影片
以上资料只供参考，请与餐厅确认详情
经过地铁或者早餐太饿, 都会想买一兜烧卖来食，SNACK EXPRESS好方便. 重点系佢个辣油.... 必需要叫姐姐多辣油 多豉油 先好味. 烧卖是唔腥的鱼肉烧卖 辣油是深红色有埋辣椒籽 + 辣椒皮 个款, 好惹味12蚊有8粒都叫好对得住个价钱. 但如果早餐买, 记得要叫姐姐去"笔" 新鲜蒸好, 最热最热的个批.... 如果佢"笔"定出来. 一冻左炦会变硬左. 就唔好食... 仲有格仔饼可以买, 食过但偏淋，做唔到格仔饼多脆内软的效果~
继续阅读
第一次嗌左个烧卖话左要辣油个阿姐听唔到，毕完我见佢无加即刻又好客气咁提多次话唔该要辣油，佢即刻黑晒面咁闹我话唔早讲，我话我讲左啦系你听唔到，佢态度劲差咁dum兜烧卖系台。第二次好想食烧卖又去左买，佢一见到我就黑口黑面，又系dum兜烧卖系台，态度劲差，唔知系咪佢得我一个系咁p.s店主应该加强培训员工，哩个情况唔系第一次发生，好赶客，同埋见到唔系一个人话佢态度差，应该采取措施唔系只会影响生意，d嘢几好食都无用
继续阅读
今晚 18/2, 7：25 去买鸡蛋仔的时候, 鸡蛋仔姐姐畀了一底其中一面㶶嘅鸡蛋仔我. 当时我没有发觉, 后来食了三口之后发觉有㶶味, 行返转头拎返畀佢换. 鸡蛋仔姐姐没有讲任何说话, 只即时畀返16蚊我, 仲要黑口黑面. 唔知系咪太好生意, 唔够人手, 导致工作人员态度恶劣.
继续阅读
买烧卖要辣油要豉油，拎咗之后，拆开睇一睇见冇辣油，揾返阿姐帮手加多豉油同埋辣油。阿姐将我碗烧卖，疯狂落豉油，变咗豉油+辣椒油「汤」烧卖，豉油同辣油多到浸过晒啲烧卖，以为佢变左一碗碗仔翅，我当场呆咗。我叫阿姐唔好玩我，可唔可以俾过一份我？佢就话：得，我按左你要求做，系你唔满意（态度不是太好）。佢喺做过另一份俾我嘅时候，我话：我想影张相，指住之前𠮶碗。跟住佢隔篱个同事即刻拎起倒左佢。😑我真系表示无言。。。。。😑😑😑😑😑我谂应该是我太错，卖比你，有得你食，唔应该要求甘多？下次阿姐比你有辣油就有辣油，冇辣油就冇辣油，拎走唔好讲或要咁多嘢。
继续阅读
要揾到一间冇葱嘅生菜鱼肉好难，所以坑口间 snack express 系我嘅最爱！鱼肉冇葱，劲香鱼味，但又唔会腥.鱼肉仲多过菜好抵食.加咗麻油之后，唔会好浊，鱼肉依然.
继续阅读