尚上下夏 - 養生雞煲火鍋 (已結業)

抓緊冬天的尾巴，趁有空與朋友去吃火鍋。在山林道找到了這間以懷舊香港作裝修為主題的火鍋店。原來有雞煲邊爐等很多不同的選擇，我們點了雞和龍蝦兩種湯底。煲蓋一揭開已經聞到香氣十足，令人期待。這裡的火鍋料是逐份計算的。我們點了安格斯牛肉。這並不是一般肥牛，吃下去十分軟滑，而且牛味濃郁，比很多火鍋店的牛都要好吃。另外手打丸拼盤有4款，當中豬肉丸最為好吃，不過因為都是手打的關係，所以吃下去都十分彈牙爽口。最令人期待當然是壓軸的海鮮船，雖然是二人份，但是份量款式都絕不欺場。海鮮也十分新鮮，沒有任何雪藏或腥味。是令一滿足的火鍋。

山林道除左酒吧多食肆都好多由其係火鍋店成日都經過一間尚上下夏見湯底好吸引好想試今日叫兩個湯底足料龍蝦湯養生藥膳煲個龍蝦湯好正呀！好鮮味 我飲唔停口個藥膳湯就黑色的好足料藥材味不過我個就鐘意龍蝦湯多D羊肉卷切得非常薄同平衡滾幾下就熟 唔會過老雙滑釀豆卜好彈牙豆卜又勁索汁我最欣賞都係牛脷切到好薄好工整好香牛味其實佢有好多料好特別我見到有個手打香蕉墨魚丸我諗味道會好特別我見人地個雞煲都好香好惹味下次要再黎試下個雞煲                                                                 

老公的食家朋友誠意推薦我們要試試尚上下夏的火鍋，特別要叫瑤柱群翅雞湯底，咁啱今晚有空，一於去食下啦我們六時多到達，一入門口，便感到濃濃的懷舊feel，很像回到兒時店舖般啊！侍應親切有禮，招待我們坐下後，便急急叫了個瑤柱群翅雞湯底先，跟著叫了原條桂花魚片、健康什菜籃、手打三色滑、出前一丁，飲品叫了一枝藍妹啤，及凍果粒蘋果汁。果然充滿驚喜，湯底真材實料火候夠，聽侍應介紹，是落足料煲足一個下午的，煲內見有群翅頭、雞、金華火腿、陳皮，瑤柱，食到最後真的連湯都飲埋呢食物質素非常高及新鮮，很有風味，招呼好，印象超like，下次一定會再來試埋雞煲啊調味架款式多，任君選擇室內設計很有懷舊風情群翅頭湯底好正，仲好大嚿架金華火腿煲雞湯最夾原條桂花魚肉質鮮嫩，很有魚味什菜籃新鮮款式多手打三色滑彈牙可口，各有特色習慣了每次打完邊爐，都要食番個丁丁麵粒粒都係果肉嚟架

今日黎左佐敦既呢間雞煲加養心打邊爐試試，七時半到已經見好多人。食左雞煲先，要左半隻雞，小辣。雞煲入面好足料，有蘿蔔，菜等等。雞煲小辣辣度剛剛好，而雞煲味有少少甜，幾特別。雞也好滑好好味。食完雞煲就打邊爐，我地要左藥膳養心湯，湯底甜甜地又帶有少少藥膳味，幾特別，可以一試。👍點了手切頂級安格斯，d牛肉肉質好好，花紋仲好靚，食過番尋味。另外也叫了脆肉鯇魚腩，好魚好新鮮，冇腥星，口感仲脆脆地，價錢也不貴。

上次一大班朋友食過幾好食，今次兩個人食住傾下計，半隻雞份量好好，有大量洋蔥同豬皮，小辣味道岩哂中意小小刺激又怕辣既女士們每次必點安格斯肥牛，牛味濃郁，拾幾秒放入口好正響鈴新鮮炸起，就甘放落未加水前既雞煲最惹味新鮮淮山👍鬼馬墨魚，店員較反轉拾佢一分鐘就食得鵝腸清潔得好乾淨，而且全部瘦身成功好fit食完雞煲可選擇加水或者湯，幾好整體好滿意，店員用心介紹食物須要如何加入及時間，令到你唔會因為唔知拾幾耐而影響食物最佳味道👍

一直都想食雞煲，一大班人終于約得成！上Openrice見到呢間食評同食物相都唔錯，所以一早book左位試試佢~大概等左15分鐘就安排座位比我地，一入到店內，環璄係好似一間室内既大排檔，係有少少打折扣。。服務員安排左最遠既座位比我地。之後我地先揀左飲品，加兩個唔同辣度既雞煲，再慢慢睇下有咩火鍋料想加單。原本以爲雞煲應該可以好快上枱，15至20分鐘應該都上到掛？等左45分鐘，定係一個鐘，經過無數次催促最後終于等到個雞煲，期間服務員一副愛理不理既態度，只係不停講整緊好多單、排緊，完全講唔到比我地知究竟幾時會上雞煲，最搞笑係上左一半火鍋配菜先送個雞煲黎。。。講返個雞煲係唔錯既，我中意無咁辣嗰款，雞肉嫩滑，豬皮、洋蔥都好入味。比較辣嗰款就真係太多辣椒，個辣味完全蓋過左d雞味，搞到豬皮都超級辣。不過大家都認同雞肉分量太少，平均每人食到3-4件，而且雞件亦比較細，食豬皮仲多過食雞！我地以極快既速度清曬個雞煲（一d飽既感覺都無），之後就落湯、其他配料打邊爐。叫左呢個鬼馬墨魚，係蝦膠釀油條，上面鋪滿蟹子，係既爽口彈牙既！雜菌類係我打邊爐比叫既配菜~其實仲叫左雪花牛、響鈴、芝士餃等等，所有配料價錢唔平，我

要係呢頭搵食，尤其係火鍋系列，真係相當頭痛，單係呢條街已經有好幾間有名火鍋店，今晚同友人去左呢間門口掛上最強鷄煲宣傳架大部份已經被訂枱，好彩仲有張空枱，室內裝飾走懷舊香港路線，玩味十足落單紙有齊鷄煲/火鍋湯底/火鍋食材/小食/飲品等，望落價錢都算合理價既然謂最強鷄煲，點可以唔會一會佢呢?!  呢度鷄煲，除左可以選辣度外，居然有得算要鷄比/鷄胸，歡喜啖啖肉的友人現出心心眼我地要左鷄比拼鷄胸，焗3-4分鐘就食得打開見到芫茜差唔多舖滿成個煲，正呀!濃香惹味醬汁與鷄件完美混合，仲有甜口洋蔥，少少娃娃菜，同埋索汁豬皮，材料夠晒足鷄胸肉煮完食落唔嚡喎，有驚喜呀，同鷄比肉一係混埋一D都唔輸蝕，麻辣中帶D甜味，愈食愈滋味!食完鷄煲，加$20可以轉新煲加自選湯底 (芫茜皮蛋湯)進行火鍋時間呢客鬼馬墨魚係呢度紅星，唔少人都會叫，其實即係墨魚滑釀係油炸鬼上，面頭再有蟹籽侍應話墨魚果面烚1分鐘就食得口感先有墨魚滑彈牙; 蟹籽脆卜卜; 油炸鬼索左湯變得腍身，好過癮喎!而好牛的我地叫埋呢客手切頂級安格斯 ($159/小)肉色頗靚仔，大細都OK，脂肪分佈尚算均勻，烚幾秒就食得，肉味偏濃，帶少少嚼口!友人歡喜食魚，特

今晚放工同同事諗住 打返個邊爐飲下酒，所謂人生一大樂事。去左尖沙咀呢間啦，間野入到去環境普普通通 大牌檔樣，連個廁所都大牌檔級，唔太乾淨咁。叫左d安格斯牛係ok既 但好似要300幾，份量一般。海鮮就可接受啦 但唔係話真係好新鮮，有d有沙，但就要408蚊2人份（唔多野）。其他行野就正正常常啦，偏貴。湯底仲要百幾蚊。講真呢個價錢黎講，環境同食物份量都唔太令人滿意。岩岩好飽的話你預人頭最少400蚊以上，個人認為不太值。

第一次到這店打邊爐。食材很新鮮，特別是手切牛肉，質量很好。招牌鬼馬墨魚是蝦膠釀油條，上面滿滿蟹子，口感很好。火鍋必食的墨丸及蝦丸，新鮮彈牙。服務員工作勤奮，笑容可嘉，值得一讚。會再來！

新年過後天氣一直都好暖，今日突然下大雨，變得相當清涼，晚上又剛好約左好姊妹食晚飯，本身諗唔到食咩嘅我地就決定食雞煲暖下個人啦。位於佐敦山林道嘅尚上夏下，裝修以香港懷舊冰室為主。兩個人叫唔到太多野，所以只能叫半份雞，食完雞煲之後再加湯打邊爐。醬料方面，呢度嘅款式都好多，不過由於雞煲湯底都已經好夠味，真係唔需要再點醬汁啦。雞我地叫左半份雞髀拼雞胸，辣度揀左小辣，喜歡食辣嘅我覺得辣度唔夠，下次可以試中辣。雞肉入口啖啖肉，食落唔會好攰，真係令人一件一件咁食過不停。雖然是日星期一豬皮可以無限添加，但係實在怕肥，唔敢食太多啦。食完雞煲之後我地就加湯打邊爐啦。我地揀左「足料龍蝦湯」，賣相呈橙色，倒入鍋時真係散發出陣陣香氣。配料我地揀左「皇帝菜」，「招牌頂級貢丸」，「美味三拼餃」，「稻庭烏冬」，同埋「鱈場蟹棒」。招牌頂級貢丸：呢味果然係佢地嘅招牌菜。入口不但爽口而且彈牙，唔錯。美味三拼餃：三拼餃分別係鮮蝦雲吞，韭菜豬肉餃及魚皮餃，全部都非常飽滿，餃皮夠薄之餘質感仲好紮實，味道唔錯，仲可以一次過滿足晒我地三個願望，每樣野可以食少少又唔洗分開叫三碟。鱈場蟹棒：呢份蟹棒真係帶俾我地驚喜，本身以為＄59 咁多

今日朋友生日。為了就她方便。係尖沙咀搵食。呢間係我朋友話想試。我就提意不如同街既老舖。斜對面那間。堅持下去都係去了尚夏。一去到最输蝕係地方，坐得比較迫。但是就不输給同街行家。價錢仲平些小。不錯不俗

今次要寫既食評係呢間位於尖沙嘴既火鍋，個人覺得主要係食雞煲，因爲套餐太貴唔抵食，除非你好大食，如果一般就會建議散嗌。個人覺得地方同食物都乾淨，但呢度環境個人覺得麻麻地，d位放得有d迫，不過有籃可以放野。今次同朋友叫左個BB辣既煲，但黎到個煲係幾辣下，利申個人食得辣，但朋友都唔食得，佢地話可以食少少，但果個煲應該超出可接受範圍，搞到勁尷尬，下次如果有唔食得辣既朋友一定一定要叫走辣。同朋友叫左個四寶丸，我覺得幾好既，但太辣同有D貴全程食得唔太滿意。

今晚天氣突然轉凍，加上有深圳既朋友圍黎一齊食飯，所以我地就帶佢地去試下香港既火鍋啦！我地係第二次黎尚上下夏，覺得呢度既肉都幾新鮮，湯度既選擇都唔少。我地今次都係叫鴛鴦鍋，分別係養生藥膳湯同麻辣湯。麻辣湯都幾辣🌶，但係同大陸既麻辣鍋比係唔同既風味，呢個只係得個辣字，唔太有麻辣既感覺。至於藥膳鍋就相當足料，藥材都喺曬湯底入面，味道都好濃，但係唔鍾意藥材味既你就可能會覺得有少少苦😶肉方面我地就叫左牛肉同黑豚豬肉，牛肉都唔錯，油花分佈黎睇雖然唔算好頂級，但係都係高級既牛肉。黑豚肉係有驚喜既，幾新鮮，厚度都剛好，太厚又難熟會鞋口，太薄又唔夠入味。另外，我地仲叫左四寶丸，鯇魚腩同魚皮餃。鯇魚腩都新鮮，但係就似乎唔太配呢兩個湯底，藥膳湯會太苦而麻辣湯又太辣🙈四個人埋單約千二蚊，比起大陸係貴好多既，深圳既朋友都表示大陸火鍋性價比高好多，又抵食🤔我就覺得呢度其實唔差，當然香港價格係同大陸唔可以相提並論，但係肉又新鮮，都值得一試既👍🏼

前晚同老公2個人去睇劉德華演唱會，打算係附近吃飯,一心想吃雞煲所以openrice搵到呢間試下。一入到去，全部懷舊香港冰室的裝修，其實沒有關係，風格黎姐，幾特別啦！坐膠凳，不過好貼心地下有個膠箱比客人放外套和手袋！因為時間有限所以我同老公只叫了一個雞煲+2碗白飯。雞煲味道不錯，我老公都是做飲食他都讚個味道不錯，是偏甜的，我們一致認為小辣都好辣。我地叫的是雞腿肉無骨的，所以好好送飯。醬料的蒜蓉都好好味，又是甜甜的，因為雞辣所以我沾蒜蓉吃，很不錯！埋單黎料，隱藏式收費檯面杯茶$12/位，我地一啖都無飲過亦完全唔知有茶介，酒樓咩！人地收得茶介都好心你連水壺擺落檯啦！再黎！白飯$22/碗，加埋一$24，我真係真心覺得你收唔起呢個價囉，餐牌係完全無標價錢，感覺實實在在係‘落踏’！！！當時7點入坐，吃左半個鐘都係全場加埋我一共4張檯，而且內地人多，斷估咁貴應該係想做旅客生意。雖然雞煲出色，但呢個環境呢個貴價，我個人不會再來！服務員亦無招呼，睇得出無咩耐性和禮貌，完。

為同朋友慶祝生日, 因為上次BOOK 唔到呢間, 今次終於BOOK 到我地本身知道呢到食完雞煲後, 係就咁加湯黎打邊爐, 實在太油, 所以我地決定要鴛鴦煲, 一半雞一半湯雞煲, 有得只揀雞髀肉, 感覺唔錯, 可以食到啖啖肉, 雞煲醬汁幾惹味可惜除左雞煲外, 其他野都普通或唔合格手切頂級安格斯(大), 賣相麻麻, 油花少, 有四分一係脂肪多過肉, 入口一D 牛味都無, 仲衰過自己去街市超市買, 同之前睇相人地叫既安格斯完全唔同樣, 來貨應該唔同左正常叫雞煲都可以多/少/走配菜, 我地想要多洋蔥, 侍應話要另加錢, 多洋蔥要$38黑柏葉, $88 先得個5-6 塊, 侍應話淥5-8 秒, 無論我跟足指示, 或淥多/少幾秒, 食落都好韌好韌好韌, 只怪自己叫錯野另外叫左一盤雜菇, 一碟三色餃, 正常水準食食下唔知食左幾耐, 大約個幾鐘到, 我地都未食完, 侍應話因為限時, 叫我地埋單先我真係火都黎, 我BOOK 枱時都無同我講過係限時, 當日餐廳打黎同我confirm 亦無講係限時, 如果我一早知係限時, 我就唔BOOK 呢間啦, 叫埋野飲, 兩個人埋單成千蚊, 食材又唔係好好食，以後真係唔