影片
港铁九龙塘站 A2 出口, 步行约8分钟
继续阅读
电话号码
64149268 (WhatsApp)
营业时间
今日营业
11:30 - 22:30
星期一至五
11:30 - 22:30
星期六
11:30 - 18:00
星期日
全日休息
以上资料只供参考，请与餐厅确认详情
之前听人讲呢个鬼地方开咗间小食店，咁啱去攞淘宝顺便去试吓,买咗串牛柏叶同土鱿，个老板娘问我钟唔钟意食辣，佢有个秘制魔鬼辣汁，咁我即管试吓，真系好Q辣，但又真系几惹味，跟住就打包埋个碗仔翅返屋企食又真系几好味😋
继续阅读
今日要去浸会医院探朋友，谂住买啲嘢俾佢食，因为都成夜晚九点，对面个商场得返间七仔一间日本嘢同一间小食店，咁就谂住简简单单睇吓小食店有啲咩可以买嚟同朋友一齐食，但系一望佢个餐牌一碗碗仔翅要$50 一碗生菜鱼肉要$40，真系有啲贵，当我犹豫之际，老板娘同我讲啲生菜鱼肉同碗仔翅全部都系自己亲手整，而且系冇味精,最好笑系跟住个老板突然走出嚟用一个非常之坚定嘅眼神望住我同我讲你食过一定会返转头，我见过老板咁有信心就即管每样买一碗试下，我自己一直都好钟意食碗仔翅，但自从尖沙咀棉登径个车仔阿叔冇咗之后都未食过好食嘅碗仔翅，但呢度真系有惊喜，个碗仔翅汤好浓好多料啲冬菇好滑仲要有竹笙，而且佢真系有翅，不过系素翅唔系粉丝，最重要佢唔系好似浆糊咁，食到落最底都仲系有料，觉得佢真系真心做出嚟，最后全部食晒，生菜鱼肉我朋友食佢都话啲鱼肉好弹牙个汤底好清甜连汤都饮晒，个老板真系冇吹水，我一定会再食，不过真系要去开附近先，个位真系有啲吊脚😅
继续阅读
叫左咖哩捞乌冬配鱼蛋同烧卖，味道系唔错嘅，咖哩汁辣辣地，最后食到啲甜味，不过就麻麻地咖哩有甜味。鱼旦就系一般嘅陈皮鱼蛋，反而个烧卖好好味，真系食到有鱼肉嘅味，质地都弹牙，好好味。捞面转乌冬30蚊，乌冬嘅质地都几弹牙，但成个餐就30蚊有啲贵而且细份，细食嘅女仔都吾名够饱。加左串鱿鱼，15蚊。成个餐45，性价比一般。建议加啲钱食个正餐。
继续阅读
呢排lunch唔想食canteen，但系又太热唔想行太远呢间都开左有一排但系呢排先第一次去位置喺建新中心地下，店主态度好好碗仔翅真心好味，重点系个冬菇，极滑，唔食冬菇嘅人都会钟意捞面捞乌冬肠粉都唔错生肠&墨鱼串保留口感嘅同时对牙力一般嘅人都友好，可以咬到🥹希望一直开落去
继续阅读
探朋友之前谂住喺浸会医院附近求其食啲嘢，行到𠮶间唔知咩商场😅见到有间小食店（小食掂）买咗个咖喱鱼蛋同埋生菜鱼肉。生菜鱼肉个汤底食得出冇加味精，我成碗饮晒都唔觉口渴，鱼肉好弹牙，足料，唔似出面𠮶啲粉多过肉。 鱼蛋系陈皮鱼蛋😍😍😍 咖喱汁好出色见到间舖好干净，多口问句，原来开咗冇几耐，老板话会不定期推出粉仔，希望下次有缘可以食到啦。等嘢食期间见到好多人买碗仔翅，下次要留肚试埋碗仔翅烧卖肠粉同卤味⋯仲有个蒸饭，捞乌冬都好想食⋯
继续阅读