小胖台灣麵

营业中

休息中

好少行到來H.A.N.D.S.，今晚朋友提議一起過來這邊食飯。原來這個商場都有幾多食肆，走了一圈後，決定食台灣野！來到位於商場zone a區域的「小胖台灣麵」。三寶包括了牛肉、牛筋和牛肚。牛肉厚身，口感軟腍夠味；牛肚爽脆有𡁻頸；而牛筋燉至半透明，入口充滿Q彈感。牛骨湯頭香濃鮮甜，牛味很香又不會過於油膩。麵條份量很多，掛汁帶煙韌口感。碗內另有生菜、紅白蘿蔔等配菜，頗為豐富。湯麵以外，還點了一客乾拌麵。同樣份量很多，麵條質感煙韌，拌上皮蛋、滷肉肉燥、青瓜絲、香蔥乾等，味道變得很香。鹽酥雞扒大塊，炸至脆卜卜，口感酥脆，帶著微微鹹香，肉質就嫩滑juicy。這個是一款涼菜。茄子拌五味醬，醬汁味道層次多變，既鹹又甜，既酸又辣，難怪名為五味醬。整體感覺都幾特別。2碗麵都加配了特飲。朋友點了珍珠烏龍奶茶，珍珠口感Q彈煙靭。而筆者點了凍朱古力，甜度可以自選，點了微甜。

屯門友愛邨開咗一間好地道的台灣餐廳，阿媽話聽街坊講好好食，一定要試下台灣小食同埋牛肉麵。喺屯門站搭輕鐵兩個站就到，都算方便。餐廳好大，環境好舒適。🌟#半筋半肉紅燒牛肉麵這招牌菜好正！牛肉麵的湯頭濃郁，帶著濃厚的牛肉香氣，而牛肉大件，非常嫩滑，有一半是筋，一半是肉，吃起來口感豐富。湯裡還有蔬菜和配料，增添了口感的層次感。🌟+甘梅脆地瓜 （$ 14）🌟+ 台灣香酥骨 （$ 16）加十零蚊就有一份#甘梅脆地瓜和#台灣香酥骨 。甘梅脆地瓜是好正宗！地瓜炸得金黃酥脆，外層撒上甜甜的甘梅粉，吃起來酸酸甜甜，非常開胃。香酥骨外層酥脆，內裡肉汁豐富，搭配店家特製的醬汁，味道更加美味。🌟#日月潭奶茶茶香濃郁，加上適度的甜度和奶香，非常順口。🌟#芋圓仙草材料豐富，份量足，仙草凍口感滑順，搭配著Q彈的芋圓，清爽又美味。呢間餐廳係我最近食過最地道的台灣菜，能夠係屯門食到好有驚喜。不僅牛肉麵美味，其他的小吃和飲料也相當出色。店內的氛圍舒適，服務態度也很友好。如果你喜歡台灣小吃，可品嚐一番！

屯門愛定商場翻新後多咗好多唔同餐廳進駐，小胖台灣麵就係其中之一，今晚就試試佢。餐廳乾淨企理，卡位都好闊絡，坐得好舒服。而落單係用QR code，非常方便。😆😆我地一人叫咗一款，我就揀咗半筋半肉紅燒牛肉麵，朋友就揀咗雞扒麻醬黃瓜乾拌麵。紅燒牛肉麵既湯底加咗紅白蘿蔔，入口清甜，味道唔會好咸好濃，有種好似屋企煮既味道。用料都唔手軟，牛肉肉味香濃，而且炆得好淋身，完全冇渣，牛筋亦都軟硬適中，有咬口，整體非常唔錯。🥰🥰朋友既麻醬拌麵花生醬味濃郁，麵條都煮得恰到好處，有彈性之餘仲好掛個醬汁。而雞扒都炸得好香口，入面好juicy，好有台灣風味。😍😍我地叫多咗兩款小食，一個鹽酥雞粒，另一個係涼拌麻辣牛肚。個人比較鐘意牛肚，爽口之餘同麻辣汁都好夾，下次一定叫大份食！😙😙食台灣野又點少得珍珠奶茶，我地叫咗一杯普通珍珠奶茶一杯白桃珍珠烏龍茶。特別係白桃烏龍茶，有果香又唔會蓋過茶味，配埋珍珠，甜度適中，黎到記得叫返杯啦。😌😌

我係住附近嘅，試過呢間餐廳嘅嘢食都唔錯，味道好，份量都夠，職員服務態度亦都友善（有一位職員除外），家中老人家話自己落嚟食飯落單時嘅問題比較多，職員都耐心解答。惟一可以改善嘅係追加小食份量太細，但總體都好滿意，所以開幕到E+我同家人一星期分別至小都會來兩三次。不過唔記得幾時開始餐廳來左個高大嘅男職員，基本上我來嘅時候佢都係在收銀。有一次我一家大細來食緊飯嘅時候，突然聽到嗰位男職員在收銀大聲呼喝其他職員”邊個包㗎外賣？”“我問邊個包㗎外賣？” 嗰位職員嘅聲量大同態度差到我附近嘅客人都紛紛擰轉頭去睇發生咩事，但當時我哋以為只係佢地同事之間既出錯所以並冇為意太多。之後有一日平日我大概五點多來食點嘢，當時餐廳只有幾檯客人，有一個客人坐喺角落頭，不停撩職員講嘢，突然嗰位男職員喺收銀走出嚟大聲指着果位客人喝罵，佢話 ”飲你就飲！唔好嘈住我啲客！”嗰位客人應該都俾佢嚇到，直到我離開之前個客人都冇再講過一句說話。當時我都嚇一跳，客人只係正常講嘢聲量都要俾人罵，乜餐廳唔比講嘢嘅咩？其他人一家大細來嘅話下場會唔會同佢一樣？我相信以呢位職員既態度，應該唔係第一次或者最後一次咁樣對客人，希望餐廳正視問題以免出現

今天過來食晚餐客人不是太多我與朋友叫了雞扒便當及鴨屎香手打檸檬茶便當🍱很快到了但手打檸檬茶遲遲未到我們以為製作需時，所以耐心等候誰知一等已經20分鐘，所以與店員反映。終於到22分鐘來了一杯但另一杯仍未見到，於是再追問店真，但一班店員聽完好似冇聽一樣，繼續與同事聊天，有傾有笑，還向其他店員飛吻。時間已到30分鐘，於是第三次再追問一次店員。等到33分鐘終於來了第二杯手打檸檬，邊緣沒有任何歉意及解釋，放下檸檬茶就走了。心情非常差😤🤬食物味道正常，但服務有待改善。

屯門友介紹一門位於安定商場內的一間台灣麪， 足料之餘仲好好味🤤… 當然要去食下。 （5⭐️最高）▶️濃・番茄大骨湯麵（5⭐️） 當中的番茄大骨湯麵，味道濃郁，會啖湯都有骨嘅鮮甜味，亦都會有蕃茄酸酸甜甜嘅感覺。而我選擇了排骨酥🤩，冇任何dressing， 放在湯裏令到湯的肉味更加濃郁😜。 額外點了南蚵仔肉巻，份量唔會太大，而咬落會有鎮靜肌肉碎香同埋蚵仔嘅鮮甜😍▶️鴨屎香手打檸檬茶鴨屎香檸檬茶，有一種特別的清涼嘅感覺🥰。 每次我都會覺得飲完鴨屎香檸檬茶之後喉嚨會非常舒服👍🏻。 ▶️招牌三寶牛肉麵 （5⭐️）三寶牛肉麵 當中包括有牛肚、牛筋、半斤半腩的牛腩。半斤半濫是指唔會太肥，但又好滑溜嘅位置而且煮得好腍身入口即溶，而且用都好入味。▶️珍珠奶茶🧋入口香濃又滑，珍珠而且好彈牙。

屯門抵食大份台灣菜皮蛋醬滷肉香蔥乾拌麵 配雞排$58超級大件嘅香脆雞扒，鮮味惹嫩多汁夠晒厚肉地，成個香蔥乾拌麵都好足料，有勁多嘅青瓜絲撈埋爽滑彈牙嘅拌麵，口感層次一流，再加埋好味嘅皮蛋同滷肉撈麵，真心冇得彈！濃•番茄大骨湯麵 $38呢個對於選擇困難症嚟講係好正，先揀湯底再可以自己慢慢揀食乜餸，今次就揀咗手切封門柳 $12 墨汁花枝丸 $8 古早味炒酸菜$6，香濃嘅蕃茄骨湯底夠晒濃味好滋味，佢仲特別喺配料度加咗炸蒜令到成個湯底更濃郁，封門柳肉汁鮮香，配上蕃茄湯底更加出呢個牛肉味！甘梅地瓜 $28小菜我哋叫咗炸地瓜，金黃香脆嘅外皮包住鮮甜入味嘅地瓜，外面仲有少少甜甜地鹹鹹地嘅感覺食落都幾滿足！半價升級手搖茶 固定甜度同冰度冰爆咕咕力 $26白桃珍珠烏龍茶 $26小胖台灣麵 (屯門)屯門屯門鄉事會路2A號愛定商場(H.A.N.D.S) A區1樓A122號舖

我哋今次嚟到屯門住宅區搵嘢食😋，嚟到輕鐵安定站🚉，一出已經有天橋入商場。商場翻新過，裝修都幾好🌟，我哋就揀咗一間高質台灣菜餐廳🇹🇼。.🐮濃純香牛骨湯麵($40)牛骨湯味道超香濃🦴，仲有蔥油調味，而且加埋和牛油嘅油脂感、香草味，超級惹味😋。手切封門柳(+$12)🐮份量合理，而且牛味好夠。滷牛筋🐄(+$12)大大嚿夠晒口感，食落滿滿軟腍嘅膠質。海鮮蝦油條(+$10)🌊外層炸香咗，又有油炸鬼嘅香味，裏面包住彈牙、有粒粒海鮮嘅蝦滑🦐。.🍑白桃珍珠烏龍茶(+$13)本身白糖烏龍茶味道清香，有果香、烏龍茶香，而且唔會太甜🎐。配埋彈牙嘅珍珠，同埋煮珍珠嘅黑糖水，配埋一齊甜度啱啱好🧋。.🍅濃番茄牛骨湯麵($38)蕃茄酸甜開胃嘅味道幾好味，同樣配埋黃牛油更加香🤩！而且兩款面嘅麵質都煙韌彈牙，又夠腍身，我哋好鍾意🍜。手切封門柳(+$12)同樣係好夠牛味🐮。台南蚵仔肉卷(+$10)🦪口感厚實又彈牙，裏面嘅餡好有蠔餅嘅蠔仔韭菜味！麻辣台灣鴨血(+$8)🦆味道夠香，而且口感好滑。.🍋鴨屎香手打檸檬茶(+$15)比起特登喺飲品舖買夠平，而且夠大杯💰。飲落去，檸檬果肉啖啖都飲到一絲絲💥，香水味嘅比例啱啱好。.🐷香蔥

🚇交通：近安定輕鐵站，在Bagal Cafe旁邊那一行商店。🏠環境：設室外和室內，室外佈置如一個小花園，但只可以以外賣形式享用，所以我們就轉入室內，面積大，設有二至四人卡座，簡單裝潢，舒適乾淨。🤵🏻服務：QR Code，不收取加一。🍽️午市：提供湯麵、拌麵和車仔麵套餐，選擇多！🐮半筋半肉紅燒牛肉麵🍜 $78🤩第一見到配料是舖滿整碗麵😮，有三至四塊的牛肉，跟手掌那麼長身厚肉🥳，口感很軟腍😋，亦有幾塊牛筋，膠質如啫喱般軟綿😍，亦黏口。搭配了蘿蔔塊和唐生菜🥬，麵如上海麵般有口感，😆完全吃不了那麼多！🥚皮蛋醬🐷滷肉香蔥乾拌麵🍝配🐥雞排 $58份量挺多，😍鹽酥雞排炸得外酥肉嫩，滷肉多肥膏，醬料重醬油香和帶點微辣😚，搭配青瓜🥒絲和皮蛋片，十分惹味開胃🤤。🥣芋圓仙草 $28份量正常，芋圓口感軟韌、軟綿的紅豆加上煉奶，不錯👍！🥤鴨屎香手打檸檬🍋茶（凍） $15最近香港也很流行的特飲，帶點檸檬🍋的澀香。🥤古早味手搖酸梅汁（凍）$12跟平常的酸梅汁有點不一樣，難以形容！

冇餐牌，要入到去掃code 先知有咩食叫左牛骨湯麵$40、排骨酥$12、再加兩隻蛋餃$6、冬瓜茶（免費）牛骨湯好似紅燒牛湯一樣（個顏色），但冇乜牛味，雖然唔知咩味，但食得落口。排骨酥先差，炸野放入湯，一d都唔脆，不過放一陣已經唔脆，應該都唔係即炸。排骨得5粒，真係舊舊有骨，仲要係肥肉，我一舊都唔想食。唔好叫排骨，叫肥骨好啦。蛋餃有兩隻，又係細細隻，冇乜味。麵就好很多，食哂一定飽。飲品方面，得無糖烏龍茶同冬瓜茶係免費。其他奶茶咖啡都要加$11-$15。冬瓜茶甜到hihi, 冇得擇甜度，糖尿病之選。冇下次。

今日lunch同6個同學黎食小胖台灣麵，我哋全部都係食自選麵，因為價錢平d，40-50蚊包野飲其中我同另外一個同學揀剝皮辣椒湯，另外4個食蕃茄湯。我覺得剝皮辣椒嘅味道好特別，將嗰啲剝皮辣椒條連埋個麵一齊食，個口感好豐富，可能因為我本身鍾意食辣嘢，連埋一齊食覺得好好食其實我來食咗幾次，真心覺得啲湯底做得唔錯有水準保持到，同埋快靚正作為一個中學生，性價比梗係第一，味道係第二。我哋通常食，一係就叫齋麵，一係就叫一個餸$6蚊。始終有啲餸貴少少，唔係好捨得食。如果呢間舖可以為我哋學生提供一啲優惠，我相信會更加多同學來食，例如有啲餐廳出示學生證或者着校服會平d，或者學生加個餸會有優惠咁其實我間學校都好多人特登過嚟呢度食嘢，睇吓呢度有冇位，咁啱今日有大枱，六個人坐喺度食幾舒服

今日放假同朋友周圍行，見到小胖台灣麵下午茶唔洗排隊，同個朋友膽粗粗入去食少少野，同埋想坐陣傾下計咁。入面都幾大，幾好坐，岩哂我哋。不過因為我地午餐食咗野，入去只叫咗1個麵加2個小食叫咗一份香辣炸雞扒，－個芋圓仙草想講嘅係d炸雞扒幾好食夠脆夠香，加咗啲調味粉好好味食落中間仲有肉汁另外芋圓仙草啲芋圓幾彈牙，仙草入面有紅豆有埋花奶夠晒香，食完個麵同雞扒再食佢啱啱好不過嘢飲方便就好似貴咗少少，好彩入面有水提供今次嘅體驗總括嚟講都算好

今日叫左蕃茄湯麵，加夜市排骨酥同唔知咩卷。本身仲以為夜市排骨酥即係係炸豬扒，唔係都算，可能係我理解錯，但竟然個排骨酥係有骨嘅，仲要係大粒嘅骨。加12蚊，得3粒有骨嘅豬肉粒粒。蕃茄湯麵雖然個味道okay, 麵條份量都多，但餸真係太少了。最離譜嘅係，炸嘅野食竟然放入湯麵度？！成舊炸野變到淋patpat, 難食到不得了係咪洗多隻碟嘅成本都要慳？唔會再試！希望餐廳可以重新檢討下呢個唔合理嘅做法！錢唔係咁慳嘅！

我喺附近做嘢，3次lunch time 來食小胖台灣麵都好多人，好多學生。不過佢哋出餐幾有效率，三次都係10分鐘倒，就出到碗麵我食👍我三次都係食蕃茄湯，只係配唔同餸，佢哋個湯底保持水準幾好食👍，今次揀咗魚腐、蝦油條，價錢叫做中中間間。自選湯麵三次都好夠熱👍味道酸酸甜甜鹹度適中，打工仔都但求快捷方便，話晒都係得一個鐘頭食嘢。希望佢哋keep到水準之餘，又繼續有咁嘅效率😆希望下次到訪再試吓其他面底同埋湯底👍繼續加油

今日去咗屯門安定探朋友，佢話樓下新開咗間台灣野，咁就同佢去試試。見到佢招牌大大個寫住招牌牛三寶麵，咁就當然試吓佢啦一上到枱，已經聞到濃濃嘅牛肉味佢入邊有牛肉（好似牛腩咁）牛筋、牛肚、蘿蔔等等，但係估唔到嘅係佢牛腩真係原條上，炆得幾淋，亦都幾入味雖然唔係話好平，我記得大概都要$82，但係呢個份量同質素都符合呢個價錢嘅喺屋村要賣到呢個價錢嘅麵唔係咁容易，如果$82能夠配送一個小食，我相信會更多人能夠接受