，爱玉，芋圆，朋友系要先草花生芋圆，超正🤩 呢个价钱有咁多款式，真系好抵食👍👍👍…查看更多

系我近期食过最有台湾风味嘅一间任食火锅店。餐厅有5个level嘅任食餐点拣，level4以上已经可以食到和牛，时限会加长到120分钟。餐厅环境大得黎坐得又舒服，另外如果想的话，仲有一人一火锅嘅位置，都几体贴自助区有惊喜，除左有唔同嘅火锅配料同雪糕饮品之外，仲有好多台式卤水热食同炸物，好有台湾夜市街头嘅feel。另外酱料区都特别，有柑桔酱,腐乳酱，都真系未见过汤底叫左古早药膳牛骨汤底+青花椒麻辣汤，两款汤都好香，由其是麻辣汤嘅辣度同香系会愈食愈想食因为叫左lv4，可以任食海鲜同埋澳洲和牛肩胛肉眼，肉眼片雪花几靓，肥瘦算系几适肉味又香，食多左唔觉得腻。海鲜有虾有蚬肉都无沙，仲要有新鲜鲍鱼都几正另外仲有台式甜品可以叫黎食，叫左个芋圆红豆仙草。细细碗过到口瘾几好，芋圆都几烟韧，同埋唔太甜几好食埋完单仲要有硬币比我地系餐厅门口位置玩夹公仔机，夹到的话会有唔同嘅奖，我就好好彩地夹到支靓靓嘅原子笔…查看更多

之前去旺角见到有一间未入去先被佢嘅台湾火车头🚂山见号及十分的车站牌、邮筒装饰吸引住。原来是一间主打台式放题嘅火锅店，今晚就约左旧同事来试下。餐厅装修以米白色及木材作室内设计，墙上很多黑色熊仔布置，温暖得来带点家的感觉。座位更设有卡座，增加私隐度。未打边炉前，可以出面简台湾夜市小食及熟食，如藤烧烤鱼、咖喱角、鱼条、牛肉羹、卤味、台湾香肠、盐酥鸡。仲有自助吧台，可取各款火锅料如菇、丸、雪糕、多款有机蔬菜选择，如水耕翡翠石斛苗、人参叶、白凤草、小松草。最后甜品及多款饮品任拎。只需加$28，更可无限畅饮山见手工啤。最近火锅店更推出了当季主题「澎湖游」的小食及特产火锅料。如金沙虾球、黄金酥虾。火锅配料有竹笙虾包、澎湖虾滑。甜品有黑糖豆腐花。期间限定古草药膳牛骨汤汤底。金沙虾球 / 黄金酥虾外壳炸到金黄松脆，虾非常新鲜，超有好味炸九层塔花枝丸外皮酥脆，食落卜卜声，花枝丸超弹牙，满口鲜味。九层塔🌿增添花枝丸的鲜味，超怀念去台湾夜市时的时光。澎湖虾滑滚完后，非常重虾味，虾滑好弹牙爽口。竹笙虾包非常有趣的火锅料，似日底福袋嘅口感，但载住虾滑在豆皮内。澳洲和牛肩胛肉眼脂肪比例平均、不会过肥、有肉味。澳洲羊肩胛食落唔会好苏。薄薄地不会食到好饱。薄切牛舌芯薄切牛舌芯半锅料真系无得顶！牛舌片到透光咁薄，落锅涮3秒就熟，入口脆嫩弹牙，仲带住啲炭烧香。月见封门柳第一次见火锅店有得叫月见封门柳，真系好开心。厚切封门柳超粉嫩，淋埋月见蛋黄汁简直系灵魂所在。 蛋黄捞匀埋牛肉，浓郁蛋香包住牛脂香落火锅，邪恶到极点！元贝非常新鲜、没有沙。食完火锅，当然要点埋该火锅店独有的台式甜品。有多款芋圆冰粉糖水食，非常贴心。…查看更多

香港试咗间台式火锅店，口味几贴近台北当地，整体「抵食」又「好食」，冇踩雷。其中LV3任食套餐性价比几突出，有104款高质食材同台式小食，人均轻松实现火锅自由，预算唔多都食得饱足。菜品方面，几款招牌表现稳定：卡乐Beef牛五花涮完肉质软嫩，咬落有肉汁🥩；月见封门柳裹蛋液入口顺滑，口感唔柴🍳；松露墨鱼滑食到墨鱼颗粒，松露香唔会太浓，啱啱好✨。古早麻辣鸭血吸满汤汁，口感嫩又够味🌶️；金沙芋泥球外脆内软，甜咸平衡，做餐后小食几适合🥧。店入面自助区补货好快，时令蔬菜、特色丸类同饮品基本唔会断档🥬，唔使特意抢食材，食饭体验几顺畅。环境有台式夜市元素，有几处适合影相嘅位置📸，钟意记录嘅话，食饭前影两张都几出片。食完之后有简单互动环节：可以喺愿望墙挂木牌、愿望树下许愿，或者写张明信片📝，多咗少少用餐趣味。点LV3套餐会送2枚游戏币，可以去玩夹扭蛋机🎮，好彩嘅话仲抽到小奖品，整体体验几完整，适合朋友或者屋企人小聚。…查看更多

喺旺角雅兰中心呢间山见台式火锅店用餐，真系一场味蕾盛宴。以$328成人价钱嚟讲，选择多到令人眼花撩乱，尤其系「Lv3 极品」套餐，简直系打边炉界嘅天花板。由肥牛、羊肉、鸡肉到美国牛、牛舌、牛肚等，肉类选择极为丰富，质素亦相当唔错，油花分布平均，入口嫩滑。最正系卡乐beef 肥瘦适中非常软腍， 月见封门柳混合咗鸡蛋嘅蛋香令牛肉更加滑身 海鲜方面更加惊喜，鲩鱼、鱿鱼、虾、蚬等一应俱全，全部都新鲜爽口，尤其系黑鱼片，肉质紧致，渌一渌就食得，鲜味十足。丸类同滑类选择亦非常多元，由牛肉丸、墨鱼丸到芝士滑、蟹柳滑，口感层次丰富，啱晒钟意试新嘢嘅朋友。台式小食都好出色，波波芝士球香浓爆汁，芝麻虾多士酥脆惹味，椒盐花枝丸外脆内弹，招牌七里香咸香扑鼻，口感层次丰富，每款都令人回味无穷，绝对系下酒一流之选。环境方面，座位宽敞，服务人员有礼又主动，换碟速度快，令整个用餐体验更加舒适。汤底选择多，无论系清淡昆布定浓郁沙嗲，都能够配合唔同食材，突出其鲜味。总括而言，呢间火锅店性价比极高，无论系朋友聚餐定家庭聚会都非常适合，绝对值得一试。…查看更多