影片
一直都系附近街坊有帮衬开，之前都觉得唔错。唔知最近系咪转咗师傅，食咗两次体验都系非常非常差。我见到有其他评论话唔错，同样地都有好多话好差，佢哋就系咁唔稳定！我今日特登再去试，谂住俾多次机会佢。真系差到我要直接当面同现场嘅职员反映同投诉。佢哋自己都承认，师傅系好唔稳定，同埋一时好一时唔好。 当堂呆咗蒜泥白肉❌肉质切得好厚身、冇味道、偏嚡。蒜泥孙俪都做得相对比较差，蒜味不足之余亦称不上是泥。酸菜鱼米线❌ 超级差！无敌差！首先佢同店内展示嘅相片完全唔一样，已经系第一层嘅失望。 一上枱嘅时候碗入面最多系得五片鱼块，大约每片系木耳大细左右。 汤底完全冇味，唔咸唔酸唔甜唔辣就系冇味道好似水一样。只有颜色。。亦都冇乜酸菜喺入面。。。我真系人生未食过咁差嘅米线。即场同员工反映，佢哋就拎同一个米线再番煮。亦都冇注意火候拎返俾我哋嘅时候，米线全部淋到用嘴唇压一压就会烂晒。汤底亦都冇再变过味道。纯粹喺个碗上面加多两三块鱼。仲要承惠$68。招牌小窝米线❌配鸡扒、陈皮鱼蛋真系冇必要食。鸡扒超薄身，唔知以为系初生鸡。米线质地一样都系差，本身呢一间小锅米线出名系佢哋汤入面嘅酸菜，我本以为同元朗𠮶间系一样，点知而家变到完全唔好食，我可以严重啲讲，根本就冇味道冇口感，汤底本身要有嘅鲜菌亦都冇乜，芽菜亦都冇乜，以前就咁一个招牌小窝米线加配任何嘢食都有好多好多配料，而家完全缩水到你唔敢相信。点解可以做到咁差，其实冇心做，不如直接执咗佢。唔好浪费食物啦🤮店员礼貌不予置评，都系做开嘅𠮶两个，唔知佢哋其中一个会唔会系老板定点样，但系反映咗觉得佢哋好似冇乜感觉，唯有喺平台上面同大家分享。够得一个得一个唔好嘥钱了。
继续阅读
食过元朗𠮶间几次，觉得几好食，今次喺天水围特登嚟试一次，点知好失望，碗米线闻落好香但其实除咗麻同辣之外系咩味都无，唯独甜酸菜系最有味，同埋米线太腍，一夹就断哂，唯一欣赏嘅系啲配料样样有啲，菇同菜份量都唔少，而且南乳鸡件真系好惹味，$45包饮品又唔算贵，啲姐姐都好好招呼
继续阅读
招牌小窝米线（配牛展）：跟餐豆浆—-$45牛展好硬，难咬，汤底无叫辣味，所以味道偏淡。过桥米线 ：跟餐豆浆—-$45汤底一样无叫辣味，所以味道都系偏淡。跟餐加配：蒜泥白肉+ $13蒜泥香口，白肉肥瘦均匀，唔错嘅。
继续阅读
之前喺元朗食过呢间小窝米线，觉得呢到嘅米线几有特色，对呢到嘅米线印象几好，今次就嚟到位于天水围天一商城呢间分店晚餐～招牌小窝米线 + 蒜香鸡扒💰HK$45 +跟餐加冻奶茶$2朋友唔食得辣，所以拣咗清汤！呢度嘅清汤系主打鸡肉猪骨汤，但饮落味道好淡，成个米线都冇味！蒜香鸡扒就正常水准～ 自选米线 + 手撕鸡 + 小酸辣💰HK$40明明叫咗酸辣，但系汤底颜色睇落似清汤，味道饮落去都系清汤，成个汤底最有酸辣味嘅应该就系得酸辣甜酸菜！自选米线系有埋啲酸辣炸酱嘅，结果系得果一两粒！手撕鸡肉质亦非常柴，好失望～蒜香鸡中翼💰HK$28份量算多，有6只！鸡中翼外层好酥脆，充满啖啖嘅蒜香味！系成餐饭最有味道嘅野食～
继续阅读
自选米线（自选𩠌:南乳鸡件）酸辣少辣 $40.00配料：芽菜、腐皮、菜、酸辣肉碎、秘制甜酸菜汤底够味，唔会好咸，唔够麻辣/辛辣嘅话可以自己再加，唔错唔错！！！米线唔算话好爽，但起码唔会太腍或太浆。南乳鸡件炸得好香脆，南乳味浓，腌得够入味！冻奶茶小甜 +$2.00好够冻，茶味比较出，所以涩涩地，奶味唔系几够。好少有餐厅会同时提供即弃筷子同普通筷子，所以几特别，可能会有人觉得唔环保，但另一个角度睇，会衞生啲！
继续阅读
您可能会有兴趣的...