尚宴21 (富泰商場)

营业中

休息中

揀咗燒鵝餐$368,半隻燒鵝，揀2個小菜，半斤灼蝦及菜心炒牛肉，味道不錯晚市八㨂1優惠，揀咗每人送半隻乳鴿，乳鴿好味另叫冬瓜盅，$188，有帶子、蝦、小乾貝、肉粒、草菇夜香花較少，湯味道清新，很快賣哂

首先冇人帶位，叫你自己入去搵位，跟住又話呢度唔坐得嗰度唔坐得，全部阿姐都冇乜禮貌牛肉腸，入面有大粒嘅骨？定係唔知咩物體，堅硬無比，大力啲咬都崩牙☺️啲侍應個個好似做到好忙，咁冇人理你，鍾意貼錢買難受嘅就去啦

今日去咗尚宴21酒樓飲茶，地點係富泰邨嘅富泰商場裡面，交通方便，可以喺兆康西鐵站A出口出，再轉乘K51接駁巴士到達。呢間酒樓係唔使攞籌等帶位，客人可以自己直接進去搵位。茶客嘅平均年齡偏高，令我感覺自己都年輕咗，真係好笑！揾位嘅時候，我同老婆發現咗一個靚位，正對住電視機，啱啱好想坐低嘅時候，突然間有位阿姨侍應出現，態度有啲唔友善，話呢張枱已經留咗位。雖然有啲唔開心，只好選擇坐喺第二張枱。希望下次阿姨可以友善啲。食物方面，我哋叫咗5個點心：蝦餃、點心拼盤、炒米粉、茄子釀魚肉同埋排骨飯。其中有兩份係孖寶餐，另外一份係散叫，埋單約140元。味道方面都算係OK，點心都係熱辣辣咁送上，已經好過很多酒樓了。總括來講，呢間酒樓主要係做街坊生意，味道普通但都過得去，如果唔係太在意服務質素嘅話，都值得嚟試吓。

唔可以用電話叫外賣打電話去服務員問，佢話要自己親自本人落去俾錢等外賣！咁就唔係叫可以電話叫！嗰個職員仲話冇一間酒樓可以咁樣，我話只係你呢間特別。唔係間間酒樓都係咁，咁樣好難與時並進！唔怪之同一達地方轉手咁多個老細！一年轉一次 做極都唔長