12
0
0
以上资料只供参考，请与餐厅确认详情
朋友早前極力推介此素菜館, 由於茶樓點心大多混入豬肉, 素食者只可選擇灼菜, 羅漢齋等食物, 所以即刻約素食朋友一試!蘿蔔絲酥餅 $39/3件熱辣辣炸起, 酥皮香脆, 內餡絲絲蘿蔔又香又綿, 口感好正, 一定要趁熱吃。靈芝菇雜菌腸 $42金獎蟹黃鍋貼 $56相比真正的蟹黃, 用上甘筍或南瓜代替, 實在健康得多。內餡用上多種菌類或蔬菜, 口感十足!黃金手撕杏鮑菇 $68椒鹽惹味開胃, 新鮮即炸, 小朋友食唔停口整頓飯都有意想不到的驚喜, 以為素食會比較清淡, 但餐廳沒有一款食物令人失望, 完全對素食改觀!
继续阅读
我是一名素食者，吃素多年，這家是我吃過最好吃的素食點心料理。每一道點心都很好吃，特別是燒賣`珍珠雞`咸水角`擔擔面 都是我們每次來必點的食物我和太太幾乎每個周末都會來這報到。
继续阅读
話咁快又再黎尚齋飲茶今次同老人家一齊黎，想佢坐得舒服啲，所以選擇左尚齋。職員安排左我地坐房，房入面有個落玻璃可以望到動植物公園，都幾寫意架。一坐低職員就問我地食唔食雪山叉燒包，因為供應有限，所以要預留左先。上次食過覺得超好味，所以今次都encore，然後再慢慢揀點心。尚齋其中一樣最令人覺得貼心既就係可以按人頭加點心件數。啲點心有時一籠三件，有時四件，好難預，落單個陣講明要一人一件就唔洗煩。首先送上既係蒸點。帝王菜苗餃既金邊夠哂貴氣，皮薄餡靚，單係賣相都已經滿分。杞子燒賣既口感同豬肉燒賣都好相似，可以呃得下人。尚齋蝦餃皇入面包住隻素蝦，我自己就麻麻地，貪得意試下都冇壞。跟住就到我最愛既雪山叉燒包登場。明明冇落奶但又有陣奶酥味，上次黎問過師傅，原來係用左樣叫油酥既野。鬆脆既雪山皮、香軟既麵包、仲有多汁既素叉燒餡，依個叉燒包真係好得。蘿蔔絲酥餅係一如既往既出色，酥皮夠鬆化，蘿蔔絲夠甜冇澀味，都係必食既點心。竹笙素翅灌湯餃點左一份比婆婆食，隻餃超大隻，加埋竹笙同素翅個樣夠哂貴氣，我自己冇試，不過婆婆話好味。因為已經點左雪山叉燒包，腸粉就唔叫叉燒腸，而叫左靈芝菇菌腸。腸粉既皮晶瑩剔透，可以透出餡既顏色，菇菌味道清甜，都幾好味。估唔到點心紙上面會有酸辣粉依個選項，個粉仲要係我最鐘意既蕃薯粉，夠哂彈牙有咬口。酸辣程度適中，而且都幾大碗，叫一碗大家share食都得。除左點心都有叫小菜，以前細個去酒樓必點咕嚕肉，食左素之後就變左必點咕嚕猴頭菇。猴頭菇既口感同肉真係好相似，層炸粉薄薄地，唔會覺得太熱氣，做得恰到好處。仲叫左個沙律菜，啲菜都幾新鮮，味道就正正常常。飲茶通常都係澱粉質落肚多，叫碟菜食下可以減輕下負擔。食到最後當然唔少得以甜品作結，又係必食既金箔棗蓉糕。一層層既棗蓉糕有甜甜既棗味同椰香，煙韌得黎又唔會咬到牙骹軟，老人家都食到。埋單時多口問下有冇信用卡優惠，跟住職員話比現金可以9折，精打細算既我當然即時比cash。原來問一問就可以慳返少少，下次都要記得問下先得。食左兩三個鐘，人流唔算多，坐得好寧靜同舒服。雖然寧靜既環境係好，但都希望有多啲人黎打破寧靜，咁好既餐廳一定要繼續支持等佢地長做長有。
继续阅读
重陽節翌日那天（26/10），我上午加班工作。下午相約爸媽到半山的尚齋精品素料理吃午餐。是從前心齋的位置。本以為內部裝潢是沒有大變化。卻是有大改變了。門口有木架作屏障。木架上放置裝飾品。這點好像跟心齋差不多的佈置。屏障後的右邊是半開放式廚房。其餘地方便是用餐區。有2個大房間在左面。之前有日式卡座，就是廚房的位置。現在也有卡座。在最裡面，面向門口的位置。位於窗戶旁。共有4個卡座。其他的是圓桌子。感覺沒有之前那麼高格調。但空間感會比較大。可能因為光線充足。桌子之間的空間也足夠多。我們坐卡座。桌子寬大，擺放多個點心籠也沒有問題。餐具並沒有甚麼特別的設計。茶品則是普遍能在酒樓點的種類。沒有如心齋般可添加桂花、玫瑰花、牛膀等的選擇。（總是與心齋比較……）茶資每位是$12。窗外的景觀都是樓宇。首先有担担麵，$38。在點心紙點選的食物。所以，份量是少一點。也可以讓食客多吃其他點心。幼細的白色麵條是爽滑的口感。味道不會太辣。蘿蔔絲酥角，$39。表面的酥皮紋理做得很細緻。單看點心已令人十分滿意。酥軟的口感。內裡的白蘿蔔香甜多汁。黑松露野菌餃，$42。黑松露的味道香濃。餃子薄。口感軟糯。金獎蟹黃窩貼，$56。不知道蟹黃是指甚麼。沒有留意內餡是否有黃色像蟹黃的東西。卻吃到杏鮑菇。口感十分爽滑。我很少吃到餃子內有杏鮑菇的。所以很驚喜。底下的脆片口感香脆。 靈芝菇雜菌腸，$42。晶瑩剔透的腸粉皮口感軟糯。並不糊口。甘笋咸水角，$39。這是因為其造型可愛才點選的。不只外型討好，味道和口感也好。外層又脆又黏糯。內餡同樣有我喜歡的杏鮑菇。口感爽滑。尚齋帝苗餃，$39。這個外觀也很好。那金邊很吸引人目光。內餡有填滿餃子的豆苗。口感軟綿。味道清鮮。原隻椰皇燉雪燕，$88。也可以選擇燉桃膠。份量不少，我們3人分享。可以聞到香濃的椰汁味道。雪燕像雪耳的東西。卻比較細小。吃起來滿口都是爽軟的雪燕。很豐富的感覺。這個甜度比較低。很健康的甜品。椰子內的椰肉也可以刮出來吃的。媽媽刮了部份較軟滑的給我們吃。店員看到餘下還有不少椰肉。她主動替我們刮出來。很殷勤呢！最後，想不到午市也有紅豆沙糖水贈送。（所以，我們只點了一客原隻椰皇燉雪燕。）這糖水比原隻椰皇燉雪燕甜很多。紅豆都煮得軟腍。也可以嚐到陳皮的味道。收費方面，這裡有加一服務收費。不過，現在付現金可享9折優惠。（不知道這優惠何時完結。）店員結賬時已計算折扣。原本我想以信用卡付款，也改付現金。幸好錢包內有足夠的金錢。是剛好足夠。1元也沒有剩下來……
继续阅读
尚齋呢間餐廳其實我有朋友推介過,但由於之前一直都未有時間去試所以都係得個想字.直到今日有時間又早起身就約左長輩去試下飲一餐全部係齋點心既餐廳其實呢個地方望落好似好吊腳.其實係金鐘出C2出口,有個的士站,上車不用跳標5分鐘左右就會到餐廳大廈門口.非常之方便,只係走既時候可能要行返出啲先會搵到的士,因為個個位應該比較少車轉入去.但如果你問我,我一定會再回頭去食呢間齋點心,因為地方清靜.一入去坐近窗邊位置,有開揚既景觀而且人流不多.不局促.係傾偈嘆茶既好地方.開初都會擔心全部素食點心,選擇會唔會比普通酒樓少.到達後打開點心紙完全係跟平常酒樓既點心紙一樣多選擇是日我經侍應既推介點了以回點心.這款黑松露素菜餃非常之香同好味之,下次再去都一定會叫.這個應該係潮州粉果,佢所配上既潮州辣椒油都好香呢個素叉燒包真係幾何亂真. 好出色呢個素雞扎都好大件,貼心既侍應仲係我影相後幫我地剪開幾份方便大家食.呢個菜苗餃亦係我喜愛點心之一,非常精緻, 餃邊仲有金線內裡既菜好香,原來係皇帝菜,我都幾鐘意食皇帝菜,所以我好喜歡呢個點心接住就係燒賣,呢個燒賣做到個口感跟平時肉燒賣差不多.呢個叉燒腸都好好食.尤其個腸粉皮好滑.叉燒仲有少少脆口素蘿蔔糕個蘿蔔比例好多所以好香蘿蔔味出面平時食粉多過蘿蔔. 呢度真係足料最後ORDER一個籠仔蒸飯作結,呢個飯都唔細.而且好開胃,因為食左咁多款點心都有少少飽,呢個甜甜酸酸既飯岩岩好.總括黎講食物質素都幾好,一定會再殷幫襯.
继续阅读