小蓉麵家

营业中

休息中

太子中心位置嘅面舖唔係好多，以我所知得發哥經常去嗰間但最近經過發現原來開咗一間新嘅，作為街坊當然要入去一試！店內裝修非常精緻好古色古香嘅感覺主要都係賣港式粉面同埋少量飯餐先來兩杯嘢飲腐乳通菜我至愛嘅組合，懷舊嘅味道！炸黃金魚角食落去嗰層皮好似西多士咁，一定要趁熱食，用左靚魚蛋料幾有誠意！我要左一份雲吞水餃麵加紫菜，先飲一啖湯，非常清甜！雲吞同水餃都好大粒，入邊嘅蝦，以致出邊嘅麵都十分彈牙！蠔油撈粗麵嘅質感都係非常彈牙，爽口，菜心好林（代表新鮮靚菜心）魚蛋應該係用咗手打魚蛋，都係好彈牙！食咗咁多嘢位位都唔使$80樣樣野都好大碗性價比高抵到爛

小蓉麵家，太子的雲吞牛腩店。未落單前有自家製蘿蔔食，味道酸酸地好開胃。招牌雲吞撈（$35）：雲吞撈麵都幾大碗，雲吞有豬肉有蝦肉餡，都幾足料；麵質彈牙爽口，加蠔油一齊撈，好香。蘿蔔/冬菇牛筋飯（$42）：大大份，牛筋炆得好淋好入味，冬菇及鋪底的蘿蔔都一樣夠味，撈飯一流。油菜/唐生菜（$17）炸黃金魚角（$29）：炸得夠乾身，不錯的香口小食。凍檸樂（$6）：跟飯加配價只需$6，好抵。支裝汽水（$10）

其實個人都幾鍾意食粉麵、雲吞麵亦都係其中一樣我幾鍾意食嘅粉麵類。雲吞麵通常比較傳統嘅小店先多，但係呢間小店裝修比較新，入邊食物仍然有舊式麵店嘅風味。餐牌有不同麵類、飯類、小食可供選擇，叫左雲吞牛丸麵及雲吞麵，麵質好爽，雲吞都好大隻，入邊啲蝦亦都好爽口。麵嘅份量都幾多，而且價錢相當抵食。叫咗炸魚角，薄薄地，味道ok， 不過我就覺得油左少少。油菜唔錯夠林，幾新鮮。飲品幾好，叫咗熱柚子蜜及熱紅棗蜜。幾潤。餐廳午市時間都幾多人，粉麵類都係幾比較受歡迎。

好耐無行過界限街一帶。今日去了附近一間車行攪新車手續。但時間未到。就諗住搵間餐廳坐下等車行職員回來。不知不覺行到橋底下見到間內部裝修好吸引。去到室內設計好古式古香。連傢具都好傳統的木材料細蓉一碗。呢碗我相信是標準的細蓉。原始的細蓉只是一碗細鹼水麵。一口的雲吞是最基本。它們的雲吞好正宗。入口滑喉爽口。生麵亦吸收雞湯味道爽口彈牙。羅白牛腩。牛腩炆得鬆軟易入口。值得一讚是羅白。入口無根無「衣」。炆羅白炆到入晒牛腩汁。入口即溶。但做到筷子🥢夾落去仲係可以夾到而不碎。師父的造詣深厚莫測。牛腩更鬆軟可口。咬感十足。但不會太硬。味道十足。

香港人有邊個未食過細蓉❓依d麵家既港式粉麵由細食到大, 一碗已經滿足到我食慾同胃口, 仲有一種情意結太子開左間裝修幾靚既麵店叫小蓉麵家, 門面幾吸引, 今晚就走左入去食碗麵做晚餐原本以為裝修咁新, 價錢比街邊既麵檔貴少少都好合理呀, 但望下餐牌發覺價錢都好平, 30蚊既麵成版都係。家傳牛腩麵一配簡單既牛腩麵帶住濃郁既香氣, 先呷啖湯, 好重腩汁味, 湯頭做得好好! 牛腩軟腍肥瘦比例好好, 麵質爽彈最重要無簡水味, 加埋佢既秘製辣椒油, 多方面配合成一碗靚麵豬手撈豬手有兩件, 爽彈有肉地好好味中意佢個碗好多韮黃既上湯, 香氣加倍!蠔皇冬菇冬菇size中等唔會好細粒, 下面有生菜墊底, 索埋冬菇蠔油好味上湯浸菜又係有韮黃既上湯所以已經好香又清, 浸個生菜清清地健康過食油菜呀紅棗蜜中意養甜飲品既我一見到紅棗蜜就要佢啦, 好少地方有得飲, 好滋潤又好飲兩個麵一個小食一個菜兩杯野飲, 食到飽飽埋單都係百幾蚊, 抵食呀

餐廳人客無停過，走完一台又黎一台，台面有一罐白羅白，拎左幾塊食，係腌過的酸羅白。酸酸地幾開胃，而且任食，但見到人外賣，就不可以拎走白羅白。叫左必食的淨雲吞，33元有5粒，蝦彈牙，肉新鮮，皮厚度適中，湯底都好正，配埋䓤段，更正。牛腩河30元，河粉分量不算好多，但好滑，又不會太林身同散，牛腩好入味好林，好易入囗。菜17元，叫左菜心，煮得好林，好易咬，蠔油香而不太咸。最後飲左凍豆漿同熱紅棗蜜，完成一餐飯，價錢也不貴，經濟又實惠。

今晚簡簡單單想食碗雲吞麵做晚餐。這間「小蓉麵家」比傳統的麵家較乾淨闊落，裝修有點古色古香既感覺 。餐廳主打食雲吞，水餃及牛腩，餐牌款式不算多，但都有飯，湯麵，撈麵及小食，價錢合理。點了2 碗雙併，是水餃拼魚旦粗麵及雲吞併墨丸幼麵，份量比想像中大碗，水餃包得大大隻，包上木耳絲、鮮蝦及豬肉，比例平均，而雲吞就以鮮蝦為主，兩者都爽口彈牙，水餃包上木耳絲令口感增加，所以個人比較鐘意。湯底以大地魚熬製，食完不會太口渴，麵身亦没有梘水味。魚旦及墨丸則比較普通。另外點了一個清甜蘿白及菜心。蘿白食落沒有渣，但再煮得淋身一點會更好。

收工同朋友趕去太子上堂,經過小蓉麵家,見到地方好乾淨企理,價錢又好抵就入去試下,三十幾蚊就有雙拼麵,卡位坐得好舒服,位同位之間又好闊.XO醬櫻花蝦撈麵加牛腩,份量好大, 麵質好爽口,一D鹼水味都無,好出色.撈埋XO醬同炒過既櫻花蝦,芝麻,辣中帶點瑤柱個種鮮味,真係超級好味,牛腩肥瘦適中,好軟淋,好入味.飲埋凍紅棗蜜,好清甜,清潤,好好飲.雲吞魚角河粉加紫菜,份量十足,雲吞皮薄,含料豐富,大大粒,豬肉同蝦好爽口,正!魚角好鮮味,加埋紫菜,湯底更加好味.炸招牌雲吞,皮炸得酥脆,成粒漲卜卜,好飽滿,點埋泰式辣醬,真係好食到停唔到.

傳統有特式餐廳越來越少！很久以前聽到去《小蓉麵家》必定食招牌蝦、牛腩。門口以簡單港式寫上「手工鮮蝦雲吞 家傳牛腩」透過窗望進，裝修充滿懷舊味道。 原來沒有牛腩、雲吞雙併但職員好好心地提意牛腩粉另加雲吞～👍🏻座位有單人卡位，適合無飯隱又晤想食普普通通的茶餐廳。至於都很價錢合理，牛腩河只是 HKD 40多元，牛腩處理得好棯身，沒渣又不會黏牙，越咬牛味更出。另外，一口炸雲吞 HKD 29 ，外脆內爽滑蝦。 在等候之際，枱上放了酸蘿蔔，酸酸甜甜好開胃及感受下傳統特式環境、枱、椅。 就位於太子地鐵站E 出口步行4分鐘而已，很方便

最近去左喺太子嘅小蓉麵家，叫得小蓉，就梗係要食雲吞麵啦🍜不過除左食雲吞，貪心嘅我就叫左雲吞水餃🥟雙拼麵，雖然叫小蓉，但係碗麵一d都唔小架，雲吞有三粒，水餃就有兩粒，啲水餃仲要勁大粒，一粒水餃size等於2粒雲吞咁大😯，而且雲吞皮薄又足料👍🏻，麵亦都好爽😊另外仲叫左腐乳通菜🥬，腐乳好好味同叫左自家制豆漿🥛，豆腐豆味香濃枱面仲有免費嘅自家制酸蘿蔔🥕，酸酸地好開胃架，好食到停唔到口呀🤭

XO醬撈麵配牛筋值得一讚，XO醬外還有細蝦乾，以及白芝麻粒，令麵條除了擁有XO醬的獨有風味之外，還增添了蝦味和麻油味，令整個撈麵有咸鮮味，又有蝦乾芝麻的口感，帶來更多層次感，附送的雲吞湯頭都非常好，應該是新鮮煲成，不會過重口味，味道又清新，一飲而盡。牛筋不愧是招牌，牛腩汁味道突出，牛筋軟滑彈牙，沒有牛毛。雲吞米粉高湯合格，應該是用了蝦皮跟大地魚，開水煮成，充滿香味，嚐一口，鮮甜有味，加上蔥粒的味道，可口非常。雲吞包的很好，外表完整，雲吞皮厚薄適中，裡面的鮮蝦豬肉比例剛剛好，可以嚐到彈牙爽口的口感。炸魚角和炸墨丸被炸的呈現出金黃色，可以看的出是新鮮炸成，不會覺得太乾太硬，肉質爽口，口感豐富，如果同時沾上，旁邊的泰式甜辣醬，鮮味更強，更好吃。凍檸樂原枝玻璃樽可樂，常常覺得跟鋁罐裝的可樂，不一樣，玻璃樽裝的可樂，味道更好，配上數片新鮮檸檬，酸跟甜同時都嚐得到。****************************** 小蓉麵家 太子界限街38號地下

第二次來食，環境好舒服，乾淨，雲吞麵非常正宗，超好食，麵好彈牙，冇簡水味，湯底、雲吞好出色，加腩汁一流，只是三十蚊only，另外加菜比較貴一點，要17元，但好食

今日同朋友食晚餐，門外古老裝潢吸引咗我入去入面的裝修都係古色古香風味...我地叫咗牛筋撈麵、雲吞米粉、同埋炸魚角、凍檸樂...牛筋撈麵好好味！上面嘅xo醬好惹味...有蝦乾仲有粒粒芝麻...好香口...牛筋夠入味又淋...本身撈麵都已經夠味道...可以唔洗沾湯都得...雲吞米粉好大碗...粒粒雲吞都好大粒...份量足...食完好飽～炸魚角其實係炸魚片...煎香了的外層加上薄薄一片魚片...記得點泰式甜辣醬...會減少油膩感。

小蓉麵家 見到呢間裝潢帶著一點古式古香既小蓉麵家, 午餐時間當然要搵食啦，食雲吞麵黎講，呢度個環境算係好好，選擇唔算好多，主要係雲吞、水餃、豬手、牛腩等，都係一啲傳統既選擇。由於身體敏感無得試出名既牛腩好可惜水餃魚角面雙拼價錢有比較貴, 但魚角和水餃份量不俗, 用上薄薄的皮來包著, 又不會穿, 每口咬下去, 都是豐富餡料的味道, 配上幼身的麵條, 和有大地魚鮮蝦味的湯底, 是簡單的美味。豬手麵南乳豬手麵，南乳味岩岩好，一d都唔會死咸，兩大件豬手，外皮富光澤，有彈性，感覺很新鮮，咬一口已覺得口腔內充滿骨膠原，南乳豬手燜得很腍，很入味有咬口，幼麵麵質夠爽夠彈牙通菜$17一碟，唔算貴，如果要上湯上既就要加 $5，我當然係選了經濟之選啦。碟菜都好大碟，幾好。也頗嫩頗新鮮豆漿豆漿係必飲的，味道濃而且唔甜好好滑，味道岩岩推介⭐️⭐⭐️⭐⭐

「細蓉」是廣東人對「雲吞麵」的別稱，這麵家自稱小蓉，想必對其出品的雲吞麵極有信心。不過這天飢腸轆轆，在這間環境雅致，古色古香的店舖裡用餐的我就沒有吃它的雲吞麵，而是吃了較為飽肚的「冬菇牛腩飯」（$42）。雖然我沒有吃這店的手工鮮蝦雲吞，但這店還有家傳牛腩，先試試它，也不壞。這天店內客人不多，等不多時，我的「冬菇牛腩飯」已經送上。這飯另上的牛腩與冬菇雖然看來不是太多，其實都有三大隻冬菇和不少牛腩，牛腩冬菇都軟腍度適中，濃味腩汁更是當中亮點，無論牛腩還是冬菇索了腩汁之後，都變得特別惹味。在白飯上澆點腩汁，也不錯呢！不過這兒的第一主角始終是「細蓉」，下次到來，還是應該試試這兒的手工鮮蝦雲吞麵吧！