影片
港铁荃湾西站 D 出口, 步行约8分钟
继续阅读
营业时间
星期一至五
11:30 - 22:00
星期六至日
11:30 - 00:00
公众假期前夕
11:30 - 00:00
以上资料只供参考，请与餐厅确认详情
好耐之前食既和牛放题，见到相先记得补返个食评记得当日系拣左最贵个放题套餐一坐低就会上左和牛拼盘先，每款都食啲，之后再慢慢叫自己中意食既部位和牛油脂分布平均，好有肉香，不过食太多会腻，一定要食下其他野中和下整体都非常满意，食材都新鲜，绝对会有下次
继续阅读
刺身拼盘：新鲜嘅海鲜，令我食得好过瘾。而且啲刺身都切得好薄，入口即溶，味道真系一绝。拼盘入面有好多种选择，有鲔鱼、三文鱼、带子同虾仁等等。鲔鱼鲜甜，三文鱼滑嫩，带子肉质鲜美，虾仁弹牙有弹性。每一款都有佢独特嘅风味，真系一次过满足到唔同口味。而拼盘仲有配搭啲酱汁同芥末，可以加强啲刺身嘅味道。我特别钟意姜蓉同酱油嘅组合，带出啲海鲜嘅鲜味同甜味，真系好开胃。A4和牛：A4和牛真系一级棒！首先，佢哋提供嘅和牛质素真系顶级，肉质嫩滑，带有脂肪嘅部分融化喺口，回味无穷。佢哋嘅炭火烧烤技巧亦都一流，将和牛烤得刚刚好，表面金黄香脆，内里仍然保持咗嫩嫩嘅口感，一啖落去，肉汁四溢。
继续阅读
星期五,个女返半日,突然想起好耐冇食过烧肉, 就去尚八试下啦,好耐冇嚟过, 由于小朋友食量唔多,记得佢嘅猪肉和鸡肉腌得唔错,就试下最经济88蚊定量放题套餐, 可以自选三款鸡和猪, 再有其他嘢可以任叫任食任饮, 食足90分钟, 其实真系随时同茶记或者米线价钱差不多, 本人都算能放能收之人, 但见到啲好食嘅嘢今次都会食多少少, 头盘食咗胡麻酱菠菜,好食好清新, 之后叫咗几款牛舌料理, 有慢煮、盐烧、咖哩、麻辣,都系好啱我嘅口味, 每碟大约有五、六粒, 份量适中 , 两个人食啱啱好, 之后再叫啲牛油大菇、秋葵、青鱼、鱿鱼、青口, 都ok唔错, 叫只温泉蛋点下啲肉嚟食特别觉得香和滑, 就好似平日打边炉嘅时候用生鸡蛋点肥牛一样, 之后系我最欣赏嘅炸物, 七味炸牛舌、炸蚝、炸春卷、炸鸡软骨饺子, 最钟意系食佢嘅炸吉列蚝, 非常松脆, 够大只又香口, 处理得唔错, 最后食埋甜品：烧菠萝+雪条就感到好满足, 其实咁多嘢食, 又有前菜、日式料理、沙律、炸物、烧肉(定量)、(蚬肉味噌汤、乌冬、冷面 因为太饱所以食唔到)任饮任食埋单每人都唔使一百蚊, 我都谂唔到点解而家仲有咁抵 食烧肉店, impossible, 相信好快会加价
继续阅读
寻日收工同同事食主打和牛放题嘅尚八日式烧肉店，120分钟烧肉任饮任食分三个价位$338、$498、$888，$498以上套餐先提供A5和牛！我哋拣左A5和牛放题Set，原价$498，咁岩撞正平日二人同行，一人半价，非常抵食！套餐包括141种食物，其中包括和牛、海鲜、日本黑豚、鸡肉、仲有好少见嘅内脏同送酒菜！☄️日本A5和牛拼盘（六品）🥩和牛三角🥩和牛胸腹🥩和牛前肩🥩和牛冧🥩和牛外腿🥩一口和牛和牛油脂分布平均，食得出牛肉嘅鲜味得嚟又有入口即溶嘅感觉，绝对有A5级数！上菜时肉类已经完全解冻，处于适合烧肉嘅状态，就算嗌多几Round都保持到一贯水准，睇得出店家嘅用心。☄️岩盐厚切牛舌调味适中，口感嫩滑。虽然比一般牛舌厚，但系食落一啲都唔韧，个人觉得比薄切更加好味。☄️玉子芝士明太子平时出街都好钟意食玉子烧，估唔到放题任食都有得拣佢，仲要一啲都唔输蚀比出面几十蚊一份嘅水准。可能因为今次系平日嚟，所以人流比较少，油烟都少啲。店员服务周到，好快手收哂唔要嘅碟。如果你系食肉兽，对肉又好有要求，绝对推荐你嚟依间试下。放工同朋友聚餐啤一啤，简直系一流！
继续阅读
我第一次打食评 因为见到呢间餐厅好高质但好少人呢到价钱比出面烧肉放题会贵少少 但品质同食物选择真系好好多 所以性价比其实好高我食严选牛肉放题 虽然唔系A4和牛 但每件牛肉marbling都好靓 食落谂滑冇筋 最重要系佢解冻做得好好 冇一件牛拎上枱果刻系雪到冰哂 呢样好重要 如果唔系会有雪味 烧出黎生熟程度都唔会准确另外 佢仲包埋海鲜 有蚝 帆立贝 全部都新鲜 前菜都好出色 好帮助到消除烧肉的油腻感希望呢篇食评帮到佢地 因为寻日星期六去见佢地都冇咩人食 我觉得呢间质素 性价比都比牛角好 希望多啲人去 令佢能继续生存
继续阅读