影片
食家推介
小蚁人都系听朋友提及才知尖沙咀分店已停止营业可惜难得一间咁有特式味美甜品的餐厅会消失虽然如此，好想分享一下早前食过的甜品，相信荃湾分店亦会找到个人最记得当然系其好似尖东街灯的布景，像真度极高，影相一绝甜品方面，亦系高度推介红蚁屋配movenpick 雪糕HKD80卖相十分精致动人，中间配上鲜果，右面的心大软真是名副其实，心型，好有心思当中的流心亦系士多啤梨口味，莓味十足，外面焗得香但唔会变脆身，口感很好，味道夜香甜而不腻最后还点了一个白桃味梳打咖啡HKD42味道亦十分好，咖啡不会太浓，同时尝到白桃气味，香甜而带甘，在家也要试试自制呢！希望会在九龙区再看见你😊
继续阅读
清理相片时才发觉这档内的食物照片是未分享食评的, 纵使有心为好味的食物写下介绍却得知已结业, 很可惜吧!真。芒果汁看它的质感已知道是很浓郁, 连芒果肉一起啜, 应该有加进一些糖浆。炭烧美国极黑厚切猪鞍扒那清晰又带著焦香的网纹首先吸引眼球, 从横切面可见猪鞍扒的肉嫩兼juicy, 配菜是烤菠萝圈及大啡菇, 配搭颇有新意。味道 4环境 3服务 3卫生 4抵食 4
继续阅读
一向都喜欢有主菜加甜品既餐厅，系网上见到小蚁人既主菜甜品有好多选择，而且卖相好精致，评价不错，就相约朋友一齐去试下。小蚁人既环境非常少女，而且布景系维港景色，系网上睇相仲以为系真！哈哈，非常有创意一开始餐厅会免费提供柑桔味雪葩俾客人清清味蕾，酸酸甜甜好开胃。黑松露三文鱼薯蓉汤$42黑松露香味唔会盖过三文鱼既香，饮汤之余有啖啖薯仔好有咬口，值得一试！意式拼盘$148拼盘分别有巴马火腿，烟三文鱼同沙乐美肠，三样都唔会太咸。炭烧安格斯肉眼扒$288最欣赏系呢个肉眼扒，我地叫左7成熟，烧得岩岩好，完全唔靭同无筋焗极黑厚切猪鞍扒饭$98猪鞍扒肉质松软，蕃茄汁同芝士都好香浓，配埋饭好好食！黑松露有机意大利饭$148黑松露既味道好香浓，白汁唔会太腻，意大利饭有返应有既硬度，诚意推荐！雪糕芝士夹心$80甜品时间到！呢款甜品选用movenpick 雪糕，卖相超靓！有三款唔同味既雪糕，一啖食落去味道好有层次，就连配角macaron都整得好味，好用心制作既甜品！绿茶心太软$68绿茶味同牛奶味都好香，雪糕下面有红豆配埋一齐食，绿茶同红豆果然系绝配！蓝莓柚子沙冰$38蓝梅同柚子呢个组合好新鲜，出奇地好夹！蓝莓味同柚子味都饮得出，味道调较得好好！食左咁多野最后饮系好消济，同埋好消暑！食左好多好多野，最后盛惠$1116，有卖相咁好既食物，同一流既服务（系唔收加一），真系好抵！
继续阅读
同一班朋友食完饭想hea多阵就走去厚福街食甜品，见间间甜品店都排长龙，唯独哩间要落楼梯唔洗等，所以就唔理咁多落去。餐厅话晚上9半后叫88蚊既草莓心太软就送一个68蚊既甜品，所以我地6个人叫左3 set😂个心太软好怪好怪，首先一上店已经好大阵芝士味，睇清楚餐牌系士多啤梨味，都淆淆地底！食落好怪，有阵臭味，唔知系咪牛油出左事，无士多啤梨味，食落劲甜，唔知想点。雪糕系mo牌雪糕，一定好食。68蚊甜品拣左个绿茶窝夫，基本上个窝夫系正常既，好浅绿茶味，微暖，都尚算叫脆，但系个雪糕细到咁，一旧窝夫都唔够伴啦，搅到成件事干争争，d吉士酱唔好食，唔香，好甜！价钱除开都要4十几蚊，其实唔平，不过就可以坐好耐无人理啰！
继续阅读
次次去到尖沙咀，唔系去同朋友食放题就系食寿司韩国菜韩烧，今次想揾返少少平民嘅嘢食，拣咗好耐最后拣咗呢间小蚁人，谂住都系试下心态，无咩太高期望。我同两个friend三人行去到餐厅大概7点钟多啲，谂住一定要等位，点知一入到去就有位坐，唔算系好full。我哋坐果张台有张L字形嘅梳化，外面两边有两张凳，算系好宽倘舒服，装修上好公主feel，女仔通常都几buy。唯独是佢墙上面啲话，同埋佢果幅全片幅维港夜景好似同佢主题有啲格格不入咁。当我哋睇完餐牌有啲嘢唔明问侍应，佢地都好耐心乐意地解答。我哋三个最后都叫晒是日晚餐，焗椰汁鸡饭，忌廉蘑菇烟三文鱼两头通粉，同咖哩海鲜配白饭。上菜速度都好快，落咗order之后唔洗5分钟就上晒饮品同餐汤。第一道菜可以拣餐汤或者沙律， 我哋全部都拣晒餐汤。是日餐汤系红汤，蕃茄罗宋汤，蕃茄味好浓郁，个牛汤底都好鲜，里面嘅菜都好淋，同个汤味道合一，唔错 到主菜，焗椰汁鸡饭，面头有一层芝士，焗完之后烧焦咗嘅芝士味更加香浓，鸡肉嫩滑，唔会切得太细无晒咬口，流失晒肉汁。汁嘅杰度同美度都调教得几好，椰汁味非常香浓，亦都同鸡非常配合，加上汁里面嘅其它spices，呢度菜嘅味道都几有层次，系我三道菜中嘅至爱。 咖哩海鲜嘅咖哩比较有马来风味，同泰国咖哩相比，马来咖哩香料比较丰富，但就无咩椰汁。咖哩辣度中辣，应该大部份人都可以接受。海鲜方面有大虾，青口同带子，用料质素上不过不失，食落口都颇有鲜味。除咗咖喱之外，碟上面仲有另外一道配菜，望落去似系用嚟煮罗宋汤嘅用料，西芹，萝卜之类嘅杂菜。虽然同咖哩有啲唔系好啦间，应该系为咗摆盘上好睇啲，但都几入味几好食。忌廉蘑菇烟三文鱼两头尖通粉 － 第一次食呢种形状嘅意粉，开头以为佢同长通粉差唔多，食落口个质感返而似贝壳粉，意粉质素唔错，有啲似fresh pasta嘅口感，唔会话好粉，但就有蛋味同有咬口。烟三文鱼已经切碎，方便捞落个意粉度，方便食，少少咸但就无咩烟熏味。蘑菇用咗日本菇同鸡髀菇，食落去新鲜爽滑，同白汁意粉好配，但份量可以多番少少。个汁浓郁有鲜味，分量亦都啱啱好，几好味，唔错！又到邪恶既甜品出场嘅时候，我哋叫咗个杂果雪糕多士砖。上台果阵已经流晒口水。多士松脆得嚟又唔会硬，加上半溶嘅雪糕，间直系人间极品，带你去咗世外桃源咁，perfecto无得输呀！！！如果大家钟意茶木的话，我向大家推荐呢间餐厅，比茶木好食十倍。服务又好，非常周到，每次我地对餐牌上有唔明白果阵，侍应们都会耐心详细解答。有一个侍应仲好细心，每换一碟菜果阵见我哋张台污糟咗，那怕只系一粒饭，都会帮我哋抹返干净。定价方面响尖沙咀嚟讲都唔算贵，跟个晚餐有餐汤有甜品有嘢饮到系100蚊多啲，非常值得
继续阅读