187
8
2
港铁太子站 E 出口, 步行约4分钟 继续阅读
电话号码
23887797
开饭介绍
Traditional Hong Kong style noodles, specializing in shrimp wonton noodles. The soup is delicated with the taste of dried flounder and hotbed Chive. The wontons have rich ingredients. 继续阅读
营业时间
今日营业
11:00 - 23:00
星期一至日
11:00 - 23:00
付款方式
现金
食记 (212)
等级4 2019-12-10
488 浏览
同妈咪去花墟买花,行到差唔多梗系要食下午茶啦,妈咪锺意食粉面,经过呢间铺头,刚好有粉面饭食,见到装修好新净啵,而且全部都系木制既枱同,有一种讲唔出嘅怀旧感觉🤗🤗枱上面仲放有一瓶腌萝卜,其实依家唔系好多铺头有得食呢啲,我劲锺意食罗,真系唔客气啦,呢度嘅腌萝卜整得好出色,我真系食咗好多😋😋萝卜牛筋饭,牛筋同饭分开上,一睇牛筋份量劲多,絶不吝啬🤪重重的胶原感喺度呼唤紧我😊😊急不及待食一够萝卜同牛筋先,萝卜配牛筋,牛筋煮得非常软淋及入味,萝卜入口绵化,清甜,重点牛筋口感软滑,配埋嗰汁,真系超级送饭呀❤️五香牛筋捞面,牛筋又系份量好多,炆煮得相当软腍入味,配埋秘制既五香腩汁,捞埋爽滑既面一齐食,摆落口真系多层既享受,重点系个捞面既汤底好正,简简单单嘅组合❤️下午茶时段,加$6就可以有一碟菜,我拣咗食菜心,呢个下午茶真系好丰富,有饭有面又有菜。久违了的宁静,配上好耐冇听过嘅收音机声,我喜欢呢种感觉🤗 继续阅读
(以上食记乃用户个人意见 , 并不代表OpenRice之观点。)
呢日lunch time俾大妈同事捉咗去太子排新开蛋糕店,佢话顺便带我去食好西😋。佢喺呢区屹立多年,话周不时都会嚟呢间位於界限街交界嘅面舖。正值午餐时份,所以坐满人🥺,好彩啱啱有人走,抹埋枱就坐得。面舖装修都几骨子,富有中国风,同平日港式嗰种好唔同。环境四四正正,座位阔落,又乾净👍。单并面食大部份$30,双拼面食或捞面就$35,另外仲有卖小食。我要咗柱侯牛腩捞面($35),走葱,有碗汤另上,不过我从来都唔知碗汤系点食😂,但就咁饮都几清唔错。至於碗面,望落唔觉大碗,但食落发现面量比平日嘅多,可能有1.5倍之多!牛腩有好多嚿,有少少筋,唔会得瘦肉。而佢个捞面就更出色🤤,因为好爽,全部煮开哂,唔会有未开面饼,加上无梘水味。同事就要咗凤城水饺粗面($30)加紫菜($5),面我无试,水饺🥟有3只,我就试咗只,只饺好大只好多馅呀,食到原只虾肉🍤!下次我会嗌呢样。另外我哋加咗3款小食,我唔知原来碗面咁大,好彩大妈擦得,可以包底🙈。每样小食平均都系$29,同碗面差唔多价钱,性价比唔高。不过3样都好食的,其中我最锺意炸云呑,果然系招牌!炸招牌云呑,有4粒,我开头以为系酒楼春卷皮嗰种炸云吞,但实际系锦卤云吞嗰种脆皮。好食啊,云吞本身正😋,建议点埋个甜酸酱食。.炸黄金鱼角,有5片,炸到黄金色👍。.炸墨鱼丸,有4粒,呢样相对普通。面店仲有自家制嘅腌萝卜,我去到边都一定会食,开胃嘛。味道唔错,比较特别嘅系萝卜系一片片的,而唔系一粒粒。总括嚟讲,呢间面舖又真系几出色,价钱比深水埗街边舖贵几蚊,但坐得舒服好多,饱啲又好食👍。小食都可以加嚟试下,但2人的话两样都应该够。多谢资深大妈推介,下次再嚟食过😙。 继续阅读
(以上食记乃用户个人意见 , 并不代表OpenRice之观点。)
香港人有边个未食过细蓉❓依d面家既港式粉面由细食到大, 一碗已经满足到我食慾同胃口, 仲有一种情意结太子开左间装修几靓既面店叫小蓉面家, 门面几吸引, 今晚就走左入去食碗面做晚餐原本以为装修咁新, 价钱比街边既面档贵少少都好合理呀, 但望下餐牌发觉价钱都好平, 30蚊既面成版都系。家传牛腩面一配简单既牛腩面带住浓郁既香气, 先呷啖汤, 好重腩汁味, 汤头做得好好! 牛腩软腍肥瘦比例好好, 面质爽弹最重要无简水味, 加埋佢既秘制辣椒油, 多方面配合成一碗靓面猪手捞猪手有两件, 爽弹有肉地好好味中意佢个碗好多韮黄既上汤, 香气加倍!蚝皇冬菇冬菇size中等唔会好细粒, 下面有生菜垫底, 索埋冬菇蚝油好味上汤浸菜又系有韮黄既上汤所以已经好香又清, 浸个生菜清清地健康过食油菜呀红枣蜜中意养甜饮品既我一见到红枣蜜就要佢啦, 好少地方有得饮, 好滋润又好饮两个面一个小食一个菜两杯野饮, 食到饱饱埋单都系百几蚊, 抵食呀 继续阅读
(以上食记乃用户个人意见 , 并不代表OpenRice之观点。)
等级4 2020-02-14
1 浏览
呢一个星期天,疫症依然,真系出街食都睇时间睇地方,本人比较紧张⋯⋯都系以安全至上😝 所以,晚餐都早啲食,拣小人啲嘅地方,拣枱与枱放得无咁密嘅食肆去食。今次,我俩搵到呢间,装修舒服,价钱正常,我俩又不太饿,所以拣了食面😁细蓉加油菜,还是茶餐时段,加六蚊就有油菜👍🏼 女友就叫咗黄金鱼角。细蓉到先,正常味道,唔算太细碗,六蚊嘅油菜都好正常,唔会大碟😝跟住女友碗黄金鱼角都到,鱼角就咸咗少少,一般仔😛 继续阅读
(以上食记乃用户个人意见 , 并不代表OpenRice之观点。)
等级3 2020-01-27
41 浏览
那天塞车塞了很久😣,在巴士里饿得肚子咕咕咕。於是一下车便去搵食了。小蓉面家座落於太子站附近,位置很方便,门面看起来也很企理新净,於是便进了店一试。点了碗牛根面,面来得很快,不用五分钟就来到了。牛根炆得很淋,面却很爽,份量不算很多,但当是下午茶就是非常足够☺️。汤底看起来有点油,可是吃起来也不会太腻,瑶上葱花和炸蒜,更添滋味。价钱经济实惠邻桌的人客点了炸云吞,看起来也很吸引 不过自己食一份炸云吞实在是太邪恶和热气了 下次跟男朋友来再尝尝 继续阅读
(以上食记乃用户个人意见 , 并不代表OpenRice之观点。)