影片
招牌菜
相关文章
食记 (65)
朋友话有半价CAUPON 所以我地成班就约左去食呢间小肥牛我地一入到去姐姐就介绍我地食放题+海鲜态度服务唔错 D海鲜都算新鲜 当中最值班推介既系安格斯牛肉但要+多68蚊先可以任食 如果唔系只系比人碟你整体上都唔错啦 有机会都可以再试
继续阅读
本来路过食餐饭都费时打咁多字。叫咗啲牛肉$80碟，非常薄，而且质素极之一般，乌冬一小块，一碟又收你几十，加埋啲丸，叫咗几碟埋单已经每人200几，整体黎讲价钱极之唔化算。呢个份量都质素附近大把更好的选择。最唔合理嘅系本来有几张coupon又话乜冇预先登记唔用得，又话坐低时有提(同枱根本冇人听到，从来冇写明)，一听就知系无理由，你发得coupon又有埋印即系预咗条数，人地揸住正本用你都赖帐唔认。费时同佢拗，当食贵啲以后唔驶再去。难怪假期都咁小人，各位去食自己小心考虑。
继续阅读
不知所谓的火锅店，食物垃圾，服务零分，食到一肚火。 见佢系大围开左咁耐未食过试下啦，即「中伏」。$988 个九层塔完全呃钱，份量奇少，海鲜唔新鲜，食头3层都系蚬，蚬同蚬，无错，加埋都唔知够唔够半斤既蚬，咁就1/3个塔！第4层迷你带子，细过你食带子肠粉入而果粒带子，第5层8片仔鱼，随鱼附送鱼鳞，第6层同7层分别系蟹同龙虾，不过都系超迷你，最底层就系靭过香口胶嘅鲍鱼，食完都唔知食左咩落肚，咁就盛惠$988。另加啲火锅配料都系十分极之唔掂，水饺有酸味，叫佢退返，职员即刻耍太极，话如果退佢要写报告㖞，咁既藉口真系闻所未闻！跟住叫左个乌东，点知得一个，咁就收$40大元，即刻xyz#%... 三个字讲哂「贵夹少」，都唔想再讲点差。食物唔掂，我当我地唔好彩，最多下次唔再来，点知一收到张单即刻火都黎，手抱婴儿和两岁都照计酱油钱（$17位），照计酸菜钱（$24位），无x野呀，问佢话摆左位就要收钱，咩手法呀，任「㓥」？ 食物呃秤都唔够，连呢啲都要呃，呃人呃到尽，绝对不会再帮衬！！！！
继续阅读
寻晚成班朋友拣左大围小肥牛食晚饭聚下，去到见到有好4-5个套餐，个个餐都有唔同既海鲜食，我地人多，最后食到劲饱饱咁走，介绍一下先，佢地餐厅环境分别有大厅同房仔，位置阔落就算一大班人聚埋都唔会觉得坐得迫迫夹（当然我地个个身形都唔细下），举手一叫侍应都好快就过黎处理，反应都好好介绍食物之前，打边炉㖞，最紧要系个锅同炉，呢到用既系电磁炉，唔会感到好热，个汤铜又大大个，就算一大班朋友个个都放野落去都唔会煮唔到，可能因为设计好，起码唔驶成日不停叫加汤（其实可能因为侍应贴心，成日都有行开行埋帮我地睇埋够唔够，好多时未叫，佢地都会主动帮我地加汤，所以唔驶倾住计都要成日挂住惊滚浓）轮到介绍食物啦！呢到既海鲜劲鲜甜，虾同龙虾质感爽口，花甲同扇贝，鲍鱼食落唔会有沙，最开心系食蚝（大细有如小朋友手掌）劲肥美，至于肉类（因为个个都系牛精）所以叫左几款唔同既牛肉，碟碟都劲新鲜有牛味，唔膻唔韧，鸭舌同椒盐鲜鱿冇得输送啤酒一流手打虾丸，墨鱼丸，牛丸都弹牙，汤底又够味，鲜鱼刺身又鲜甜（唔会差过日式店）成班朋友一致好评，系聚会好地方食饱饱埋单，仲有一大叠$100优惠券，下次又可以要黎食过啦！
继续阅读
今日趁阿仔放假，一于出街食好野，路经小肥牛，见有套餐做特价，4人套餐啱晒我地，套餐汤底有3款拣，牛肉又可以拣，又有刺身食，仲包埋饮品……正，特价都系$888，真系超值，4个人都食到饱晒，服务都算唔错，一个字……正
继续阅读