尚八日式燒肉店 (已結業)

好耐之前食既和牛放題，見到相先記得補返個食評記得當日係揀左最貴個放題套餐一坐低就會上左和牛拼盤先，每款都食啲，之後再慢慢叫自己中意食既部位和牛油脂分布平均，好有肉香，不過食太多會膩，一定要食下其他野中和下整體都非常滿意，食材都新鮮，絕對會有下次

刺身拼盤：新鮮嘅海鮮，令我食得好過癮。而且啲刺身都切得好薄，入口即溶，味道真係一絕。拼盤入面有好多種選擇，有鮪魚、三文魚、帶子同蝦仁等等。鮪魚鮮甜，三文魚滑嫩，帶子肉質鮮美，蝦仁彈牙有彈性。每一款都有佢獨特嘅風味，真係一次過滿足到唔同口味。而拼盤仲有配搭啲醬汁同芥末，可以加強啲刺身嘅味道。我特別鍾意薑蓉同醬油嘅組合，帶出啲海鮮嘅鮮味同甜味，真係好開胃。A4和牛：A4和牛真係一級棒！首先，佢哋提供嘅和牛質素真係頂級，肉質嫩滑，帶有脂肪嘅部分融化喺口，回味無窮。佢哋嘅炭火燒烤技巧亦都一流，將和牛烤得剛剛好，表面金黃香脆，內裡仍然保持咗嫩嫩嘅口感，一啖落去，肉汁四溢。

星期五,個女返半日,突然想起好耐冇食過燒肉, 就去尚八試下啦,好耐冇嚟過, 由於小朋友食量唔多,記得佢嘅豬肉和雞肉醃得唔錯,就試下最經濟88蚊定量放題套餐, 可以自選三款雞和豬, 再有其他嘢可以任叫任食任飲, 食足90分鐘, 其實真係隨時同茶記或者米線價錢差不多, 本人都算能放能收之人, 但見到啲好食嘅嘢今次都會食多少少, 頭盤食咗胡麻醬菠菜,好食好清新, 之後叫咗幾款牛舌料理, 有慢煮、鹽燒、咖哩、麻辣,都係好啱我嘅口味, 每碟大約有五、六粒, 份量適中 , 兩個人食啱啱好, 之後再叫啲牛油大菇、秋葵、青魚、魷魚、青口, 都ok唔錯, 叫隻溫泉蛋點下啲肉嚟食特別覺得香和滑, 就好似平日打邊爐嘅時候用生雞蛋點肥牛一樣, 之後係我最欣賞嘅炸物, 七味炸牛舌、炸蠔、炸春捲、炸雞軟骨餃子, 最鍾意係食佢嘅炸吉列蠔, 非常鬆脆, 夠大隻又香口, 處理得唔錯, 最後食埋甜品：燒菠蘿+雪條就感到好滿足, 其實咁多嘢食, 又有前菜、日式料理、沙律、炸物、燒肉(定量)、(蜆肉味噌湯、烏冬、冷麵 因為太飽所以食唔到)任飲任食埋單每人都唔使一百蚊, 我都諗唔到點解而家仲有咁抵 食燒肉店, imposs

尋日收工同同事食主打和牛放題嘅尚八日式燒肉店，120分鐘燒肉任飲任食分三個價位$338、$498、$888，$498以上套餐先提供A5和牛！我哋揀左A5和牛放題Set，原價$498，咁岩撞正平日二人同行，一人半價，非常抵食！套餐包括141種食物，其中包括和牛、海鮮、日本黑豚、雞肉、仲有好少見嘅內臟同送酒菜！☄️日本A5和牛拼盤（六品）🥩和牛三角🥩和牛胸腹🥩和牛前肩🥩和牛冧🥩和牛外腿🥩一口和牛和牛油脂分佈平均，食得出牛肉嘅鮮味得嚟又有入口即溶嘅感覺，絕對有A5級數！上菜時肉類已經完全解凍，處於適合燒肉嘅狀態，就算嗌多幾Round都保持到一貫水準，睇得出店家嘅用心。☄️岩鹽厚切牛舌調味適中，口感嫩滑。雖然比一般牛舌厚，但係食落一啲都唔韌，個人覺得比薄切更加好味。☄️玉子芝士明太子平時出街都好鍾意食玉子燒，估唔到放題任食都有得揀佢，仲要一啲都唔輸蝕比出面幾十蚊一份嘅水準。可能因為今次係平日嚟，所以人流比較少，油煙都少啲。店員服務周到，好快手收哂唔要嘅碟。如果你係食肉獸，對肉又好有要求，絕對推薦你嚟依間試下。放工同朋友聚餐啤一啤，簡直係一流！

我第一次打食評 因為見到呢間餐廳好高質但好少人呢到價錢比出面燒肉放題會貴少少 但品質同食物選擇真係好好多 所以性價比其實好高我食嚴選牛肉放題 雖然唔係A4和牛 但每件牛肉marbling都好靚 食落諗滑冇筋 最重要係佢解凍做得好好 冇一件牛拎上枱果刻係雪到冰哂 呢樣好重要 如果唔係會有雪味 燒出黎生熟程度都唔會準確另外 佢仲包埋海鮮 有蠔 帆立貝 全部都新鮮 前菜都好出色 好幫助到消除燒肉的油膩感希望呢篇食評幫到佢地 因為尋日星期六去見佢地都冇咩人食 我覺得呢間質素 性價比都比牛角好 希望多啲人去 令佢能繼續生存

尚八是一家日式放題烤肉餐廳，提供各种高品质的肉类和海鲜，以及各种沙律和小菜。在尚八，我品尝到各种高品质的肉类和海鲜，其中A5和牛非常肥美，入口即化，口感十分出色。不过，手羽虽然味道很好，但是不太新鲜，有些许遗憾。而海鲜则非常新鲜，包括新鲜的生蚝、扇贝、虾等等，口感鲜美，让人十分满意。除了高品质的肉类和海鲜之外，尚八还提供了各种沙律和小菜。这些沙律和小菜包括泡菜、豆腐、牛旁等等，非常适合搭配烤肉。总的来说，尚八的放題烤肉和其他菜品都非常美味，高品质的肉类和海鲜以及各种沙律和小菜让人印象深刻。店内的环境也非常舒适，服务也非常周到。如果你是烤肉爱好者或喜欢吃海鲜，尚八这家餐廳一定值得一试。

去尚八食和牛🐮🐮🤫🤫當日我生日 朋友請我食飯慶祝我哋食極上和牛嗰個 餐啲野食都正 🤤🤤🤤🤤和最正當然係和牛拼盤啦不過 我當日叫咗兩碟和牛拼盤 等到最後都冇嚟到其他嘢食都有出餐不過我自己已經好飽，所以就冇再叫啦 整體嚟講都OK嘅！不過就我覺得食最平嗰個基本餐，已經可以因為和牛比較油 食左又會肥😂😂😂為身體同荷包著想 兩小時放題，我食足兩小時 基本上想食嗰啲食物都可以食到晒鍾意食放題人士 推介👍🏻

每次諗唔到食咩，食燒肉就實無錯🔥所以今日想同大家介紹一間我同𝐌𝐑.𝐉都好鐘意食既一間日式放題燒肉店—尚八🫶🏻我諗我地直頭當左係飯堂一樣，呢到係有得揀食和牛，幾乎每款牛既部位都非常高質！入口即溶之外，仲食到啖啖牛味🥩除左和牛了色外，佢熟食亦唔遜色，尤其有個「蝦春卷」，簡直係我既至愛，每次其實都至少食8條🫢嫌唔夠飽？仲可以揀食紫菜拌飯或烏冬拉麵🍜包你捧住個肚咁走！😆🌟今次我地選擇—極上日本和牛放題💰早烏成人$768/位 (120mins)叫得極上，當然同普通套餐不一樣；除左和牛選用𝐀5之外，仲會有特別食材😉例如有「黑松露芝士和牛蟹蓋」、「花魚一夜干」、「香草羊架」等等，每樣都好有驚喜啊😋

岀名係食肉獸嘅我，呢排打邊爐打得太多，想試下第二樣，夜晚老死問我任食燒肉有冇興趣？聽到個肉字仲要任食之後我就答：行啦！呢間荃灣燒肉鋪叫尚八响百悦坊十二樓，一入去無視左手邊嘅野飲櫃，淨係想坐低狂食肉，同老死點左個和牛餐，如果係食肉狂呢度滿足到你，打邊爐專攻肥牛嘅我，來到呢到當然係專攻牛肉，仲要係和牛！可惜啤酒唔係任飲要另外收費自己叫，但買一送一，照飲可也！都冇計過同老死食咗幾多set和牛，掛住食連相都冇影，今餐燒肉實在比打邊爐飽得更多！推薦 👍👍👍

今日牙痕想食燒肉，對上一次已經係半年前，就去返對上一次果間荃灣楊屋道果間尚八燒肉放題開餐！去到發現餐牌唔同左，好在店員都解釋得清楚，之後快快趣落單醫下個胃先！飲品照舊都係幾多選擇冇乜變過，開頭先有個頭盤，叫做比你試下，當然唔夠喉，咁我同朋友都每樣都叫啲試下，岀餐速度算快，呢度除左肉類唔錯之外，炸物都好好食，經過個幾鐘頭搏殺，最後食返個雪糕咁就非常完美！而家仲要二人同行一人有半價，我地四個人去食相等於四個人收三個人價錢，即係話埋單差唔多原價八折咁制，超抵！但冇問個優惠幾時做完，計劃緊農暦新年前再同朋友去狂食過！！

尋日同朋友去荃灣尚八燒肉店食放題，因為之前食過佢地既午市放題都唔錯，所以就想試下佢地既晚市燒肉放題，起初我地都一心諗住食最平既安格斯燒肉放題，不過坐底後店員話而家有promotion 兩位有一位半價，咁我地四位就有一位免費，咁我地就諗住食好d，揀左A5和牛放題，開頭佢地會先比個和牛拼盤同刺身拼盤我地，之後就要用電話落單，睇落都幾多野食選擇，真心講佢地既和牛都幾好食(油脂分布好好），仲有一個叫牛肉刺身既都好好食，我覺得下次可以帶屋企人黎食，而且宜家仲有優惠做緊。

星期日晚人不多 ，大概坐滿了餐廳三份一人。叫了388+30(假日) 既放題。一坐左係24號台開始點餐，上了牛肉拼盤同刺身，開緊醬嘅時候忽然間有隻曱甴走咗出嚟嚇一嚇。叫職員過嚟處理一下，然後搬咗去33號卡位。正式開始用餐，個人覺得牛肋肉及牛胸腹既肉質比較好。叫左幾次黎食。菠蘿都好甜好好味。但蝦是霉的😩食到中途忽然間又有隻曱甴係枱面走出黎打招呼，e下毫無心理準備，嚇到標冷汗。又叫職員過黎處理，咁啱叫到同一個職員過嚟處理，我話第二次啦。。佢笑住同我講一句，你啲嘢食特別香。我唯有強顏歡笑無言以對。☺️經理走過坅左我張單話最多打個九折俾我，真係好好人！？ 🤗整體來講，間野食物唔錯，但衛生真係好差，影定相留證據，打住咁多先，宜家快啲食粒維他命C先，費事一陣肚屙作嘔。。。。

今日同朋友黎尚八食午餐，店員同我地介紹左有邊種放題後，我地就決定試100分鐘放題，首先店員會問我地要邊款頭盤(有日本豚肉或者美國安格斯牛肉選擇)，咁我地就揀左每款一個試下，兩款都唔錯，我覺得豚肉既肉眼豚幾好食，而牛肉就有個叫牛肉涮涮燒既幾好食(會有隻日本雞蛋比我燒好點蛋漿黎食，呢個好食），飲品就冇乜特別，佢會比個QR碼我地落單，任食既野都幾多選擇(慢煮牛舌，雞腿肉(和草汁)都幾好食，平日198再加一，下次都可以再食

今次食嘅係和牛燒肉放題，同一價錢嘅級數去比較，我個人中意多間多過過牛角！🥰價錢午市埋單2個人$700-800肉嘅質素對得起佢嘅價錢，而且唔會叫得多質素越差，數量都唔會少啲👍🏻👍🏻淨係睇相就已經睇到佢嘅油花分布，所以都唔多講！🥰而且食物嘅種類好多，頭盤包一盤刺身，質素一般，每樣一人一片。反而好驚喜有好多其他放題佢哋嘅食物！例如天婦羅、海鮮、同埋壽司。海鮮新鮮，蝦同蜆既質素好好，識落係鮮甜嘅，一啲都唔霉，蜆就偶爾會有一隻臭臭地，但其餘都係鮮甜。另外佢仲有飲品同雪糕，質素同普通放題一樣。不過我就唔太鍾意佢啲燒肉醬汁，味道怪怪地，同平時食開啲燒肉汁好似有啲唔同🥲呢一間嘅燒肉放題訂位嘅時候睇過，午市同晚市個價錢都差得好遠，如果想平啲嘅話不妨星期一至五嘅午市去😈😈

星期日中午去佐荃灣街市附近百悅坊的尚八食燒肉，見到午市任食最貴都係百幾蚊咋，不過假期要另加$30，個餐係有指定嘅份量，A級和牛都係一款兩片啫，如果要再食就要俾錢，我地加佐$48三片和牛，最主要係豬肉雞肉蔬菜飲品等等都入任食，真係好高性價比不過留意都係要量力而為，因為太多款式，我又樣樣都想試，搞到太飽有啲頂唔順.