影片
因为番夜，嗌左个头抽葱油捞饭做晚餐，45蚊拣两款𩠌仲包野饮，拣左猪扒同莲藕肉饼，老板娘见我谂紧纠结紧拣唔拣肠仔同餐肉，仲每样请左我食一旧添，够晒大盒。成间铺贴晒镜仔应援，仲有应援礼物拎，我都贪心咁拎左一个🤣番到公司过左一个钟先食，轻轻叮番热，叮完猪扒都冇话会干，好入味好大块，肉饼系冬甩形状搓得好靓，味道同卖相肉饼绝对值得推介！餐肉一食就知道系用靓野，最后食晒饱到上心口，下次要叫佢小饭，咁嘅份量同质素，45蚊真系抵到烂！
继续阅读
过开鲗鱼涌就Search下附近有咩好野食，见到呢间新开既小食店个名好得意就过黎睇下😃一望入去已经见到好多Mirror既Postersss💕咁...梗系要帮衬下啦～😆因为之后约左朋友食饭，所以只可以叫d小食，见到有《椒盐烧卖》就叫左盒，呢度既野食都系即叫即整，唔会炸定放到林晒👍等紧既期间店员好nice咁同我倾计，仲好热情咁分享左佢收到既Mirror应援物资，超级亲切🤗《椒盐烧卖》$20一打开盒已经闻到好香好香，烧卖既外皮炸到脆卜卜，质地系少少烟韧个种，加埋椒盐既香味，真系好好食😋下次再过开黎呢边一定会再试埋佢地其他野食😌
继续阅读
系外卖平台见到呢间新加入嘅餐厅就㩒入去望下，选择唔多但胜在样样都吸引。。咁因为想沟淡个运费就叫咗两样，分别系葱油猪扒拼鸡翼饭，同佢讲出个黄金鸡饭。。通常我叫外卖之前都会上OpenRice睇吓食评先叫，但食评只得一个冇得参考，不过见佢价钱公道咪试吓叫啰。。咁送到上房，有惊喜㖞，望落好靓仔，食落味道都好好，唯独是葱油偏甜，如果咸返少少就更加Perfect，你唔好睇佢盒仔细细，食完都几饱㗎。。而鸡饭个油饭都好好味，整体来讲CP值高，值得继续支持！
继续阅读
听同事讲呢间新开d沙牛几好食，今日就专登早啲返工买个秘制沙嗲牛面返公司试吓先😋个面底应该系专登用福面，有人叫就落热水焗住拎走。拎到返公司刚好食得，呢个方式都几特别第一次见。牛肉份量够晒多，汤底够农有花生碎👍🏻牛肉唔似出面d茶记一系用松肉粉整到好淋一系就无整过咬唔烂，整体成个面比到惊喜我，呢个价钱食到高质沙牛真心抵食，加埋蛋冻饮都系$37😋呀妹话买早餐仲送Mirror 贴纸，可惜呀叔我唔系镜粉😅
继续阅读