影片
以上资料只供参考，请与餐厅确认详情
之前食过山牛其他分店几次，都觉得水准麻麻地，已经无乜谂住再帮衬。今日咁啱喺鲤鱼门开会，商场入面揾唔到啱食嘅，见到山牛装修几靓、睇落企理干净，就抱住医肚心态买个外卖，点知真系有惊喜！今次试咖哩烧肉丼(中盛)$50，外卖加$2，另外叫咗多饭。🍛 咖哩：超预期！ 原本以为会系𠮶啲出面连锁餐厅常见嘅袋装咖哩，点知完全唔系！食落每啖都啖啖肉碎，仲带住炭烧香味，非常浓厚，配呢个咖喱我可以食多两碗饭，明显系自家制，第一次喺烧肉店食到有咁有诚意嘅咖哩，意料之外，值得一赞！🥩 烧肉：浓郁炭烧香味，唔系死咸果只，肉质软腍，表面微焦香，唔会韧，几有口感。真系估唔到唔同分店水准可以差咁远，鲤鱼门呢间明显系有用心。🍚 份量：呢间叫多饭真系明显有俾多，之前喺其他分店叫多饭都同普通份量差唔多，问店员又hea我话已经畀多咗。💁🏻♂️ 服务：外卖速度快，店员有礼貌，包装盒上面仲有贴制造日期，细节位做得几贴心。下次会再试，见到佢哋新出咗两𩠌饭，有兴趣下次试下～希望保持水准！
继续阅读
今个月嘅第一个礼拜六，我同朋友去咗位于油塘地铁站附近嘅鲤鱼门广场食晚餐😄 今次我同朋友拣咗最近先开，但我哋已经好想试嘅山牛😆 以我哋所见，山牛应该系主打日式烧肉丼快餐😋我哋其实之前已经好想试，但由于佢店嘅面积唔算大，所以成日都满座，同好多人排队，所以通常我哋最后都拣咗食其他嘢😅 但今次好好彩，咁啱见到有张二人枱，就好快过去坐低咗然后叫嘢食😆我叫咗炭火烧牛小排烧肉丼，尤其佢标榜日本正宗炭火风味，听落已经流晒口水😋😋 佢有分中（HK$40)、大（HK$48) 、特（HK$55)，由于我都几肚饿，所以我就拣咗特嚟试吓😆🤣 我同朋友虽然唔肯定，但觉得特嘅牛肉量应该系最多，而饭量应该系每个级别都系差唔多🥰🥰😆由于我好钟意炭火烧呢种烹调方式，又好钟意食牛，所以炭火烧牛小排烧肉丼真系啱晒我口味😆😆😋😋👍佢嘅牛肉同埋肉汁系好容易送饭，其实如果佢再有多啲饭我都食得落😆😆🤣🤣
继续阅读
油塘新开嘅山牛Yakiniku Yamagyu，一行近就闻到香喷喷嘅炭烧肉味，因为堂食无位，便买外卖返屋企，叫咗炭火烧牛小排烧肉丼，“中”份量，$40，外卖加$2，共$42打开个外卖，好似日本便当咁，包装得唔错，有张封条写翻热步骤食落炭火烧牛小排，表面有啲焦香，但唔系干身，再配埋个酱汁，好惹味，好似去咗烧烤店食烤肉咁，好食。而且肉的份量都算多，配搭辣萝卜，辣辣爽脆，一并食，可以解油腻，还有少许青菜，食落唔会咁单调，饭系日本饭，食落黏黏软软，几好食👍不过可能系烤肉放咗系面，食到底，啲饭有点油腻🙈整体来讲，服务同环境还好，味道好👍，价钱唔贵，系有啲油腻，如果饭同肉分开放，可能会好啲
继续阅读
最近谭仔母公司Toridoll引入的新品牌山牛，主打炭火烧肉丼，和sukiya 或吉野家的汁煮洋葱牛肉饭不同，走烧烤路线餐牌设计上更重口味，亦只提供牛肉暂没有其他肉类。集中的菜单营运上较简单品质监控上亦更佳。—————————————————————定价上虽则单点牛肉丼$40便有交易，加配套餐却要$20，但欠缺了温泉蛋的烧肉丼又失色不少，最终一个完整的沙律、餐汤、温泉蛋盐葱牛小排烧肉丼盛惠$80。薄切牛小排较多油脂，用肥牛来形容更贴切，加上浓味的典型甜咸烧肉酱汁十分送饭。珍珠米咬口不错，配菜的菠菜和辣泡菜是不错的味变。更重口味人士可于自助区DIY，葱花牛尾汤牛肉味比烧肉更突出不过较油腻。—————————————————————整体而言是偶尔一次的大满足选择，定价丰俭由人，质素稳定且有新鲜感的日式快餐选择。
继续阅读
鲤鱼门其实冇乜餐厅选择，今次行过见到有间新开嘅日式烧牛丼店，出面已经闻到阵阵炭火烧肉香味，好吸引，忍唔住就入去试下。叫咗个炭火烧牛小排丼，$48咋，真心唔贵。即叫即烧，睇住佢用炭火烧牛，已经流口水🤤 成碗牛肉份量都几多，唔系得几片薄薄地咁，仲要啖啖都食到牛味，烧得岩岩好，外面少少焦香，入面仲好juicy，油香味十足，好满足！第一次入去食，已经见到有唔少人，环境干净又唔迫，好快就有位坐，成个用餐体验都几舒服。想快快地医个肚，呢间真系一个好选择。以呢个价钱食到咁嘅质素，真系性价比高，快、靓、正！之后应该会成为我行过鲤鱼门嘅指定食点👍
继续阅读