影片
舖头在公司附近开了一段时间, 第一次帮衬, 感受都唔错。3个人叫了3款做午餐.1) 回锅肉 + 菜饭 +豆浆 $40 (做到香辣, 惹味, 肉有肥膏及瘦肉, 咬落口感相当之好)2) 上海炒粗 + 豆浆 $34 (少少甜既口感)3) 京葸炒牛肉 + 菜饭 + 豆浆 $40 (京葸好香, 牛肉一般)下次要试下食鸡先得.... 价钱唔贵, 好抵食, 味道亦好味.如食客对招呼/服务/装修有要求的话, 可能不太合适。呢度街坊小店, 地方浅窄及座位很少. 午饭时好多人等位。
继续阅读
呢区上海菜不多，尚小馆这间小店算是沧海遗珠。午饭时间，好多学生帮衬。因为价钱平。仲要几好味。望望餐牌，客饭餐只是三十余至四十余。可以拣菜饭或白饭。另外亦可拣粉面，目测最多人叫的是菜饭。口水鸡菜饭餐($40）似模似样，鸡有四份一只，菜饭大大碗，仲配嘢饮作为响中环打工多年既人看到这样的性价比高的廉宜饭堂，真系感动到想喊！你话味道系咪惊人地好？当然不是。不过鸡肉都算滑，肥油少。酱汁有花椒香味，惟层次感少咗啲。相对之下，醉鸡较好吃，因为鸡吸酒味，较入味。菜饭用的目测是小棠菜，仍然青绿，入口清爽，味道不错。后话长沙湾深水埗一带好多小店，近期逐一发掘 ，屡有惊喜，呢间价钱有惊喜。服务方面，阿姐比较恶，同埋好钟意食食下叫你起身调位。介意服务的话，要留意一下了。
继续阅读
今日年初二，屋企唔想煮饭，就我去咗我哋平时成日去嘅尚小馆。呢间小馆嘅路线系平民住家上海菜，便宜嘅价钱，清清淡淡嘅菜式，啱晒妈妈嘅口味。今日叫嘅系镇江骨($38)，上海炒年糕($42)，红烧狮子头($42)同埋葱爆牛肉($48)，加叫两客菜饭同豆浆($15)。另外，新春期间每样小菜系加$5，但仍然系免加一嘅，埋单盛惠4个人＄220。镇江骨系我哋嘅至爱。酸酸嘅镇江醋喺未上枱之前已经闻到。上菜嘅时候够热，啲肉煮到好淋又够入味，酸酸甜甜好醒胃，有入口即溶嘅感觉，有适量嘅肥肉。虽然系咁，似乎未煮成镇江骨之前已经出过油，所以成个𩠌唔会太肥腻。用垫底嘅生菜系新鲜灼熟嘅，新鲜爽口。上海炒年糕比较失色，稍欠镬气。年糕唔够入味，芡汁亦都唔够咸。菜炒得太过耐，睇落唔再胀卜卜。红烧狮子头有惊喜。切开发觉原来里面有一只卤水蛋(唔怪得佢咁大旧)，虽然系一反传统，但系个卤水蛋熟得啱啱好，而且成只都非常入味。讲返狮子头，肥肉同猪肉嘅份量够均匀，食落软熟而且猪肉食猪有猪味。炸过嘅狮子头唔焦，火候预得啱啱好。平时我屋企住家制狮子头会落埋马蹄，不过呢度就冇，稍欠口感，不过狮子头呢啲始终唔同人唔同做法。至于葱爆牛肉，味道够香口，送饭啱啱好。葱就够香够鲜啦，但系牛肉嘅肉质有啲差，系制过𠮶只，唔系新鲜牛肉嘅质地。呢度嘅菜饭系唔错嘅，油嘅份量唔多，食落仍然够香口，小棠菜亦都够青绿够新鲜。我哋每次嚟都会叫菜饭唔叫白饭。小提示 ：想叫菜饭同豆浆一定要一齐叫，散叫就唔抵㗎啦。总评就系，平民嘅价钱，住家饭嘅感觉。有时屋企懒得煮饭洗碗，落嚟食系可以嘅，不过𩠌要识叫，只叫拿手菜。
继续阅读
放假迟起床，已到了下午茶时间，便到屋企附近揾食，见这间门外的下午茶菜单吸引，价钱便宜，即入去吃个下午茶 / Brunch😅菜单选择满多。最后点了套餐A: 口水鸡 + 上海面 + 豆浆。🍗口水鸡，即叫即切，皮滑肉嫩带鲜，原以为是四川的酸辣口味，原来是上海的咸辣风味，加特制的麻辣酱及豆豉，辣度温顺易入口，辣中带麻，香口惹味!😍🍜上海汤面，即叫即煮，面条粗幼适中，质感柔韧，口感爽滑，汤底清香醇鲜，佐以口水鸡同吃更滋味!🥛豆浆，冰凉止渴，富豆香及微微的甜味，甜而不腻，健康味美~这店的花雕醉鸡及口水鸡皆分量十足，香口惹味，吃得齿颊留香，有空再来平叹下午茶 ~🍽
继续阅读
上两个星期中午试下呢间尚小馆。呢到环境麻麻, 一坐落去张櫈先发个天花板滴水我坐左近门口嘅位, 到门一开一合, keep住一路食都觉得好热。之后唔知系唔系太多人, 落左单好耐, 旁边迟过自己点菜嘅人都上哂菜, 都未轮到我超级肚饿咁等左起码20分钟。就上左呢个醉鸡脾米线。个米线好唔合格, 个芯硬硬地咁, 好明显系未煮够时间就上。至于个醉鸡脾, 鸡脾肉身几嫩滑。可惜佢个醉鸡啲酒腌得唔够入味, 有少少浪费左只咁嫩滑嘅鸡脾。不过就呢个价钱黎讲, 呢只醉鸡脾都系值得一食
继续阅读