影片
招牌菜
食记 (75)
今日行行下比我见到呢间隐世日本料理餐厅，见饿咪入去，坐低叫左个亲子丼，$42咋，本来都冇咩期望，但系见到碗野，真系靓到哗一声，完全系好过D咩咩板X大型连锁店。见到个卖相咁靓我已经收货，仲要有咁多三文鱼，真系好正。所以真系话，要多多支持呢D隐世小店，起码真系用心去整。我一定会再去支持！
继续阅读
午市我本来想嗌$28蚊日式叉烧拉面(冇寿司)佢嗡一大堆浪话之后要我嗌50蚊(加寿司，可以转汤底)真系好过份!我朋友叫咗一个照烧鸡扒饭，等咗成50分钟！超差别去！
继续阅读
今日去食晚餐，叫左个二人套餐，主菜系牛扒，后来侍应讲无入货，后来想改猪扒，都系讲无既，建议可改牛俐，我心谂餐牌上既二人餐同四人餐都系用牛扒做主菜的，真的唔明点解还要比个套餐牌比人点菜！落单都一肚气，等食更不知所谓，足足等左四十五分钟先有前菜（沙律）到！其余的都要等足一个钟，在过程中，我眼见又唔多人，最大原因既系等埋隔离枱一齐整！！侍应又无笑容，动作散慢！
继续阅读
今日同同事去食日本野,平时呢间餐厅下午都会有一个特价餐,今日系明石烧,我地问侍应即系咩?佢就话即系有旧石,你摆D肉系上面烧咁,我地觉得几得意就每人叫左一个~一上到黎,个个都哗左一声,因为...好大碟肉@@应该都系猪肉之后炉都黎埋就开始食,真系好多肉...我地都觉得其实一个餐三个人SHARE都够....因为真系好多肉,而且每块肉都好多脂肪,烧到好多油出黎,食完真系好济...平时其他特价餐都好抵GA,三十蚊都有交易,今日呢个食到反艇都系45蚊JA~!
继续阅读
今日经长沙湾深水埗个头，谂起有间长久屹立不倒的小金井，咁就捉左男朋友一齐食。小金井既午市套餐系五十几去七十几都有，的叫左寿司定食，男友叫左猪排拉面，前菜系腌芽菜，弹牙爽口，腌得好入味，跟餐配日式手打乌冬，乌冬滑身，质素好好，配上十分淡口既面汤，加上紫菜丝，突出左乌冬既美味。主食寿司有蟹柳小卷、三文鱼、熟虾、带子、玉子、北寄贝、油甘鱼。油甘鱼油香重、带子味浓唔错、玉子甜味突出，其他ok，紫菜微脆身，不过饭包得较实同硬，可以落少点份量既醋。男友叫既猪排拉面劲大碗，佢话都ok。食物唔算突出，不过呢间小金井性价比高，相对低廉既价钱，食到份量多的一餐。
继续阅读