尚上下夏 - 養生雞煲火鍋 (已結業)

本身我哋一入嚟就想直奔主題，揀料打邊爐，點知有位廚師叫我哋唔使咁心急，食咗雞煲先，話雞煲好正，食完先再打邊爐都未遲，講到咁堅，令到我地改變主意，食咗雞煲先🤣雞煲 - 雞脾肉 (半份) $168可以揀辣度，驚越滾越辣嘅我哋，叫咗走辣🤣 但並唔影響佢嘅惹味！入面有好多香料同醬汁，甜甜地咸咸地，雞髀肉肉質鮮嫩，啖啖肉，一啲都唔鞋，豬皮又入晒味，大推！😍👍🏻👍🏻👍🏻瑤柱群翅雞湯 $49大大舊翅，但記得唔好浸咁耐，因為佢會散哂🤣手切頂級安格斯(半份) $175牛味幾濃，就算唔點醬都好夠味，油脂分佈平均，都算厚切，啲紋理好靚😍 半份都夠兩個人食美味三拼餃 (半份) $43鮮蝦雲吞、韭菜豬肉餃、魚皮餃各2粒，粒粒都皮薄餡靚，每款啲餡都好足，味道都唔錯蝦膠釀鮮冬菇 (半份) $45將蝦滑釀入冬菇，呢個配搭幾新鮮，蝦膠又彈牙，冬菇味又幾重，唔錯鱈場蟹棒 (半份) $38味道正正常常，半份都有8條，加埋個湯底嘅味道，吸哂湯啲精華，惹味🥰午餐肉 (半份) $31打邊爐必備，細細塊，厚切，一啖一塊，食落先夠爽👍🏻竹蔗茅根 $58打邊爐就梗係要滋潤下個喉嚨，竹蔗茅根大大支，喺雪櫃拎出嚟又夠晒冰凍，清熱解渴，味道

天氣開始轉涼，是食火鍋嘅季節了。經朋友推介，今晚我地去左位於尖沙咀山林道23號地下的尚上下夏火鍋。🍒環境:店舖牆身畫有好多隻貓貓🐱，有佢地陪住我哋一起打邊爐，食雞煲🤣。四腳摺枱，gas爐，膠櫈，餐廳走懷舊港風大排檔feel，有兩部大電視，喜歡睇世界杯嘅朋友可一邊睇球賽，一邊打邊爐，店員招呼殷勤。🍒食物:1 雞煲半份$178(有雞，雞脾，雞胸，辣度🌶選擇)我揀了雞胸肉不辣， 雞煲上面鋪滿了芫茜， 當滾起後，濃濃的花椒麻香撲鼻而來，加上豬皮，洋蔥🧅等配菜，拌上肉質嫩滑，咬落啖啖肉的雞件，非常惹味。2 清香皮蛋芫茜湯$393 脆肉鯇魚片半份$484 皇帝菜🥬$495 手打墨魚滑👍$50鲜甜彈牙🥰6 鬼馬墨魚👍$38好有心機整，釀左D墨魚滑和蟹子在油炸鬼上，在湯底焯一分鐘，撈上來D吞冇甩掉，好好味啊😍🤩7 帶子皇(6件)👍$113好大隻，一開二，鲜甜，抵食呀😋8 日本手工黑啤🥃👍$36好香麥味，有點回甘温馨提示: 醬料需另外收費，每位$12。 如果覺得湯底已好夠味，唔需要醬料，入座前可以預先跟店員講😃仲有好多特色食物，但可惜只有一個肚皮，下次再嚟過。餐廳將會推出尚夢飲食集團會員app，有好多迎

又黎到山林道搵好野食既地方，朋友帶我食好野揀左間打邊爐，尚上下夏，裝修乾淨，有波睇有酒飲仲有室外食煙位，趁住而家世界杯，感受一下世界杯既好地方。牆上有d卡通貓貓狗狗既壁畫，幾得意。一坐埋位就已經準備好調味料，除左基本野，葱、椒、蒜外仲有花生醬，正。值得一讚，調味料瓶保存得非常乾淨，唔會油淋淋嘅感覺。雞煲（半隻雞） $168雞煲必定要試，有得揀要雞脾、雞胸、不過半隻就乜都有，唔使諗。雞煲揀咗小辣，有花椒八角芫茜蔥香料，非常惹味，職員好有禮貌，上雞煲時提醒我哋小心熱， 主動幫我哋撈勻啲材料， 又會定時定候幫我哋調火候。手切頂級安格斯$175 ， 起雙飛既切法，刀工非常勁，左右兩片厚薄一樣，淥一淥就食得。牛味濃，少少既雪花，安格斯未致於會入口即溶，但肉質滑加滲出陣陣牛味，$175值回票價，下次黎值得試再貴一階既牛肉。招牌手打四寶丸$60四寶丸有墨魚丸、雞丸、蝦丸、豬丸，全部都係手打自家製，雞肉丸夠特別，唔係好多地方要，好好食！墨魚丸蝦丸新鮮彈牙。 每一粒都好似乒乓波咁大。珊瑚蚌拼桂花蚌$133個人比較喜歡珊瑚蚌，顏色鮮豔吸引，淥一淥就會捲起咗，爽口鮮味有咬口。桂花蛙都唔錯，有得揀要揀雙併，乜

If you like chicken 🐔 pot, this is the best place to have it. The chicken is well seasoned and tender. I really like it very The chicken soup hot pot is really nice. The soup is well cooked and the flavour is really delicious. I particularly like the freshly made deep fried bean curd crust which is really nice and huge. The beef is good as well.

今日去到收銀好似唔想講野咁態度亦好寸唔想做生意咁，問佢坐邊不停指指共，但又唔係個度。同埋講果碟3百幾蚊既肥牛好似牛肉絲咁一放落水變成牛絲碎晒仲要係塊塊都係咁真幾好野，之後同收銀個果反影番，我哋無諗住換亦無諗住食完唔比錢，佢話我哋唔一開始講，好似講到我地呃飲呃食咁，我哋只係反映何必咁態度好趕走啲客不過我哋都冇諗住再返去冇下次。感覺唔好受真心好受氣唔會再去食。食物又麻麻唔值咁既價錢。雞煲太甜，食物質素差，員工態度差。。

天氣涼涼地最啱打邊爐但平時帶埋狗狗出街可以選擇嘅地方真係唔多難得呢間餐廳係以半露天形式可以帶埋狗狗一齊打邊爐食雞煲——————————————-兩個人叫個二人餐啱啱好有雞有湯底打邊爐有肉有海鮮有菜有嘢飲睇吓幾豐富🐶：望到我都流晒口水雞煲揀咗雞髀肉啖啖肉一條骨都冇啱晒懶得拆骨嘅人小辣味道唔算好辣入面仲有豬皮，味道都唔錯食完之後再打邊爐揀咗三色滑蝦米蟹籽同埋瑤柱各有特色同樣好味牛肉望牛花都覺得唔錯唔算太肥但牛肉味濃聖子鮮甜新鮮一人一條啱啱好雜菇有少少嚇親估唔到可以咁大兜冬菇草菇蟹菇金菇樣樣有齊滿足晒鍾意食菇嘅人嘅願望響鈴新鮮炸上碟嘅時候仲要熱辣辣脆卜卜誠意推介食完菜再加一個薯粉朔晒湯底非常滿足值得一讚就係店主仲煮咗雞胸俾狗狗食難得香港有間咁pet friendly餐廳大人同狗狗都有得食絕對推介俾大家

男友係好鐘意食海鮮🤭今次火鍋就唔食肉肉啦～揀咗呢個海鮮火鍋套餐！海龍王拼盤 半份 $488當中包括八種海鮮😆我自己最鍾意係帶子😆好大粒好鮮甜！另外有珊瑚蚌同桂花蚌 好少食海鮮的我 都係第一次試🙌珊瑚蚌口感比爽口桂花蚌食落口感同花膠極為相似～蟶子同埋虎蝦足足有一隻手掌🖐️咁長最後仲有鮑魚，花膠同花甲我哋揀咗鴛鴦湯底瑤柱群翅雞湯 $55養生藥膳湯 $55我哋都係鍾意雞湯😝好足料！除咗有滑雞 仲有翅 瑤柱 同埋火腿 忍唔住打邊爐之前都飲咗一大碗😳藥膳湯底比起平時嘅濃郁10倍！有點甘四味feel🤣入面有好多中藥藥材 我都唔知 但係見到有蟲草花同埋杞子加咗個小食鬼馬墨魚 $38就係油炸鬼上面有墨魚滑如果炸熟埋會更香脆 醬油費 $13/位加一服務費尚上下夏 - 養生雞煲火鍋 (尖沙咀)尖沙咀山林道23號地下

天氣涼左，又係打邊爐既時候啦～～今日就去左位於尖沙咀既火鍋店，叫尚上下夏-養生雞煲火鍋。湯底方面我地叫左瑤柱群翅湯同埋養生藥膳湯。特別推介瑤柱群翅湯，因為好足料！食材方面我地點左兩個，第一個係海龍王拼盤，第二個係特式推介-鬼馬墨魚。海龍王拼盤即係海鮮拼盤，有珊瑚蚌、新鮮鮑魚、大虎蝦、桂花蚌、蟶子皇、花膠桶，帶子皇同埋花畀皇。當中我特別鍾意食珊瑚蚌同埋桂花蚌，因為真係好爽口同埋好有鮮味！另外個鬼馬墨魚即係油炸鬼加墨魚滑，成個感覺好新鮮，同瑤柱群翅湯湯底好夾。

ig 見到依間超寵物友善嘅雞煲水準d 人都話唔錯緊係要帶主子黎試試佢坐得舒服，超多空間主子睇menu睇到入哂神唔想煩嘅我地直接叫set三色滑足料有蝦，有雞聖子，超新鮮。又大隻雜菇籃個份量有d 驚嚇食極都仲有咩菇都有咁制薯粉正常，索味同飽肚自家招牌響鈴熱住咁上，又脆索哂d 雞煲湯最後主角雞煲可以揀雞胸，雞腿，全雞比唔想食骨or 又想健康啡朋友多一個選擇我地揀左雞腿真係冇骨，同份量超多辛辣水平都算正常小辣我地頂到 最後主子同食物相店長仲親自煮雞肉比小柴食

呢間火鍋店真係好有以前香港大排檔嘅風味啊！坐入去發現佢哋用緊嘅係Gas爐而唔係電磁爐，而且張枱都係喺大排檔嗰種風格！坐低佢哋俾咗一碗水，我仲諗碗水攞嚟做咩嘅於是我問店員，店員同我講攞嚟洗碗嘅，果然真係程序都要跟足大排檔呀！聽講呢度雞煲都幾出名㗎，見到Menu仲可以揀部位真係啱晒我呢啲唔識得食骨嘅人啊！我哋揀咗半份雞胸肉雞煲，估唔到半份上到嚟個份量真係好多啊，最爽係件件都係啖啖肉，而且肉質都幾彈牙！雞煲入邊總會有啲豬皮㗎，如果唔識可以同店員講。其實食完個雞煲都開始有啲飽肚㗎啦，始終真係真材實料！下次再嚟真係想食佢個雞煲再配個白飯，諗起都覺得正，哈哈哈！食完個雞煲可以加湯就打邊爐㗎啦，我哋都叫咗幾款配料！手打四寶丸十分推薦，食得出啲丸真係人手打出嚟嘅，特別彈牙而且肉質十分結實，仲有有四種口味（墨魚丸、雞丸、蝦丸、豬肉丸）。牛肉係打邊爐必點，手切頂級安格斯牛十分嫩口，入口即溶，輕輕一滾就食得，正阿！而且半份嘅份量好夠兩個人食！我哋仲叫咗個鬼馬墨魚，就係墨魚滑釀油炸鬼，呢個口感都幾特別！墨魚滑彈牙，油炸鬼脆口，當放落啲湯嗰度滾一滾會吸晒湯底嘅精華喺油炸鬼度！總括來講，我一定會因為個雞煲而二訪㗎

隱藏在鬧市中的火鍋店，十分夠風味和美味。門面幾有以前舊香港的風味，入到去有個籃可以放隨身物品。我地先選了雞煲，點了中辣，店家已經提醒我們中辣是十分之辣，但我自認都幾食得辣，所以話Ok照去，中辣確實是有點挑戰，但真系幾惹味，鍾意食辣嘅朋友可以去嘗試下！一般人去點普通或者小辣便已很足夠！呢度既雞煲是我覺得我食過最好食的，是必選之作，而且可以比你選擇雞胸或雞腿肉或混搭，雞塊也十分之多，十分抵食好味。食完雞煲後我們點了龍蝦湯底，倒進去打邊爐，龍蝦湯底是他們的皇牌之一，幾鮮味，打邊爐一流！我們點了他的手工自家製炸響鈴，十分脆口和好食，浸在湯裏十分吸味，吸收湯的精華，正阿！總括嚟講,十分高質，價比性高，值得再去！

天氣轉凍又落雨，原本訂咗去沙田食乳鴿，結果改去尖沙咀打邊爐，暖笠笠仲滋味啦👍試吓奶茜湯底幾得意，不過味道偏甜，始終都係喜歡傳統多啲！食物質素唔錯，啲丸好大粒又彈牙，餃子鮮味，牛肉都幾好，牛胸爽就偏靭咗啲，自家製響鈴超級好味。小食有皮蛋薑夠辣好好味，但鴨舌份量就少咗啲！最驚喜係隔離枱叫咗盤香菇但太飽，於是送咗俾我哋食，哈哈！整體唔錯，服務質素幾好，我哋因為帶咗狗仔，所以坐咗一間間房裏邊，有種自成一閣嘅感覺，坐得舒服！

《尚上下夏 - 養生雞煲火鍋》依架連雞煲火鍋都係寵物友善🤩‼️好多時Pet Friendly嘅餐廳都係cafe多，依架又有多一個選擇去帶主子出街街啦🐶💖餐廳仲有對毛孩超好🥹👍仲會烚雞肉俾主子食🫶雞煲未到，主子🐶已經有雞肉食🤣---雞煲 雞脾拼雞胸(半份$178)竟然仲可以揀雞部位🤩呢個組合簡直無得輸成個雞煲一條骨都無😈啖啖肉而且每一件仲好大件雞肉嫩滑，配有豬皮 豬皮吸曬雞煲汁 好入味雞煲味道 咸中帶甜，好香麻辣味😍178蚊完全吾系hea您，抵食 開心麻辣激動蕃茄湯 ($39)食完雞煲就打邊爐啦緊係🙊但我地揀呢個湯有啲失望味道好淡，吾係好食到蕃茄味，一個普通辣嘅蕃茄湯但係好欣賞呢一間舖頭 打邊爐嘅時候會重新比過一部新嘅湯你😆可能食返佢啲招牌湯會好食啲🥹 牛魔王拼盤($498)雖然蕃茄湯衰咗，但係佢打邊爐嘅配料真係要讚😎呢個牛魔王入面有：牛白肉，牛脷，黑柏葉，牛㧕粒，安格斯，靚牛皇基本叫呢一個就 已經可以試到晒咁多款牛😂全部牛肉都新鮮，肥瘦平均，肉質吾鞋😆 生劏白鱔片 (例$108)呢個好抵食😍黐線平時出邊嗌70幾蚊幾塊仲要薄薄一片，呢到每一件都大大塊，而且仲好厚🥺💖愛了新鮮無腥味

🔹️尚上下夏 - 養生雞煲火鍋🔹️環境裝修充滿懷舊地道風味，牆壁上有各款色彩繽紛既小貓圖案壁畫，看到就會自然感到歡樂，有一句寫住《尚上下夏，笑笑哈哈》，希望大家都記得要笑呀😁😁😁半隻雞 ($168)雞既部位選擇都多，可以揀半隻雞、淨雞胸、淨雞腿、雞胸拼雞腿，有別於我地以往雞既選擇，都幾特別，岩晒一啲喜歡食個別部位既人。而我同朋友揀左半隻雞，乜都有唔洗爭食😊雞煲上到台，見到滿滿既芫荽，作為芫荽控既我未食先流口水，而職員又好貼心留意雞煲，定時幫我地調教火爐，以免材料會痴底👍瑤柱群翅雞湯 ($49)食完雞煲就會加上湯，湯底我地揀左瑤柱群翅雞湯，雞煲配雞湯係最夾既選擇手切頂級安格斯(小) ($175)每片都切得厚薄均衡，油花分佈平均，幼嫩中帶少許咬口，而且幾重牛味，半份都夠兩個人分享什菜籃 ($79)朋友都認為打邊爐又點少得叫啲綠色蔬菜呢😂菜籃大部分菜款都有，有娃娃菜、白菜、菜心、皇帝菜、粟米瑤柱墨魚滑 ($52)墨魚滑爽口彈牙幾有咬口，味道夠鮮雙重芝心丸 ($30)午餐肉 ($31)稻庭烏冬 ($49)竹蔗矛根 ($58)清甜解膩既飲品，而且大大支好適合一班人分享☺️但我一個人都可以飲晒成支

入秋涼涼地，朋友話帶我去打邊爐，呢間佢之前試過唔錯，為食既我當然跟住佢一齊去食好西🤤小店牆上壁畫好鮮豔吸睛，成幅牆都係，夠晒IGABLE😆摺枱、膠櫈、gas爐、格仔地磚，夠晒懷舊地道，而且職員態度主動友善，仲會同食客傾兩句，係度食野會食到人情味☺️雞半隻$168（少辣）雞肉幾滑，有好多芫茜、洋蔥、指天椒，食落香辣，辣中帶少少甜中和返，味道唔錯，會有追食既意欲。唔食得辣既朋友仔建議叫BB辣，因為友人唔太食得辣，挑戰小辣但食到不停飲野😅瑤柱群翅雞湯$49食晒雞件就可以叫職員加湯，由於雞湯撈埋左雞煲汁，試唔到原味，但淥完既食物唔點醬汁都好夠味😋手切頂級安格斯（小）牛肉幾新鮮，厚薄適中，大部分油脂分佈平均，少量油脂集中係同一部分，不過食上來幾香牛肉味😋亦唔覺太肥膩，唔錯。午餐肉$31（半份）什菜籃$79蔬菜都算新鮮，有娃娃菜，白菜，粟米、皇帝菜。瑤柱墨魚滑$52（半份）幾新鮮彈牙😋上面加左瑤柱，建議先拌勻再淥無咁易散。雙重芝心丸$30（半份）一咬就爆芝士漿，記得唔好心急，攤一陣先好食😅唔係就會好似友人咁辣親咀仔。稻庭烏冬$49烏冬吸晒湯汁，幾惹味🤤不過最後落，食上來會再辣少少，可能因為配料滾得耐