山東餃子館 (已結業)

味道和我想像中的好像還差一點點:雞絲拌麵以為是冷的, 麵條剛剛煮好便和冷冰冰的青瓜絲雞絲放在一起, 感覺不太合襯。味道只有辣味, 沒有香味。雞絲粉皮的溫度比較好, 粉皮是冷的, 但粉皮的醬不夠香味, 份量大, 但味道未夠濃。手拍青瓜比較鮮, 但仍然有進步空間。…查看更多

中午喝了一大盅湯連渣也不夠飽當日正是星期一適逢總店休息剛好路過這一間分店記得以往幫襯過深水埗綠林旁邊那間不少次不論麵或餃子也挺不錯的沒多想便進去了坐下先問有沒有蕃薯葉沒猜錯因為真的沒有隨便點了碟生菜($12)全走價錢正常分量也足然後是淨素餃子($26/10隻)問題當然出在餃子身上灼一灼餃子顯然不需時多久可是我一等再等整碟生菜吃過下午茶的客人也逐漸到來旁邊的女客人拿著下午茶餐版問東問西的好不容易才點了淨餃子一份最後她的餃子竟緊隨我那份上桌可想而知我的餃子灼久了多少變成發水餃子了..:(這裏的素餃本已較為清淡(至無味)這我並不介意而且我本身也較能吃清淡菜但現在不僅餡料都因餃子皮灼至溶爛而流出來連餡料中僅有的少許調味也沖淡夾起來也黏黏答答的夾也不太夾得起感覺實在有點噁心加上餡料又不斷掉下來剩下黏著一兩片菜段菇絲的爛餃子皮讓人難以放進口...........有醋有豆瓣醬加味又如何!餃子不是這麼吃的..不是餡料不足不夠飽滿但賣相、味道俱難以接受"而且心情本已頗為惡劣現在更沒心機了:(不過本著不浪費的原則!!我吃了九成九...太爛的餃子皮便真的啃不下了山東餃子館我是會繼續光顧不過絕不再來此分間而已或許只點些冷麵之類會較易處理?!…查看更多

一向去開黃金嗰邊嘅山東餃子館, 那天路過就發覺此分店的食品種類竟比黃金嗰間還多, 一於入店試試麻辣雞 $24 ... 是一客冷盤, 雞皮薄兼肉鮮亦不覺粗嚡, 味道辣也帶麻香, 啃得津津有味。豆腐窩貼 $14內餡豆腐豆味濃郁, 質感唔會帶水, 再加埋火腿粒、菜甫粒 及 香蔥粒, 味道特別；窩貼皮煎到香脆亦不油膩, 厚薄度剛好。排骨燉寬粉 $34 ... 湯底很清但亦能嚐到黃芽白的甜, 寬粉色澤透澈晶塋, 咬落煙韌；排骨是兩件一字排, 無雪味亦無被鬆肉粉過, 原件炆燉能令排骨邊根肉位帶膠, 預先有用白胡椒粉、鮮露等調味料調味, 排骨骨髓也入了味, 食落就有種平凡中的不平凡兩人份量剛好…查看更多

老豆都話呢間舖OK，噚晚搵野食，就走來試下。著名的係水餃同麵本身，咁佢有得擇「水餃+麵」，我要的係蕃茄鮮肉餃麵，晚飯習慣加碟菜，要左涼拌青瓜。青瓜先到，食左涼拌青瓜，講白Ｄ係油鹽水+麻油 +青瓜，青瓜都算爽口, 價錢同食物成正比囉！等左差不多十分鐘，先至有到個蕃茄鮮肉水餃麵，五粒蕃茄餃。講真，餃同麵都好食，但最好分開食。餃扣左湯，淡左味；而餃本身有一定份量的蕃茄，但湯沖淡左餃變成唔夠味。麵果然有咬口夠彈性，但問題同一，湯會令白麵更加無味，但伴菜又無味，確實完任係一個全面錯的配搭。…查看更多

上一次來這間餃子館是吃下午茶，第一次去嚐到豆腐鍋貼這樣特別的食物是有點驚喜的，亦覺得豬肉鍋貼、紅油抄手各樣也不錯，於是，今天滿心歡喜帶友人去品嚐午膳，人稍多就原形畢露！我倆坐下了極久也沒人招呼，我們舉手想點菜，卻被他們三番四次當作透明，大概是人太多吧，樓面只有兩三個夥計，但最少也能說句「等等」吧?然後，終於有人走過來，她說:「兩個人?點菜?快點。」我也來不及反應，就馬上點菜，好像怕得罪了她似的!今時今日的服務態度，怎行呀?不久，我們被告知沒豆腐鍋貼供應，極度失望。青瓜麻醬拌面，不過不失，不是特別好吃，又不是難吃。鮮茄豬肉餃，看進去蠻多蕃茄的，但吃下去蕃茄味不突出，連上的上海面亦淡如無味，湯底太淡。豬肉鍋貼仍是不錯的，我喜歡它菜夠多。結賑時，站在櫃位前，一直沒有人理會，我們首先向那位早前要我們快點的夥計說要結賑，但她高超地像看不到我們一樣，去了另一角下單，我們再向另一位剛傳完菜的夥計說要結賑，神奇地，她也像看不到我們一樣走開了，真有默契!最後我們放下錢就走了。總括而言，食物不錯，價錢相宜，但吃得一肚子氣咯!沒下次!…查看更多

前幾天係母親節，媽咪話想食山東水餃，所以我地一行八人到長沙灣呢間分店食。一入去，只得十幾人在用膳，所以我地好快就有位。由於那日成間鋪只得兩個樓面阿姐，所以我地等左良久才有一個短髮、細眼既中年女侍應來落單。其實未落單前，我地叫佢來招呼，佢已粗聲粗氣咁話： '等陣啦......'你唔得閒，遲d黎招呼無問題，但佢既語氣非常差，我已極不滿。落單既時候，呢位阿姐繼續濃口濃面，眼都唔望你一眼咁落單，到我家姐叫菜既時候，我家姐只係問一句d醉雞價錢如何，呢位阿姐反白眼兼好不屑咁回答，令我大惑不解其態度，亦忍唔住度火，就同佢講 ：'如果你唔想落單就算，叫另一位落單吧！'呢位阿姐仲不知自己作為呢間食肆既員工身份，大大聲咁鬧我地，佢話： '20幾蚊既菜都要問價錢，有無攪錯！？'我同家姐當然不甘受辱，況且作為顧客既我地，唔通問下食物價錢都有問題？？？於是就同佢嘈起上黎！這時，剛有兩位女士進來，見到我地咁嘈，就同我地講： '哦！呢位阿姐不嬲都好無禮貌架！'然後呢兩位女士最後都無入黎用膳。哼！連其他顧客都咁講，我真唔明點解個老板會請d咁既員工，呢d員工一d都唔值得俾$28時薪！最慘係請著呢d倒米壽星，真係嚇怕所有顧客！母親節正日遇著飲食業既 '阿珍'，真係激氣，還望老板快d教訓下呢位不知所謂既員工，以免影響其店鋪既形象及聲譽！！…查看更多

下午一點胃口也沒有，只想隨便吃碗麵就算了，經過這裡想也懶得想就走了進去。平日午飯時間也挺多人的，坐了六，七成滿，算不錯啦。不過它的環境頗大，幾易找到位置的。要了最簡單的韮菜豬肉餃薯粉，等了大概不用十分鐘就有得吃啦。不過這裡的也算普通到不得了，雖未至於難吃，但實在沒什麼可讚的地方...... 湯底淡到不得了，好像水一般一點味也沒有。薯粉吃下滑身，但竟然一點口感也沒有，腍到不得了.... 太過份了吧。==" 至於韮菜豬肉餃是正常的味道，不過個皮都幾厚，肉味菜味也沒有特別突出，只略帶爽口的感覺.... 嗯......結帳 $20，雖然便宜.... 但... 也可以稍為好吃一點吧。…查看更多

一直以來對在深水埗長沙灣區的此餃子館有點興趣，在其他食家的食評見他們有不同種類的水餃，所以就趁下午茶時間前往光顧。雖然時值下午茶時間，但是下午茶的餐牌其實沒有太多選擇。最後叫了下午茶餐中的蔥油千層餅配菜肉雲吞(6隻)，叫做可以一次過試兩樣食物。蔥油千層餅等了很久才來的千層餅，是否即製就不得而知。外型和傳統的蔥油餅不同，有點像台灣的手抓餅。外層烘得香酥鬆脆，內裡則軟糯有層次感，雖然欠缺蔥香，但也是幾好味的。菜肉雲吞每隻菜肉雲吞的size頗大，這可能是北方人的風格吧。內裡的菜餡爽脆，其他方面就一般。這次平平地20元的下午茶算是不錯的，份量也夠飽肚。不過希望下午茶餐牌能加上麵類，或是選擇麵類就送一杯豆漿。…查看更多

同男友一向好鍾意食山東餃子館, 次次都特登揸車去人....鍾意佢d餃子皮唔厚, 材料新鮮又有份量, 麵條好彈牙而且有麵粉既自然甜味...湯底又ok...次次去都有位....今次去到發現多左人, 入到去只剩下一張6人台...我地坐低就立即點菜....坐左一陣再加添一碟青瓜, 青瓜幾分鐘後就到, 我地食住睇電視等....大約等左20分鐘我男朋友碗麵先到....諗住跟手就上我嗰碗啦.....點知等我我男朋友都食晒喇都未黎, 而且我見到另一台比我地遲點菜既(大約遲10分鐘)....都已經有麵食喇...我男朋友晌未食完佢碗麵時已經幫我催左一次, 到佢食完再催, d阿姐就係咁易對住廚房叫"第幾號台欠碗麵, 食完添喇"....之後就若無其事咁......因為第一次催同第2次催都相差大約8分鐘, 就算當佢漏單, 冇理由都唔快快趣趣趕一碗俾客人丫....等一碗麵等左半個鐘都上唔到....真係好難接受!…查看更多

山東餃子在深水步開左好多間, 我就較常去呢間, 店子較東京街的大, 坐得舒服些嘛.. 佢d面真係食極都咁好味! yummy! 餃子當然都好味道啦...仲有其他..如串燒..好香..晚餐..手撕雞等...都唔貴架..…查看更多

去完東涌~D又攰~所以返左出黎食~本身都係唔知去邊度食好~到最後都係決定黎依間食~見到個餐牌加左好多野~好多都好想食~最後叫左擔擔麵~雞絲拌麵~細醉雞同埋茴香鮮肉餃淨食~首先黎既係醉雞~一拎黎個陣已經好香既花雕酒味~而佢個份量都幾夠兩個人食~一咬落去~D雞浸到入晒味~好正~最後我地係飲埋佢最底個D酒~而且D雞真係好滑~必食推介茴香餃D味都叫可以~不過唔知點解佢又係唔夠熱~而且入面D肉醃得唔太夠味~我要加D辣椒醬先食到~擔擔麵就唔錯既~不過都係差少少~因為佢都係得少少辣~不過佢配料好充足~所以都叫OK~但係本人鐘意食一D有花生醬香味既擔擔麵多D~依樣佢就近乎無咁滯~同埋佢個麵都未散開晒~有D仲痴住左~個雞絲拌麵就冇試過~不過睇落就好似唔係好夠醬去撈~所以好似差D咁~今次佢搵左個一睇就知係新入職既伙計黎幫我地寫單~但係佢可以寫一張單寫左兩個字~而另一個教佢既人唔識幫我地落左單先~要係度慢慢教~搞到等左好耐~雖然係新人~不過我覺得佢應該要有少少TRAINING畀佢先叫佢出黎樓面~…查看更多

已同打令令食過2次, 第1次食, 係因為第1次去長沙灣按腳既關係~ 打令令上openrice search 附近有咩食, 就選擇了食呢間餃子館了.第1次太肚餓既關係...而唔記得影相, 於是我地第2次食, 要影返相...可惜我同打令令又係記得影D...唔影D...好彩我第2日同相公再黎食..補返D相... 麻辣雞, 必食, 雖然細碟, 因為食落之後係頭頂有麻既感覺, 唔似出面一味辣, 正~ 今次, 第2次可以試到既麻醬伴麵, 上枱..哦? 熱既? 仲估係冷麵, 食第一啖, 麵有彈性, 個醬比較滐身, 唔似人地個D水水咁, 伴有切絲既青瓜, 好味~ 第3次同相公食, 因為我知相公勁愛麻醬, 相公都話好味~ 又抵食唷~ 宋嫂魚羹, 打令令同包媽已食過一次了, 佢地2個話好好味, 今次再返兜, 除了魚粒, 仲有木耳, 冬菇絲, 荀絲, 魚新鮮又多料, 以咁既價錢抵呀, 於是本魚再同相公食, 相公話好鮮味呢~ 京花羊肉餃, 咬一啖 多汁, 肉鮮, 京蔥爽脆, 令本魚食了3次都唔厭呀~ 捧捧雞, 唔..用麻醬伴以去骨雞肉, 雞肉比較乾身帶點鹹...醬唔多夠, 如果比多少少會好D..我同打令令都係覺麻辣雞好味D呀~另外我同打令令有食過茴香鮮肉餃+三色餃子, 但忘記了影相, 茴香鮮肉餃, 唔..咬落茴香既似蕃茜既味道, 但又無佢咁強烈既味道, 難以形容, 我地都接受到~ 而三色餃子, 係用肉, 蝦和荀, 似餡廣東水餃, 不過係用厚皮黎包啫~ 唔太特別.總括, 值得去食, 價錢抵, 足料, 下次要再同相公去食過. …查看更多

來到下午茶.又有荵油餅又有餃x6. 最衰沒有飲品.荵油餅同一般上海店很不同, 此店的類似 印度式 d nan, 薄薄脆脆, 相當香口.荵味濃郁, 回味無窮.d餃反而一般, 好像太厚皮, d餡又不算很出色.合共只$19:)…查看更多

今天蝦子餅出了旺角辦事，順便來接我收工:)由於天氣太熱，不想吃飯，所以想到山東餃子館；上次吃過它的餃子和豬扒都不錯，今次"再來一個"。京蔥羊肉餃(HKD20)好有羊肉味(麗梅姐口頭禪)，但怕羶的就不要試菜肉餃亦不錯，豬扒(HKD10)沒有上粉，醃得好好味...有juicy，涼拌青瓜和西芹(HKD8)都好味。…查看更多

一個人食面, 坐低叫左白菜豬肉餃面.等緊期間睇電視,但畫面有d花餃子好充實,材料充足,呢個皮唔算厚,更厚的都遇過,ok 啦菜同豬肉分佈平均, 食落爽爽地( 因為比較多菜)個面湯不過不失最奇怪個幾條小党菜有wasabi味(扣分!)但我冇留意d阿姐既態度…查看更多