小糖鈕 (已結業)

星期六有節目約會友人於尖沙咀小糖鈕 共進午餐步入餐廰，眼前一亮，裝潢設計以大大小小鈕扣為主，色彩繽紛，黃色 淺绿色漂亮椅子，牆壁上仍有一些畫作，環境真的不錯點了鮮茄野菌雜菜意粉 $69小小車厘茄、鮮菇、洋蔥、粟米粒等等爽口意粉🍝餐湯選擇 南瓜🎃湯軟滑 濃郁.... 香 最後，奉上甜品綠茶泡夫，旁邊有一粒白色鈕扣（朱古力）味道一般般啦

小糖鈕店名可愛，店內色彩繽紛，無論擺設，食品造型大多以鈕扣為題，不單吸引女士們，連小朋友也會喜歡的。午餐套餐只幾十元，尖沙嘴區內非常抵吃。招牌海南雞飯是我所選。賣相了得。雞肉滑溜，皮薄爽脆，沒有多餘脂肪。有三款醬汁，辣的，甜的....蘸著來吃增加調味。雞油飯好香，不油膩，粒粒分明，滋味。雞清湯清清地，鮮甜。混入菜蔬，豐富口感。套餐奉送花茶一杯。甜品是抹茶泡芙，的骰一小粒，好味。伴碟是鈕扣朱古力，可愛到不捨吃掉啊！

Came here on a weekends, a artistic and neighborhood cafe on the 3rd floor of the building! To start with, if you like hai nan chicken, this is one of the signature option they got! Chicken was indeed tender and succulent! Did not disappoint at all! 海南雞飯$8蜆肉白汁意粉配吉列蠔 $80The highlight of this pasta was definitely the fried oyster! Quite decent pasta! 蜂蜜桂花茶$15

食既呢款甜品叫做柚輪 😋有個沾左糖粒既拱形半圓環係拿破侖脆片 🤯下面放左半柱形狀既柚子雪葩 🤯上面貼上三粒鈕形狀既白朱古力 造型幾得意 🤩旁邊放左條抺茶味既蛋白脆條 🤨碟下角有一堆柚子 雪葩有一小塊薄荷葉做點綴 👀設計擺盤方面幾精緻🤩唔只外形吸引 味道都唔錯架 😋拿破崙酥脆可口牛油味香濃 抺茶味蛋白脆條入口即化 🤤微甜 配上淡奶味同柚子味既雪葩 🤩再加埋鮮甜既柚子黎食 有多重享受 正〰🥰💗💗️ 

好耐之前係元朗食過一次，嗰次淨係食甜品，覺得佢啲甜品都幾精緻雖然元朗店搬咗黎尖沙咀，但水準依然1️⃣香煎帶子柚子沙律（$159）帶子煎得好香，仲要有成三隻咁多🤩西柚食落好清新好正😋2️⃣海南雞飯（半隻）（$180）雞好滑好嫩，份量都好多，仲比咗兩碗飯我地🤣 個辣既薑蓉醬都好特別3️⃣至尊澳洲和牛芝士漢堡（$169）除咗有和牛，入面原來仲有蛋同煙肉🥓，牛同煙肉都煎得好香😋4️⃣柚輪（$98）拿破崙整既圈，入面放咗個柚子雪葩，再加埋西柚做伴碟，賣相超靚😍拿破崙好夠脆，雪葩好夠凍，唔會好快溶，食落夠哂清新🌿

今日約左女朋友食晚餐，佢打黎話要遲收工，我即刻搵間餐廳先食少少野！記得女朋友講過尖沙咀有間甜品西餐廳，由元朗搬到尖沙咀，今日就去試試啦！因為約左女朋友食晚餐，食少少野填下肚。餐廳玩味十足、色彩繽紛。空間感好充足。紫菜煙肉蠔卷。小食既選擇有好多，款款都好吸引。雞翼、餃子、蟹蓋⋯好多都想叫黎試試。紫菜包著煙肉和蠔，蠔肉大大隻好多汁，煙肉煎得香口，紫菜脆口味道咸香。越式順化豬肉串。豬肉肉嫩香口，豬肉燒得唔會鞋口，入口肉香甜美，中間略有肉汁。外層香口調味濃厚，豬肉鬆化有肉粒。

呢間餐廳我同細妹之前已經慕名黎過兩次，但兩次都full booking入唔到去食。今日專登打左去book枱，終於都成功食到！（佢地仲好細心咁問有冇人生日或者要慶祝！）Book左8點，7點9左右去到都入到座。（可能因為肺炎而少左好多人）咁我地兩姊妹就係去食晚飯唔係食甜品嘅。家姐嗌左個日式鰻魚炒飯（HK$139）個飯好大碟，女仔可能會食唔晒一碟。啲飯一粒粒唔會太乾又唔會太濕、有啲鰻魚汁甜甜地咁好正！入面有蛋、青豆、蘿蔔，不過鰻魚粒唔算多。另外細妹就嗌左香煎比目魚扒伴薯菜（HK$159）呢個份量啱啱好，因為係魚扒唔會太飽，但如果食肉可能要多人share了。成碟嘅香草味都好重，一上菜已經聞到好香！個魚扒好食煎得啱唔好，魚肉夠嫩！細妹好鍾意，但家姐就覺得有少少太鹹，大家可以自己斟酌一下。薯仔好raw似係新鮮嘅而唔係加工野，不過薯仔皮就有少少厚。最後比多張相大家睇：總結係呢間嘅食物都係中上好食，價錢係尖沙咀嘅晚餐黎講唔算貴，性價比高。但因為份量都算多，如果多幾個朋友黎食就可以嗌幾樣野share，抵啲又可以試多啲野。埋單HK$328，人均HK$164。

今日同事帶我到尖沙咀小糖鈕食午飯。一踏入小糖鈕的餐廳,牆上一粒粒的小糖鈕和一幅幅的畫,色彩繽紛,十分Colourful,好美~ 感到在這環境吃飯,是多麼快樂的! Lunch set包湯和或salad,主菜,和甜品。價錢約七八十圓一個set lunch, 價錢合理。野菌芝士安格斯漢堡$87漢堡包有份量,最頂一層包是芝麻包,很香脆, 中間配了菇和芝士,及安格斯漢堡。安格斯肉不嚡口,嫩滑易入口。我們都對這個野菌芝士安格斯漢堡評價好正面。旁邊的薯條亦十分脆口,沾上茄醬,簡直滋味無窮。是日餐湯是南瓜湯, 南瓜湯濃稠。

香草燒法式羊架🐏：佢比左三件大大件既羊架你，燒得香而食落冇咩羶味🌸，咬落唔韌！同埋佢d伴碟薯菜好食，source做得好🌟鮮蝦蕃醬意粉🦐：呢個意粉有驚喜！❣️佢個pasta係有咬口煙韌既，用左大量新鮮蕃茄整、味道唔似罐頭茄膏～我係可以高速食完佢🙈啊，如果佢個蝦係用新鮮蝦而非炸蝦就更好啦！-提提你，最好一早打定電話訂枱，我哋入到去嘅時候見到好多枱都係預訂咗！另外一提，佢哋嘅服務都唔錯，好有禮貌～

本身諗住去睇戲，又未夠鐘，就周圍搵下嘢食，本身以為呢間鋪剩係得甜品食，原來都有晚餐喎，反正未嚟過，就試吓先。入到去餐廳，全部都係紐，紐同埋紐亞呀，店舖嘅周圍都有紐做嘅裝飾，同埋佈置，一入到去就見到吧枱上面賣緊佢哋自己整嘅特色甜品，如果唔係買咗零食去睇戲，都會試吓啊。雖然唔係好肚餓，但都想食少少野先，甜品就下次先再試。先來點左咖喱芝士焗釀迷你蟹蓋$25/pc，最少要點兩件起，惹味的咖啡鋪滿釀料上面，混合埋釀著既薯蓉，及其他餡料，很好吃，而且內裡仍能吃到蟹肉，不錯不錯。主菜就點左至尊澳洲和牛芝士漢堡 $169漢堡好厚，入面有煙肉，煎蛋，燒菠蘿，雜菜，再拼炸薯條，煎蛋係流心嘅，可以用來點包食，燒菠蘿令個包帶點甜味，芝士同漢堡融為一體，yummy。見到隔離枱開酒飲，吧枱上面又有好多酒放咗響度，但又唔見有drink list，原來嗰啲係老闆嘅珍藏，但係都歡迎朋友帶酒黎飲呢。

甜品簡直係令我心花怒放～ 好好味！裝飾擺設都好吸睛！ ❤️❤️ 同朋友叫左 幾款甜品一齊食～ 最中意係 富士蘋果撻 同 Bailey’s Cheese Cake ! 個富士蘋果撻 好清甜，又唔會好膩～ 正呀！ 🥰

開頭我以為叫sweet button主要係食甜品。不過今次黎無試到甜品，主要黎食主菜同小食。主菜方面，佢個黑松露忌廉意粉好香好creamy，海南雞飯雞肉好滑，燒澳洲豬鞍真係最推介，好味之餘個層皮好似燒豬既皮又脆又甜同香，饅魚飯相對其他主食就顯得較普通，同埋個飯粒好似太稔。係小食方面小食就普通過主食，個芝士薯條係粗身薯條，好味但薯條唔夠脆，芝士醬同薯條分開會較好，至於小食既雞翼方面，雞翼個味係好味但唔夠juicy。食物質素服務同環境都好，而且食物價錢公道。美中不足係個地點係3樓係條街難以察覺呢間店既存在。(賣相唔好睇但好好食既豬鞍。)

出門晚飯吃飽後當然要來個飯後甜品，反正甜品是另一個胃的，今天小倆口去到尖沙咀，看到這裡有一間樓上的甜品專門店，便一於來試試看。樓上舖的好處便是地方寬敞，座位眾多不用等候便可以入座。餐牌的選擇頗多，看得眼花撩亂，每款甜品的賣相也十分精緻，對有選擇困難症的我倆實在是一大挑戰。首先點了另一半的最愛「富士蘋果撻 (Warm Fuji Apple Crumble Tart)」，而我雖然很想要這裡的signature大糖鈕特選拼盤，但實在怕吃不下，只好退而求其次點了小一點的「神秘甜品 (Mystery Sweet Button)」。沒錯就是神秘，神秘到連店員也不知道這是甚麼，是甜品師每天特選的三款甜品，只有上桌時才會開估！OK我喜歡，就這個吧。先來的是富士蘋果撻，賣相十分特別和漂亮！最適合IG打咭，另一半當然不會錯過這個機會。烤得甜甜的蘋果肉和曲奇在下面，中間是雲呢嗱雪糕，上面亦是用蘋果做的脆脆，口感多層次而豐富，是出色之作。然後是神秘甜品，原來一碟是有三個款色，都是甜品師是日精選的，而今天的有芝麻麵包布甸、椰子飯布甸和乳酪芝士蛋糕。光聽名字都知道這個甜品師是大膽創新的類型，喜歡驚喜的朋友絕對不能

小糖鈕以甜品為出名為主，大家都慕名而黎。除甜品外，餐廳主食都十分出色，而網上風評都唔差，所以都要專程黎食。午餐有套餐選擇， 由前菜至甜品，呢個價錢都幾吸引！煙鴨胸麻醬沙律前菜鴨胸都大塊，肉質爽口唔油膩。海南雞飯附3色醬料，個人喜歡黑醬油、酸辣醬的味道。海南雞皮皮滑甘香，皮下有啫喱膏。雞肉無骨，肉質軟腍有彈性。雞件底下有配菜，旁邊有蘿蔔青瓜，醒胃解膩。配雞清湯，湯內有椰菜絲豆腐同冬菇，清甜有雞香。芝士牛肉蘑菇漢堡配薯條包身烘得鬆脆，牛肉超厚身，大大啖食落可以感受到豐富肉汁 ，肉質亦都彈牙有口感，加埋半溶芝士同醬汁好芝味！甜品今次套餐甜品係綠茶泡芙 ，有抹茶粉朱古力鈕招牌作點綴。 泡芙口感鬆軟，綠茶吉士creamy適中，抹茶味濃香。玫瑰無花果花茶（凍）花茶清潤美顏，甜度適中。套餐前菜至甜品都已經好夠飽，係同區黎講性價比絕對不錯，下次可以專程再試試佢既甜品🍮～～

年尾約了食大餐，之前想好好休息下，從眾多黃店中揀了這間有咖啡甜品的一間，選了蘋果薑茶，唔係茶包啊，之前去一間係茶包，味道差太遠，侍應非常有禮，對每台一樣有禮，有歌聽，休息嘆杯，回復精神再去下埸