居食屋「和民」 (黃埔天地時尚坊)

营业中

休息中

曾經，和民是一間幾好的餐廳，但可能真係大環境下，生意難做，繼而令到質素越來越差。。。相信今次係最後一次幫襯了，亦相信到和民全線結業時我都唔會替它可惜，因為係佢哋自己做成的。。。二人筷子，每人各一隻筷子。29元的小丸子，等了10分鐘，上來入面仲係冰的。同店員講，佢問返我，係咪要幫我加熱。。。豚肉野菜燒：豚肉是乾煙肉，野菜90％係牙菜。。.蒜香雞扒，又燶又細件。。。（另外見圖係深水埗一間小店的雞扒，才HKD55.00)最後的鰹鱼湯，鰹鱼看不到，但看到一樣唔知係乜嘢係碗入面，極嚴重影响食慾嘅嘢。。。

目的係試勻全世界壽喜燒嘅我哋，今次去咗老牌日本餐廳和民，屹立香港多年嘅佢哋，食物都有相當嘅水準。 我哋嗌咗二至三人前份量嘅壽喜燒，加埋香煎餃子，兩個人都飽到捧住個肚走。 壽喜燒種類不同又豐富嘅蔬菜，加上高水準嘅肥牛🥩，即使配上簡單嘅壽喜燒汁，都令到成件事生色不少。 除咗壽喜燒之外，香煎餃子🥟都有唔少嘅驚喜，皮薄餡靚之餘，用咗鐵板去盛載去保持溫度，上到枱仲熱辣辣。香煎餃子皮脆卜卜之餘又一啲都唔會乾爭爭。真係食過返尋味。

壽司難食，牛肉丼難食，最失敗係大阪燒竟然燒燶咗啲粉漿又太多，我以為食緊粉皮，芝士同菜又唔少！都住咗呢區二十幾年，都好耐冇試過，諗住有改變，點知服務唔好，菜品又唔得，唔會再俾機會佢，失敗！

石鍋蒜蓉牛油海鮮飯定食～有三文魚、帶子、魷魚～石鍋夠熱撈一陣全部熟晒～跟餐有前菜沙律、麵豉湯、餐飲～麵豉湯好多海草味道剛剛好唔會鹹～生菜份量少～沙律汁又少～跟餐揀咗凍柚子蜜～半杯係冰好水冇味豚肉溫泉蛋飯御膳～餐有：沙律、麵豉湯、蒸蛋、餐飲、甜品～燒汁豚肉份量比較少～大部份都係脂肪同皮～蒸蛋好滑～餐飲揀咗凍奶茶偏甜～甜品係抹茶年糕都幾特別廣島縣產脆炸牡蠣～即叫即炸配沙律醬幾好味～炸得啱啱好唔會乾唔會熟過頭不過員工服務麻麻～個個都黑面

今日中午來和民食lunch, 雖然老公話多數要等，但我都想試下。我取了no.,心想下一個就到。但等了十分鐘都未到，心知不妙，就直接走入去看看，眼見多張靠牆的枱，4個位只坐2個客，明明枱是可移動的，而这個設計是方便不同人數的客人而設，結果等多5分鐘才有位。單就食物而言，我吃豬肉蛋定食，有前菜有湯$79都算合理，但管理層應檢討座位安排的規定，始終平日lunch 時間，大家食完就快快去，和民又不是什麼高级食肆，應該靈活一些。

最近約朋友食生日飯，她選左和民😄她話最近鍾意食日本野😋和民食物唔差價錢唔貴😄，我地2個人食午餐都係200左右，即平均100蚊一個人頭，我鍾意食牛呀～ 所以都係以牛為首選，靚女就選左三文魚，大家都是選石煱，和民的石煱外層有一個保護，感覺安全好多，唔怕整親手，本來好想飲水果茶，可惜黃埔呢間和民無左，唔知無做定真係賣曬🥲🥲 味道黎講真係好Keep到水準，可惜我不知道有沖，所以放了很多沖🤮🤮🤮不開心，太多和太碎，我費了很多時間夾返曬出黎，興趣大減🥲🥲🥲🥲🥲，味道如果無沖是70分，有沖是30分🤮🤮🤮🤮🤮

近排超超超忙碌! 其中一個原因係.... 自己玩裝修! 24年4月又話掉垃圾要俾錢，而且九運又到，再加上間屋又住咗成十年無攪過，於是一次過攪大佢!結果緊係攰死啦! 攰到無胃口，唔想食D熱嘢，於是女友小熊提意食日本菜，去和民.攰到個腦都無心情諗食咩，小熊有提意仲好唔洗我煩.有D人對貓貓狗狗有特別感情，我就特別鍾情海洋生物，所以日本倒核廢水我必然大加反對，但我又唔會反對食日本菜，一來我相信原材料來貨都都未係日本，二來邊擔心得咁多呀! 活在當下啦唔該!最近嘅和民係黃埔，於是早D落去費事等位，去到好好彩唔洗等，攰到死仲要企係到等位的話，我相信會轉場.點咗2人套餐，有鮭魚刺身，剴凱撒沙律，牛肉壽喜燒，炸雞軟骨，鰻魚牛肉盒子飯，再加香脆炸雞，照燒雞肉 Pizza，飲品係芒果益力多沙冰同柚子密梳打.優點:1, 第一緊係要講講我大愛嘅沙冰啦! 夠甜夠凍唔係D酸芒果味! 大大大讚!2, 牛肉壽喜燒牛肉薄薄一片，所以唔會韌，灼一灼已熟，但最好味反而係果兩磚豆腐，嫩滑之餘又重黃豆味.3, 加上燒汁嘅鰻魚肉嫩又夠味，而且飯粒分明，係我中意嘅口感.4, 香脆炸雞雞肉 Juicy 外層脆口，滿意.缺點:1, 對住

細個成日去食和民，大咗反而好少食，今次專登去和民食飯🤗set好多嘢食👍🏻肥牛火鍋烏東有沙律同甜品，炸雞飯配沙律仲加左小食😍加左刺身蝦同炸雞翼肥牛火鍋肥度適中，湯底唔係太甜，非常不錯，仲有好多配料添 😃炸雞翼好香脆好juicy，刺身蝦大大隻好新鮮食物質素同環境都好好，感覺同以前冇咩分別，如果經開和民會再來食下❤️

好耐無食諗住幫襯下，見門口無人就拎張飛等位。等到咁上下都無職員出黎，所以我地行入條走廊諗住問下人，點知有個四眼白衫友態度好差好大聲呼喝我地出門口等人叫位～ 咁唯有真係出門口啦🫣🫣 以後食野唔會再諗起你地公司！

和民應該係好多90後嘅童年回憶中學大學放lunch都會同同學食 我都距離學生時期好耐luuuuu今日經開紅磡見到 就同男朋友講好想食我叫左個石鍋三文魚帆立貝蒜香飯三文魚同帆立貝都係刺身上不過石鍋嘅熱力會令刺身變熟同埋更香佢個蒜香sauces 撈混左個飯之後好香個石鍋都好夠熱 食到中途仲會有飯焦好正男朋友就叫左個叉燒牛骨湯拉麵本身冇好大期望，諗住係好普通嘅港式拉麵但飲佢第一啖湯，發覺非常香濃好surprise

📍居食屋「和民」 👉🏻 #muimui_ whampoa👈🏻和民可以話係大C妹嘅其中一個童年回憶呀其中最鍾意嘅就係石鍋飯喇不過後來有次去食石鍋飯 鍋唔熱都算 飯都唔熱從此冇再食過 (時隔幾年都有)今日同媽媽經過 就俾多次機會佢啦🤣石鍋鮭魚帆立貝蒜香飯💰 79午市套裝：主食+沙律+麵豉湯+飲品賣相好似幾好 石鍋冒煙咖🔥🔥🔥趁佢熱辣辣梗係要撈撈佢大C妹最鍾意佢個蒜香牛油 撈飯好惹味😋😋😋雖然帶子同三文魚都係生嘅 不過石鍋夠熱撈完 全部熟晒 ✨唔食生意嘅豬仔都唔使驚呀🫶🏻🫶🏻🫶🏻石鍋已到可以整飯焦添 一飯兩食 嘿嘿香脆炸雞醬油風味(追加小食) 💰23炸雞脆口有肉汁 但係有個問題撇除醬油 炸雞本身都醃得好鹹🥵🥵一份3件 味道中規中矩 想食炸雞都可以加下鮮水果紅茶 💰+10超伏‼️❗️‼️大C妹平時好少飲水果茶不過唔想喺和民飲奶茶 就試試水果茶 點知。。。水果比得好多 但係茶底冇味 比糖漿蓋過晒杯嘢僅飲糖水咁 甜到牙痛😩😩😩少有地冇飲晒杯嘢就放棄

住咗喺黃埔超過10年，最初都會去吓和民嘅。後來發覺環境有少少污糟就冇再去啦⋯⋯ 呢幾年疫情。咁最近見市面回復正常，就再去試吓囉。嘢食都唔特別出色㗎啦，不過真係日日出街食飯無飯家庭嗰種就乜都試吓囉。嘢食瘟瘟沌沌不特止，服務態度又差！咁其實點解要做餐廳呢又冇服務嘢食又難食。叫咗一碗叉燒拉麵，拉麵最忌冇湯，咁佢又真係中咗喎！唔明點解要用隻咁細嘅碗放拉麵，因為個碗太細所以又冇乜湯！咁食物質素就梗係差啦， 10分滿分呢碗拉麵係3分都比多佢。叫咗一碟餃子咁餃子就正常。屋企人叫咗一個牛肉石鍋飯嚟到都幾夠熱嘅，但係就有啲乾冇汁的。都食咗咁多年知道佢哋會有鰻魚汁所以就問夥計攞少少鰻魚汁。咁呀嬸嬸服務員就拒絕給予鰻魚汁，因為我哋冇叫鰻魚。環境依舊不乾淨，因為佢喺地牢又不見天日，另外裝修十年如一日沒有翻新過。咁樣？等佢換咗個廚師先再去啦

和民應該算係十幾年前較出名嘅日本餐廳記得好耐之前係踎係度落單 🤪行完don don見隔離係和民 假期但有套餐set－於試下 入到去座位都算大 但可能人手唔夠 有D枱無人執 可能因為咁等位都等左幾耐叫左個套餐 例牌有D食物 係幾選一 上枱時感覺份量唔算多 個餐好400 幾但唔飽囉

你講得出既餐廳問題佢都有齊晒其他分店都幾好食 呢間真係一定唔會再食餃子煎唔熟 油多到必晒出嚟 啲餡好似食麵糊咁全部staff服務態度極差 十問九唔應飲品又苦 真係稱得上一間垃圾餐廳

今晚一家人去黃埔冒險樂園玩到6點幾，近近地行過對面食下和民囉。無咩人吾使等位。照舊叫左pizza,石頭飯，壽司咁樣。pizza系未烤熟，呀姐話系咁架啦，再烤都會系吾熟，咁只有退單。壽司難吃到呢，好似系雪櫃攞出黎咁樣。喂老友，間野好似走曬樣咁。食左十幾年只有說聲再見。sayonara