小蓉麵家

营业中

休息中

3月22日揾食肥華和靚媽在大坑東，做完晨運途經此麵店門前，肥華特然想食碗雲吞麵，就同靚媽光顧咗呢間，裝修及枱椅都比一般傳統雲吞麵舖高雅及企理嘅麵店，肥華心諗咁嘅格局此店一碗雲吞麵最少都要俾$42至食到，但當肥華睇過此店菜單，原來雲吞麵及多款粉麵都喺$34起錶價咁嘅平民價錢真喺令到 肥華及靚媽都有驚喜。而今日肥華食到嘅，雲吞麵及水餃麵質素絕對對得住顧客付出個$34價錢，加上此店環境呢兩碗麵食，話佢，平，靚，正，亦不為過以今日嘅水準，肥華必會再來光顧。⭐️⭐️⭐️⭐️⭐️👍🏻👍🏻👍🏻👍🏻👍🏻

經過太子揾食，見到一間用心裝修過既粉麵店，心諗遊客區裝修咁靚一定係高價魚蛋粉/牛腩麵，比遊客打卡既店舖喇～點知睇左個餐牌，經濟實惠喎，即刻衝入去試吓😋招牌係手工鮮蝦雲吞同家傳牛腩，我地叫咗一碗雲吞魚角麵，但驚雲吞太少，所以叫多一碗淨雲吞(5-6粒），五香牛筋撈麵同一碟菜心～果然係招牌👍🏻雲吞爽口，彈牙材料新鮮，雖然雙拼得兩粒雲吞，但呢個價錢冇異議😌牛筋撈麵都好食，唔會太鹹，牛筋夠淋👍🏻佛心價錢，值得再試❤️唯一不便，只收現金

今天經過太子，所以在附近找了一家麵店-小蓉麵家。第一次過來吃，想說吃這種麵最適合一個人，雲吞麵在市場上實在有好多競爭 ，比較喜歡小店裏面有比較古色古香 ，感覺係招呼街坊為主，顯得也清靜一點。我只點一個雲吞麵。我習慣都係麵點紅醋吃，😍面也算爽口彈牙。鹼水味不太重。 湯底清甜。大地魚味香。雲吞也足料有四粒，好險有四顆可以吃，未至於好上等好好食，街坊面店滿足口味也不錯,可是位子實在是非常擁擠，假如人多的話就不適合。

餐廳位置較偏僻，喺條橫街要花啲時間搵，而且出面路面做緊工程，所以都會有少少嘈，但食物質素唔錯。差唔多每個禮拜都食一次，每次都係叫雲吞麪($37)，或者雲吞牛筋麵($44)🍜，因為雲吞同啲麵都好爽，而且份量都係食得飽， 呢個價錢喺太子嚟講算系實惠👍，以前仲有醃蘿蔔，不過而家冇咗嚕🫣，記得要12點9前入座，否則要排隊等位🤫個南乳豬手麵($34)都唔錯，好入味，好濃， 但係食嘅時候就冇咁方便，要少人啲先食，費事同台望住有啲尷尬🤭😝介紹過俾隔離部門嘅同事之後，佢哋成日拉隊落去食，變咗佢哋飯堂， 我反而冇咗個地方打躉提提大家記住要自己帶紙巾去廁所，因為店家話佢哋無供應要自己戴。 呢個要留意啦，唔係去洗手間嘅時候就急起上嚟就好麻煩

近地鐵站又收得夜，裝修企理，味道雖然唔係驚為天人，但都好食，係牛腩肥咗啲，最正係仲有樽裝可樂，加上價錢合理，好多時夜咗收工想食少少野都會幫襯佢。食開一直都保持到水準，值得推介👍🏻

今日行過鄰里茶餐廳，朋友推介俾我試咗幾款老字號美食，先講下嗰碗牛腩河啦！🐮 牛腩好彈牙，半肥半瘦嘅比例啱哂口味，河粉吸晒啲濃香醬汁，食落口感一流，真係夠哂水準！雲吞呢？食落好爽口，每粒都見到大隻蝦，鹼水味道不過唔重，幾正點。話晒食飯何曾不摻啲青菜，嗌咗份菜杆，夠哂爽滑，簡簡單單啲時候至係真。🥬飲品嘅話，紅棗茶有啲甜嘅，我就重口味啲，不過呢杯自家制豆漿就真係好中意，濃郁唔膩箍口。🥛 整體嚟講，呢間茶餐廳食物嘅質素真係叫人欣賞，無論係做功夫定係選材，咬落去都覺得好有屋企嘅味道。古法超正，夠晒地道，諗起就令我口水直流。如果你想尋找味道滿分嘅平價好去處，嚟呢度就準冇錯！

這店很久以前已經想去，今天去太子買東西剛好經過，見到有空位便走進去，裝修環境頗為舒適，清潔衛生方面亦不差，看食評說牛腩和雲吞都很好吃便叫了一個雙拼，有2粒雲吞和3小件牛腩，結果頗為失望，柱候牛腩味道比較淡，煮的火候不足夠，腩汁不夠濃，不起膠，頗爲水汪汪，肉質比較乾硬，但幸好不算韌，雲吞調味一般，但蝦肉頗為新鮮，收口不是散開而是對接的，加上雲吞皮比一般厚，口感比較差，第2粒只吃了蝦沒吃皮，面和湯底不算很出色，只能算合格多少少，整體水準比起附近另一出名的雲吞麵名店頗有距離

好多雲吞麵店大都四，五拾元一碗麵，這店只是　三拾多元，但質素及份量沒有因價錢而受影響，出品有超水準，雲吞大粒爽口，麵沒有鹼水味，湯感覺不到有味精👍👍👍南乳豬手入味必食。

同個friend 响太子打完波，覺得有啲肚餓，於是搵下附近有咩食，行行下見到小蓉麵家，佢話之前食過雲吞麵，真心幾好食又唔貴，推介我去試下。店舖乾淨企理，一邊係卡位另一邊係中式圓枱同櫈，整體空間感十足，最緊要冷氣特別涼😍。睇過餐牌，食物款式唔多，我哋點咗兩碗麵。南乳豬手河 $33.-豬手有2大件，炆得入味軟糯，一咬塊豬皮就化開，河粉滑溜唔易斷，好食。鳳城水餃河 $33.-水餃粒粒飽滿餡料足，豬肉同蝦嘅比例啱啱好，蝦肉爽口豬肉味香，唔錯。雖然我哋最後冇食雲吞🤣，但係呢兩碗粉麵都証明到呢間麵店嘅質素幾好，下次我會試埋個雲吞麵。

近排成日又打邊爐又食蒲飛搞到有啲飽飽滯滯，今日食啲輕食當休息吓。呢間舖成日經過都見，但就未幫襯過，趁呢個機會就試試佢啦。佢舖面幾光鮮企理，大若30個位，一邊卡位，一邊圓形枱凳，全部仿酸枝家私，大玩中國風。餐具都睇得出有花過心思，麵碗加隻底碟，咁骨子，好多街坊酒樓都未必會咁做，雲吞麵檔就更加唔使諗，無端端洗多隻碟好得閒？我叫咗水餃麵加油菜，下午茶價$40。湯底係唔錯嘅，夠鮮甜，應該有落大地魚。湯面放韮黃，唔似其他麵檔放蔥蒜。麵就普通，唔香唔彈牙。水餃都普通，硬掘掘咁，係咪淥唔夠時間？呢度外觀就贏晒，但食物就一般，又未至於難食，想食粉麵又唔想去啲up dup 雲吞麵舖，可以一試。不過啲服務真係十級差，有個金毛鄉音大媽好似全世界欠咗佢咁。有一個客問佢攞杯水，鄉音大媽一路攞一路um um 尋尋，真係吹漲，攞杯水慘過同佢乞，乞都唔使俾人咒全家。舖頭細細又唔多人，攞水都係行多幾步路啫，好阻你時間咩？跟住有另一對客坐低，其中一個叫咗嘢，另一個未諗掂，就問鄉音大媽有冇好介紹，個大媽竟然 hang 晒機，答唔出之餘又係一路行開一路語帶責備咁話人食麵都要介紹。其實做得樓面時不時有客要介紹㗎啦，咁都唔識答真

呢間店舖位置並唔起眼，我午餐時段去都尚算滿座。食物比我想像出色，特別係牛丸，一定要試！咬落去多汁有牛味，相當好食，仲有雲吞都好好食，仲有魚蛋都可以一試，比一般魚蛋唔同

在网上看了食记，决定来店里试试，点了招牌炸云吞，和祖传牛腩的捞面，炸云吞是真的好好吃，牛腩也是够味，而且价格并不贵，一顿吃得饱饱的，云吞里面的鲜虾了，看起来就惹人爱

在長途旅程完結之後, 最掛念的是香港的傳統美食, 在外國吃夠麵包和沙律等較冰冷的食物後, 來一碗暖笠笠的雲吞麵, 真的是暖在心頭. 小蓉麵家在界際街口, 比十大碗難找一點, 同樣主打雲吞麵, 所以很難避免互相比較.小蓉的湯底大地魚味較柔和, 清甜為你主, 末段有陣陣的胡椒香辛, 喝起來層次感不錯, 就是少了海洋鮮味, 但喝起來還是不錯的. 雲吞半豬半蝦, 黏度不錯, 沒有長長的流尾, 吃起來蝦肉鮮香差了一點, 口感也有點梅, 豬肉則沒問題. 用上新鮮蝦製作的話, 應該很容易分別出來. 麵夠乾爽彈牙, 沒有鹼水味, 只是蛋香不夠. 幸好雙拼麵的另一道菜豬手𤔡這麵食加了不少分數, 除了南乳味夠入味外, 煮得夠腍夠軟溶, 一咬即離骨, 但有保持到豬皮的彈牙和膠感, 這十分重要. 另外單點的薑蔥牛肉, 就是白灼牛肉, 加上薑蔥和豉油, 也許在外國吃Grill的肉類太多, 有時味道過於濃重, 如今的白灼菜食, 除了品嚐原味外, 少一點油也更健康.I enjoy the traditional warm Cantonese food after every oversea trip, especi

病咗差唔多個幾星期，無啖好食之餘都係無晒胃口，稍有好轉，一個人搵食最簡單，非常掛住嘅係一碗美味嘅「雲吞麵🍜」.第一次食呢一間一直人氣高企嘅麵店，為於太子唔算好當眼嘅位置，裝潢設計有風格，企理環境舒適☺️.———————————————————————————.🥢雲吞牛腩麵🍜💬貪心之過，一次試晒兩樣招牌，搞到得返兩粒雲吞，鮮蝦彈牙，金魚尾效果，想食多幾粒；柱侯牛腩偏細粒味濃，撈麵會比較好，掩蓋咗大地魚湯底味道，但麵質都幾爽口彈牙🤔️

記得兩三年前幫襯嗰呢間雲吞麵舖，有別於一般麵舖，入面好乾淨👍、坐得又唔迫🤭，又舒服🥰，而且裝修亦充滿古色古香添，印象中油尖旺區好少有咁企理嘅雲吞麵舖👍。今日經開太子，一於睇下入面環境同食物味道有冇改變到先😋。好難得真係好難得，入面仍然可以保持到同以前一樣咁乾淨企理😍😍，筷子筒仲要好衛生地用膠袋包住(印象中我真係好少茶餐廳或麵舖會咁做😊)，而且餐具非常非常乾淨，正所謂食都食得安心啲😂。一坐低侍應姐姐就好快咁俾咗一碟醃製酸蘿蔔我地。之後我地分別叫咗水餃麵和豬手河。醃製酸蘿蔔 免費酸蘿蔔味道唔算特別出色😶，但勝在而家唔係度度地方都有得免費食😂。鳳城水餃麵 $32水餃非常足料大隻👍，唯一可惜嘅係蝦嘅味道，唔爽口彈牙，但又未至於霉，肯定比兩三年前差咗🥲。反觀麵湯就保持到水準--麵質彈牙😏，湯底就非常鮮甜而且冇咩鹼水味😋。南乳豬手河 $32豬手不但炆得入味，而且入口軟滑，最重要係一口咬落去就可以令佢骨肉分離，真心好食😋😋。河粉很滑，有米味，而且不是碎濕濕，很難夾那款👍。最值得一讚嘅地方係👍，當放低豬手河時，侍應姐姐多跟了一個小碗🍵，原來是畀我放骨頭用🦴，真體貼，超讚😍！總括而言，相比兩三年前