影片
今日路经湾仔， 有D肚饿，just林著揾D野填肚，真系估唔到呢间貌不惊人嘅小食铺头…有D咁好味嘅小食，许D鸡蛋仔出炉时香喷喷，食落极之香脆可口, 一定要推介，众有D老味，我估用左D秘方先至禁入味，可以讲平凡的卖相，平凡的味道…好有口感! 值得support! 加上呢班哥哥好nice,下次一定会再黎试下其他小食！
继续阅读
肥髀游水班前想食少许嘢打底，行去泳池附近好多小食店（附近好多学校）今日公众假期已经有几间无开到！肥髀去到呢间见有龙虾丸即刻心动，一串三粒，店员问肥髀要渌定要烧，肥髀拣了渌，等了5分钟，店员问肥髀要不要辣同豉油，肥髀都话唔要，之后店员将几粒丸放入纸杯再落豉油！肥髀即刻好疑惑，唔系话唔要豉油咩？丸好大粒，已𠝹花，热辣辣，龙虾丸味道当然无惊喜，够弹牙，不过豉油汁甜甜地几好味！店员对细路都几细心！
继续阅读
饭后意犹未尽，拐弯来个鸡蛋仔做甜点 店主差不多关门，鸡蛋仔炉才刚关掉，但见我俩想吃，故重开炉火~ 因要待铁板热烫才可弄好鸡蛋，故要多等一会儿，但店主这么好人，特意开炉给我们弄，多等一会也不打紧了 出炉了，新鲜热辣鸡蛋仔出炉，虽然蛋香不太浓烈，但胜在外脆内软，脆皮也是滑滑的，每一粒蛋心都是满满的，甜度亦适中，令人满足的甜点
继续阅读
469 浏览
上星期二，下午两点半，突然发牙痕 ，想饮碗热汤，所以就喺公司附近o既一家「小食天地」度买咗碗碗仔翅返公司作下午茶。「小食天地」位于交加里，平日都颇多车辆驶过或停泊于门外，费气不少；意外地，当日门外并无人龙，亦无车辆，感觉空气当堂冇咁混浊。店舖面积唔算细，只有一位年纪轻轻o既哥哥仔座阵，由于大部分食物已经煮制好，加上佢动作快，效率高，一个人足以应付哂所有食客。XO仔叫咗碗碗仔翅，哥哥仔非常有礼地问要唔要加胡椒粉同醋，因电话突然响起，小肥好快就答咗佢一句「乜都要」。哥哥仔好迅速地就装满咗一碗翅，并加入两款调味，收到我一早预备定o既银仔亦冇黑面，态度专业有善，值得一赞再赞 ！ 碗仔翅（$14）：攞到返公司，影埋相，碗仔翅依然滚热辣，汤质滑溜，而且足料野味，浓而不滞，食完暖胃又满足！非常不幸地，小肥食完碗仔翅不到十五分钟就开始头痛，要立刻食治痛丸，点知药力过后，细佬身体不同部位o既肌肉及关节亦开始疼痛起上黎 。第二朝早，见疼痛影响到行动不便，XO仔仲请埋假去睇医生、抽血验身；诊断结果，小肥全身疼痛原因乃味精敏感反应 ！医生深知小肥对多种食物敏感，却又喜爱到处觅食，故此于医务所内再三叮嘱小弟不要随便出街吃饭，应多留在家中吃「无添加」之食品，今次落令闭关一星期静养！一碗十四蚊o既碗仔翅虽然美味非常，但因「小食天地」所选用o既味精令个人身体极度不适，因而产生四位数字o既医药费 ，试问小肥又点会觉得抵食呢？！真系要唱返支歌仔赠吓兴：「小生小生怕怕啰，哎呀哎呀唷！」
继续阅读
行完湾仔附近的店铺, 如果唔去食其他野, 就会来这里食下街边小食, 这里有鱼蛋, 烧卖, 肠粉, 鸡腿, 碗仔翅, 格仔饼, 鸡蛋仔, 猪耳, 生肠, 炸大肠, 墨鱼, 生菜鱼肉, 牛圆等小食.最推介鱼蛋, 炸烧卖, 肠粉, 鸡腿, 格仔饼. 鱼蛋很弹牙多汁, 咖哩酱浓郁, 黄姜味浓, 微咸不错. 炸烧卖口感特别, 又脆又弹, 好食. 肠粉配上芝麻花生酱再加甜酱一流, 芝麻酱很香, 配上热呼呼的肠粉好美味. 鸡腿多肉多汁鲜甜带咸, 顶肚的首选. 格仔饼香脆好味.次推介鸡蛋仔, 生肠, 炸大肠. 鸡蛋仔很脆, 蛋比率多很香口, 好食. 生肠很爽口, 汁爆出黎一般. 炸大肠炸到好香口爽口多汁, 过瘾!加埋四五蚊的野饮(菊花茶, 柠檬茶, 维他奶), 肠粉拼鱼蛋炸大肠都系二十几蚊, 间简单单又随便的一餐就这样完成
继续阅读