小飛俠美食 (已結業)

餐廳夠大夠新, 返工日子嘅Lunch Time都可坐得舒舒服服食番餐飯食物飲品都好好味, 而且價錢亦平, 而家已經變成我and同事們嘅飯堂我哋連下午茶都忍唔住食番呢間小飛俠絕對值得推介

佢未搬到哩個地址時我已經經常幫襯，雖然不是太好食，但喺哩區嚟講，50蚊有湯有飲品有嘢食，已經算好好。佢搬到新址，比較近我公司，有時懶懶地都會過嚟食，一直都覺得無咩。今日嚟食時，我叫了個咖哩牛腩飯加凍飲都已經53蚊，當嘢食送到，我就問點解無湯嘅，個侍應話得海南雞先有湯，我話下，我不嬲食咁多次都有湯送喎，佢再去問其他人，返嚟就話無湯送，我做咁耐都係咁，我直接同佢講，我嚟食嘅時候你都未嚟喎，佢竟然回我一句，咁你問其他人囉。咁嘅價錢，咁嘅態度，我終於明點解隔離要等位，哩度直入大把位俾人揀嚟食了。真係太失望！

食物味道得, 而且價錢街坊價, 抵食餐廳夠大, 闊落唔會迫, 可以舒舒服服食餐飯.無骨海南雞餐一流, 好好味, 還有其他飯粉麵亦一樣好好味衞生好好, 食得安心, 值得推介, 開店冇耐, 已經黎食咗幾次

頭幾次食都覺得一般，但因為貪近嘅原因再次光臨，叫個煎肉餅飯想轉汁，個侍應話盡量安排，點知上到黎已經轉左，食緊之際突然有個話自己係負責人嘅女士衝埋黎怒氣沖沖咁話邊個幫你地轉架，轉汁要收$5咁都食緊啦，仲可以點，兩個飯無啦啦收多$10轉汁錢，但之後有朋友食緊個茄汁飯叫佢加汁又無另外收費，呢間野啲人做野真係匪夷所思，之前食已經成日落錯單，上菜又亂，經過今次更加永不光顧

今朝諗住試下佢早餐。一泥間餐廳個cashier擺到入一入。個人泥講叫外賣既極不方便。好啦，叫個炸菜米麵，凍央。等左成十分鐘都未有。原來服務員唔會拎個外賣出門口，只放係入一入既cashier到。係我自己由門口行返入去拎。上到公司發現佢比左炸菜"米"，飲品冇飲管，仲要我叫凍央，佢比篤檸檬棍我。不會再幫襯，88

這店之前也是在觀塘，現在細舖搬大舖，比以前闊落好多。店舖座位隔得遠，又加上樓底高，完全無壓迫感。有大量梳化位及卡位👍👍而梳化以英國國旗做花紋，很有feel。今次點了莞茜蠔仔肉碎湯飯作為午餐，蠔仔鮮甜而又脹卜卜，都有10幾隻，我覺得值回票價。喝湯后也沒有口渴👍午餐套餐包免費中式湯，加$3有凍熱飲品，加$7有汽水，由$42-$58不等，價錢尚可接受。其他menu總括而言，店內真的很大，很光猛，坐得舒適，而食物也好味😚

一間新開嘅餐廳門面裝修得都好似幾好入到來見到好多英國式嘅沙發表面感覺好似唔錯但可惜擺位有啲問題太多死位你舉手叫餐、大聲呼叫，都唔會人理你一間過千尺地方，但竟然只有三個樓面就算俾你叫到食物你一入口竟然食物就真係差到不得了兩個人入嚟食個午餐叫咗一個南乳豬手飯及蘿蔔豬軟骨飯食完完全冇飽嘅感覺仲要味到真係完全唔得、難食個豬手全部都係骨「無肉食」又要煮得唔夠淋所以完全咬唔到個飯既份量，真係一個女仔食都唔夠飽分明就係呃錢個豬軟骨喊得太誇張豬軟骨唔係應該甜甜地嘅咩點解會咁鹹呀好似求其煮熟左格格不入咁樣唔係求其煮個軒汁撈埋一齊就係叫做個餸咁樣做生意真係唔得呢間餐廳真係不可一，不可再！我一定唔會再幫襯

去開觀塘去試下，食物不錯，雖然等位耐些，海南雞飯好食，涷檬茶夠茶味，員工都夠親切，老公叫了瑞士雞亦餐份量足夠，地方寬堂，屬人情味嘅餐廳👍👍👍下次亦會幫襯😋

前幾日晏就過去lunch嗌左個無骨海南雞飯結果黎到變左麻油雞咬落仲要係臭既係好臭好恐怖仲要差唔多$60以後blacklist呢間野 送俾我都唔食觀塘隨便一間都好過佢

我昨天到小飛俠餐廳吃飯，我叫了一碟海南雞飯吃。這碟雞又大又靚，雞味道又濃，而且例湯非常濃而沒有味精。真的想飲多幾碗，環境都十分舒服，地方又大。雖然門口冷氣不夠，但中場的冷氣都夠涼。我都會下次再去。

雞皮沙津...塊雞扒令人覺到好難以接受！$35下午餐...俾呢塊雞皮一樣既野.....極失望環境裝修就靚既，但冷氣冇乜咁滯....相信都唔會再有下次幫趁既機會喇！

附近返工, 見到呢間新開, 就做白老鼠試試, 點知中伏樓底非常高, 引致冷氣落唔到黎, 成間野唔夠涼, 門口因為冇閘風機, 每次D人開門入黎就帶埋D熱風入黎...我坐卡位, 張sofa好直..唔好坐, 90度角, 而且將枱特別高, 又細, 坐得麻麻舒服清潔度非常一般, 餐廳重有約3分1地方裝修緊, 所以你好似係地盤食飯咁, 有陣地盤味叫左個吉列魚煎蛋飯, 熱奶茶普通野, 竟然等左45分鐘...心諗有咩咁大製作?一黎到, 只係非常普通既炸魚, 煎蛋飯...質素同大X樂差唔多粉厚, 肉質薄但算嫩, 好似M記咁厄水之作, 隻煎蛋OK, 流心蛋, 個汁都OK, 但可惜非常少有跟幾塊凍冰冰既菜...熱奶茶都等到變凍奶茶...沒有特別濃的紅茶味, 普通lunch hour 等45分鐘食呢D野, 相信永不再食, 店主重有好大改善空間...

金牌無骨海南雞飯 即叫即做 保持新鮮 , 製作嚴謹, 用了很多上等新鮮材料, 很大份和很有雞味, 蓮藕煎肉餅飯能做到 外脆 內軟 多肉汁, 環境都十分舒適, 而且價錢很廉誼.