삼삼뼈국

营业中

休息中

三三骨肉係尖沙咀韓國菜新寵，人氣極高，主打薯仔脊骨湯和韓式烤肉。餐廳以創新menu、打卡風裝潢，吸引唔少韓食迷。最受歡迎係招牌辣味薯仔脊骨湯，湯底濃郁，帶微辣但辣中帶甜，脊骨肉質軟腍，分量十足，薯仔亦吸晒湯汁精華，勁好味呀，而且可以加刀削麵、拉麵、白飯等同湯底一齊食，建議必試刀削麵，彈牙又足料。好食到忍唔住我要送啤酒一齊食呀泡菜、蘿蔔等小食可以免費追加，配搭烤肉更加惹味。餐廳環境乾淨，座位闊落唔焗促。唯一小缺點係價錢中價同晚市通常要排隊，但整體水準正宗，適合三五知己聚會食飯。如果想試正宗又新派韓國脊骨湯，三三骨肉絕對值得一試👍🏻。整體我會比90分💙

之前係韓國食左間祖傳三代馬鈴薯排骨湯，隔左幾個月係香港又想食，搵到類似既過江龍🫣週末夜晚要等位，本身見佔地大座位多，以為八張檯好快，點知最後都成個幾鐘😳▪️清湯土豆脊骨湯 + 拉麵💲360（2人） + 20小菜有醃泡菜同蘿蔔🫜排骨輕易做到骨肉分離，肉質軟腍，唔會話乾柴，兩大舊薯仔夠綿密粉糯，本身跟左金菇菜同西洋菜，仲可以揀多一款配菜，要左娃娃菜，利申唔特別鍾意紫蘇葉，所以呢到無反而更合我口味，個湯底呈奶白色，陣豬骨味香濃，額外加拉麵幾夾，不過一直加湯既話，尾段會有少少鹹，下次有機會想試下辣味加炒飯同埋燒肉🫢🔎 整體評分（8/10）

呢頭出名多地道韓國餐廳，同朋友黎試下呢間打卡脊骨鍋+韓燒～一場黎到，一定係嗌招牌土豆脊骨湯啦！得兩個人食唔到咁多，就冇嗌韓燒，但見隔黎枱個啲都好靚。首先坐低會上泡菜+蘿蔔，都係無限添加嘅。 電腦自己點餐好快上菜啦！個樣真係冇得輸！大大鍋！又香～一節脊骨有好多肉🤤燉得超淋好滋味！湯底講真就冇特別風味嘅😂味道係ok但唔算特色但有啲啲太辣😂食到最後好濃要過過水但幾辣都忍唔住加菜，吸曬啲汁超級過癮！平日去唔洗排隊，亦冇限時，但職員話週末就會限時。職員服務都ok，請佢哋refill泡菜同加湯加水個啲都及時。整體來講朋友聚會傾計都可以一試。

平日放工無聊一揀，揀中一間旺角鬧中帶靜嘅人氣韓國店，店內選擇不多，一係烤肉一係湯，我哋就叫咗一個湯，發現兩個人食份量可能會有啲多，但食落都唔錯嘅。空間闊落，交通方便，地理位置來說，都非常之方便，一班人聚會嘅話值得一試。

#有驚喜韓國菜之前喺韓國食過一次薯仔排骨湯，但個陣覺得紫蘇粉味太重，唔係好食得慣。所以今次想睇下香港嘅版本會唔會唔同。#辣味薯仔排骨湯今次試完發現，佢哋真係有根據香港人口味調整過，紫蘇葉味冇咁出，反而味道更加好食！薯仔同埋排骨炆到好腍好入味，份量都幾大。食完有種好似返咗韓國嘅感覺，真係大推！不過小辣應該已經夠，因為個湯底會越煮越辣。#總結SamSam 嘅辣味薯仔排骨湯真係幾正，完全超越我之前喺韓國食嘅版本，當你好掛住韓國嘅味道，就可以去食下！

跟朋友相聚，去了瓊華中心裡專食韓國 豬脊骨湯 的地方。 經常從網上看到 這裏有人專門為 客人燒烤 的確想親身感受一下不用自己動手 的感覺。跟朋友點了一盒醋炸餃子(泡菜), 燒肉和 刀削麵， 味道滿分， 餃子微 辣辣。 但 絞肉十分多，吃過以後連燒肉也吃不了。有人幫手燒肉 泡菜任添，超好。無奈價錢少貴

4.5/5⭐️ 韓式脊骨湯專門店 金巴利道55號地下A舖（近金巴利街轉角）🍲 必食推薦🔥 辣味三三脊骨湯（中辣）- 脊骨煮到 一夾就離骨，肉質超軟嫩 - 薯仔吸晒湯汁精華，綿密入味到停唔到口 - 湯底辣中帶甜🥬 前菜泡菜- 新鮮脆口，甜辣平衡，唔會死鹹 - 可以免費續加！💡 等位攻略 - 18:30前：通常直接入座 - 18:30後：平均等 20-40分（週末更耐） 👨👩👧👦 用餐體驗- 環境乾淨唔油膩，枱與枱間隔夠闊 📝 食後感「湯底濃郁！比起其他韓式餐廳，呢度嘅泡菜同湯底都冇咁鹹，更合香港人口味～」

金馬倫道好多韓國餐廳選擇，本身諗住食對面嗰間，但係好多蚊滋見呢間咁多人排隊就入咗去，果然不負眾望幾好食。叫咗個土豆脊骨湯鍋，先食晒啲肉，最後加埋個泡菜飯落去炒，好味！小食都唔錯，叫咗蛋煎豚肉（推介），炸餃子同豚肉冷麵，整體份量都算幾大～酒類選擇都多，我哋就揀咗米酒～

叫咗個燒肉同排骨湯食個排骨湯幾好飲👍🏻 加麵一流服務都正常~一開頭見到碟泡菜有蚊飛入去都肯幫我地換。燒肉就係店員幫你燒埋，不過店員可能唔太熟手，對於生熟食物處理有待改善。因為上一秒夾完生豬肉落塊版燒，下一秒就用同一個夾，夾啲熟肉/熟蔬菜落隻熟食架同碟到😲🫨雖然我哋之後有趁個店員走開咗之後，放返啲蔬菜入去再燒下😐唔知係咪因為咁5個人入面，有3個人食完都有唔同程度嘅肚痾🫠🥲之後有同店舖反映，店舖承諾會加強員工衛生意識，所以態度良好👍🏻如果有改善會再去試~~

有啲掛住韓國嘢食 心思思諗住食個薯仔排骨湯見到啲人話삼삼뼈국係過江龍 仲要開多咗間旺角分店諗住應該幾正就特登book位試試佢講真 服務真係唔錯嘅 有禮貌又會幫手燒肉不過啲嘢食就…😅叫咗個辣味薯仔排骨湯2人份量都已經夠3個人食 有4-5舊骨不過薯仔就得兩舊仔 佢可以追加薯仔我估佢預你自己再追加薯仔掛不過佢個味就完全唔同我喺韓國食嘅味同埋個鍋嚟到之後千祈唔好急！因為啲肉同薯仔係一啲都唔夠入味記得煲返咁上下先開始食之後再叫咗個2人份燒肉(豬)有staff會幫手燒肉 完全唔洗自己郁手(呢樣加分👍🏻)不過啲肉就…又係無咩味 好普通嘅肉之前韓國食嘅豬肉唔醃都好有肉味 好好食咁我估呢度就唔係韓國嚟嘅肉 有一樣好重要嘅就係 全程無小菜!!!韓國餐廳有小菜應該係正常🤔 泡菜點都要有掛無啊 全程都無 呢下真係大大減分不過臨走有見到有幾枱 枱面有碟泡菜蘿蔔同切片泡菜 但又唔係枱枱都有咁我唔知係要叫佢攞 定要叫咩嘢食先有不過正常嘅話 應該會係嚟到叫咗嘢食就上🤔無了解到啦 食完就走整體嚟講 唔會再嚟 我諗後面韓國街搵間舖仔會會好食啲

之前同朋友經過見到好多人排隊，朋友話係好出名嘅‘’過江龍‘’餐廳嚟！之後佢就聽同事講到好好食，於是乎就試下有幾好食先😅當日我哋6：30左右去到不用排隊，大概過多20分鐘左右就開始有人排隊，我哋點咗一個2人份量嘅鍋，再加1個麵，個鍋上枱果時睇落份量都好似好多咁，但實際上只係骨頭比較大，個人覺得肉質口感一般，最好味係個汁，酸酸甜甜幾好味！如果無沾汁嘅話我都好難食哂d肉，個麵口感都不錯係ok嘅！口味真係好個人，我同朋友都唔覺得特別好食，份量都不太夠2個人食，純粹骨頭偏大件顯得份量多而已，有時多人排隊嘅餐廳都唔等於啱食嘅！

尖沙咀超人氣土豆脊骨湯🥔🥘去咗幾次，每次都大排長龍，今日見人少少就即刻入去食！六點半都未到，就已經好full!!同朋友食咗一份清湯土豆脊骨鍋，份量超級大，滿滿嘅排骨、金菇同西洋菜，裏面嘅薯仔仲吸晒湯汁，燉到好淋！乳白色嘅脊骨湯充滿骨膠原，店員仲會仔細留意湯底，定期加湯。另外，仲配咗一個洋蔥汁，食排骨嘅時候都可以點嚟食，解解膩。最後，值得一讚嘅係呢度嘅泡菜都係可以任添，有平時食開嘅白菜泡菜同蘿蔔泡菜。

尖沙嘴真係好多韓國菜，呢間係男友同我嘅回頭之選。370兩個人有得打邊爐真係幾抵。我見燒肉二人set都唔貴！下次可以一試。咩都唔洗加，個鍋一上黎已經有超多塊煮到入味嘅豬骨、薯仔、西洋菜同金菇，雖然唔係話超級豐富，但每一樣都好出色下，而且出面食啲豬骨齋係湯底都要二百蚊先落到樓。呢個湯嘅骨味絕對唔輸出面，仲有好多塊連住肉位嘅骨，好正😍🌶️🌶️🌶️特別推薦辣湯，但辣度真係幾勁，有譚仔小辣，而且越煮越辣，係食到辣先好叫。

尖沙咀超人氣韓國餐廳「土豆脊骨湯」值得排隊吃 ？尖沙咀超人氣韓國餐廳，你食過未？每次經過都會見到有好多人排隊，佢哋最出名嘅係「土豆脊骨湯」，＄370一煲2人份量，我覺得起碼 3人量，除非你唔加飯或麵，泡菜係存限添加，我本身好鍾意飲泡菜湯，如果你都鐘意，真係可以試吓，佢哋既肉煮得好琳好入味，加左泡菜入湯度，一邊撈飯食真係好正，呢個價錢有咁既份量，難怪成日排隊삼삼뼈국 (尖沙咀)尖沙咀金巴利道55號地下A號舖

這家韓國餐廳實在令人失望。首先，食物質素差，肉類非常粗糙，根本無法接受，價錢卻偏高，讓人覺得不值。其次，小菜的味道也很糟糕，例如青椒泡菜完全沒有味道，吃了讓人感到更加失望。最後，服務態度更是差勁，員工毫無熱情，幫忙烤肉的人甚至完全不會烤，讓我們的用餐體驗變得更加糟糕。整體來說，這次的用餐經歷非常不愉快，不會再光顧這家餐廳，也不會推薦給朋友。希望他們能夠改善食物質素和服務態度，否則很難吸引回頭客，很難令人滿意。