屯門嘉菲餐廳 (已搬遷) 新店位置

午飯時間想不到吃甚麼，結果去了嘉菲。暑假期間人不多，不用等位也不用與其他食客搭枱，悠悠閒閒吃一個豐富的午餐。老闆一家素來親切，有時候會介紹精選，看得出老闆對餐廳下了不少心思。餐廳菜式不算多，但有焗飯亦有簡單的百搭麵，最後我選了百搭麵，三十元正，包一杯飲品，凍熱也不用加錢。百搭麵甲款及乙款餸菜各選一款嘉菲雞柳 + 吉列豬扒雞柳份量很多，而且雞味十足，不過不失不算特別但味道實在是不錯。吉列豬扒不是很大塊，但勝在炸得夠脆又不會太油，配上醬汁格外開胃。隨餐包的凍奶茶，這兒的凍奶茶是沒有冰的，但夠凍之餘又很大杯。在這兒吃一個超飽肚的午餐只是三十元，不像其他地方飲品要加數元換來一杯冰塊半滿的凍飲，但嘉菲的水準卻比一般茶餐廳高一籌。

平時有食開早餐個奶油豬都好出色, 近來午餐多了泡飯選擇，就新屎坑試試，跟媽媽來吃一人叫了一個，牛扒非常軟熟，好好味，泡飯亦都好入味，不會"淡某某",真係寶物藏龜底，個海鮮泡飯食下食下竟然有粒廣島蠔， 平時食泡飯，有蠔仔都已經好開心， 竟然有成粒廣島蠔，一定冇偷工減料， 非常推介大家一試及附上海南雞飯特寫焗飯類都好味的

今日係星期一同呀媽去食悠閒既早餐本身經過呢間時因為入面好似冇人所以以為佢冇開我同呀媽都係揀甲+乙本身個米線有菜送的,碗米線好大,食唔晒...而野飲方面推介凍柑桔水因為杯野真係好有柑桔味而且凍冰冰勁正我覺得呢間野好就好在有唔同既choice,次次可以試唔同既野感覺唔錯

小妹食過兩次, 兩次目到身旁的街坊客都食到津津入味禁, 且十分適合對每餐有要求的人前來,感覺到佢無諗住出位, hkd26 餐已經好滿足，你又可以選擇hkd3x 面餐+ 多士，1. 痳花多士好好味, 即做出來(其實嘉菲好多野都係), 食落暖暖的, 好窩心, 2. 雞柳混醬好獨有, 未0係出面食到有, 3. 佢個米線既湯好好飲, 不過仕係有味精的, 但個湯又好有家庭feel !4. 蘋果沙律好清, 蘋果都新鮮過出面d餐廳呀 ! 無出面果d一陣d雪味 !總之言之, 呢間野要keep住水準呀, 繼續比心機, 真係覺得你既食物亡遠好於上市翠x 餐廳 !

我同我朋友行完街我話休息下食下野佢就同我去左嘉菲餐廳到食我果時叫左個三文魚飯因為平時好少機會會食到其實佢又唔係日式餐廳我諗住會唔會好食當我食果時 老實講果句可以日式餐廳有得FIGHT 肉質唔單只鮮嫩仲好新鲜 又多肉汁再加上一D醬料令我食唔到

講開又講,上次入屯門搵朋友玩狗仔,然後傾左陣計,有D肚餓,於是就問我朋友有咩好推介佢話街市個頭有間茶記咁既野於是就兩條友去試下去之前上openrice睇下有咩食,但係上到黎見到唔係太詳細但係見到一個好似幾啱我胃口既飯,吉列香茅豬扒焗飯,於是就決定試下其實我個人就比較鍾意食中菜,但係見到焗豬扒飯周圍都有就想試下有咩唔同於是去到就點左呢個''吉列香茅豬扒焗飯''咁野飲就揀有ching推介既無冰凍奶茶,凍飲呢味野諗都唔洗諗一定成杯冰,但係見佢個名叫無冰又凍奶於是就想試下咩料子around7~8分鐘個飯同杯野就出到黎,因為個陣無乜人所以等待範圍都係合適時間之內(但係事後諗番焗飯可以咁快出焗咩?,唔通佢本身已經焗定等一有人落單就番熱?)首先試下個香茅吉列豬扒,咬落去,講真口感同普通茶記既焗豬扒飯分別唔大,但係有一樣野我試得出就係肉入面有唔濃唔淡既香茅味,同埋塊扒溫度有層次,由熱到暖都感覺到,唔同平時食扒咁溫度好蒙胡呢種感覺好特別,加分然後到杯奶茶,正常凍飲擺左一陣就會有水珠係面頭,通常高d既位都會多d水珠,因為較凍而且有冰又會搞到d味沖淡晒呢杯無冰奶茶好特別,水珠唔大粒而且分佈平均,飲左幾啖,真

我去屯門果到探下我朋友 一到步 已經好肚餓 成程車都未食過野 咁我咪問我朋友睇下有咩好食喇 佢話依到D蒸雞飯好好食 我咪聽我朋友介紹 去左嘉菲果到食野喇 我朋友幫我叫左蒸雞飯加奶茶 我朋友幫我叫左冇冰既奶茶 我咪問 冇冰既奶茶?我朋友就話試過就知 跟住我一飲 好明顯係D質素同普通餐廳會唔同先 去普通餐廳點都要叫多糖和多奶 先有陣甜味同奶味起到 最重要係冇冰 平時飲奶茶去到最尾都會唔覺意飲埋D冰水 結果影響個味道 冇冰奶茶係可以將依個缺點整走 另外 起個蒸雞飯 我係等左15分鐘 已經證明唔係靠微波壚去整 加上係老闆佢地特製既汁 加落起D雞到 再加起飯到 食完你會覺得一個三十幾既飯係好平好正

相對元朗，屯門好吃的餐廳的確沒太多好選擇嘉菲餐廳是唯一每次去屯門必去餐廳之一凍食酸辣雞的確夠入味，非常開胃米線本身清雞湯已經一流，若混入酸辣雞，湯底即變成另一種酸辣湯，另一種吃法，非常滋味

首先，真係要講下呢個奶茶! 唔知點解會無冰= =我未試過去食野嗌凍飲係無冰 , 但係沖出黎好好飲個伙記話D牛好靚，叫我試下咁我都唔食牛既... 幾好食都無用啦之後佢話我雞扒飯都好好賣, 信佢一次

你有無見過茶餐廳5點鐘收鋪咁巴閉? ... 老細話晚市靜係做訂枱，我聽到都覺得好有趣...不過我只係想求其食D野...佢話做埋我最後一個客咁我求其嗌左個牛肉麵，呀.. 講真，佢係我食過咁多間茶餐廳最好食既牛肉麵講真，碗麵黎果陣，我心諗中伏，我以為係普通常餐果隻沙爹牛肉麵...點知係普通牛肉麵...但係! 真係好好食! D牛肉絕非普通茶仔作品，好似無乜落調味品已經好出牛肉本身果隻味又唔會"UN"..個老細行出黎話呢D安格斯牛黎，緊係唔同啦仲有我想講...杯凍奶茶) 成杯貢茶咁大杯.....痴線==呢間真係.....真心好_底食!

起初是被這店的裝修,及比較特別的食物吸引！見價錢又平，便試一下！豈料平野真的沒好野！南瓜湯通長通: 湯沒南瓜味，通粉過稔！龍脷柳菠菜汁濶麵: 超過份！濶麵太稔也算算！根本不是菠菜汁，是白汁加數條菜,便說是菠菜汁！細看之下那數條菜也不是菠菜是莧菜！不知所謂！日式咖喱豬扒飯: 咖喱汁淡而無味沙律: 超難食！只有甘荀和薯仔，應該放了很久，有點變質了！羅宋湯已叫較為好一點了！食物不好也算！待應服務也差！真不明白如此食物及水準，也這麼多人幫襯！難道平真的是勝負關鍵？p.s.虧此店還夠胆在宣傳單張上標榜"是屯門唯一一間歐陸式餐廳",還標榜用料上乘？雖然最平只是廿元一個餐，但我覺得實在不值！