小甜谷 (已結業)

其實我都食過小甜谷幾次，每次都覺得無乜特別，去幫襯都是因為就脚。天寒地凍，點了熱的腰果露，不太甜，有腰果味，一般水準，$36一碗，貴！ 芝蔴糊蛋白杏仁茶算做有少少睇頭，起碼一碗糖水有3種味道及不同質感，$36一碗，都係貴！ Don't think I'll be back!

食到好飽 仲係要食甜品 因為咁先夠完美。第一次去小甜谷 店小小 坐位有點迫。我點了楊枝甘露涼晶晶 有黑白涼粉 西米 芒果幾甜 有椰奶的香味。朋友仔分別點了～宇治金時紅豆雪泡 普通。只有好淡的抹茶味 冇咩特別。抹茶軟雪糕 香滑 茶味濃 配合紅豆和芝麻湯圓 幾好味。窩夫配焦糖雪糕 Woooo 窩夫香脆 焦糖雪糕好香 Yummy!木瓜杏仁茶 甜度適中 杏仁味香。整體其實都不錯 但亦不是會常常掛念的甜品店。

食完飯就緊係要食甜品喇！這是常識吧！今日同好耐無見嘅舊同事係尖沙咀食飯聚聚，食完正餐同事就建議去食甜品。附近正好有小甜谷，睇完餐牌就俾綠茶雪糕吸引咗行咗入去坐底。我地一行三人，叫咗兩杯綠茶雪糕同一碗湯圓。綠茶雪糕杯，配有薄脆碗，紅豆蓉同芝麻湯圓。雪糕分量比睇餐牌仲要大仲要高，好大分好驚喜丫~~~~~綠茶配紅豆係無得輸，正！芝麻湯圓就略嫌皮太厚了。朋友仔叫嘅淨湯圓都有同樣問題，湯圓細細，皮厚餡少。

食物甜品選了芒果杏汁豆腐花和凍紅豆3.6牛奶布丁。芒果杏汁豆腐花的杏汁不夠杰，香味很淡。豆花不夠滑且豆味不重，唯一可取是芒果很甜。凍紅豆3.6牛奶布丁奶味比較重，入味較綿但不太滑，不知道是否因為雪了很久，紅豆大粒，煮得很溶很甜，不錯。環境雪白的地方、光鮮明亮的燈光令人十分醒神舒服。只是地方比較淺窄，整間鋪只能容下約十至十二名顧客，但坐上六到八個就已經感到有壓逼感。衛生檯凳都很清潔，地上也沒有污漬，十分清潔。服務店員招呼都算爽快，下單，上甜品都很快手，惟不知道有些甜品售完卻沒有提醒，結果轉了兩次Order。有時後店員掛著與同事聊天忘了顧客存在，好像我叫埋單時就要多叫兩聲店員才有反應。總結小甜谷在香港好像算是挺受歡迎，在大坑分店經常人滿為患。可是今次吃過也只屬普普之列，但價錢比普通糖水店貴一點，值不值就由待食客自己判斷了，我自己就覺得一般。

今日同男友係尖咀買完衫, 佢話有D肚餓, 但又未夠鐘食晚飯, 咁我地就近行下見到呢到有間小甜谷, 就入去食少少野啦, 我地好耐都無襯過.呢度個位有D入, 係條街既盡頭. 而入到去都坐得舒服, 仲見到有唔少明星幫襯過添先叫左個咖啡奶凍, 一食落口, 面個D脆脆腍哂既...... 口感不爽, 我會見議用粟米片, 效果應該會更好, 終於等到食哂D脆脆, 個奶凍個味都無乜特別, JUST OK.另外叫左個抺茶新地, 個綠茶雪糕有驚喜, 好重綠茶味, 而旁邊的白玉係我既FAVORITE, 佢唔係一般的白玉, 裡面係有芝麻餡的, 而個紅豆又唔係太甜, 呢個OK好食!舖頭門面光鮮, 但點解會有個國語拼音係下面? 感覺有D奇奇怪怪咁, 莫非佢既TARGET CUSTOMERS唔係我地?

一心去新天地飲湯，六時許仍未開門。大熱天，唯有去對面的小甜谷吃個甜品等待開門。小甜谷在大坑開店時未幫襯過，今次能不用排隊一嚐滋味也不錯。時間還早，除了我們，還未有客人。店內一幅牆上掛滿了明星顧客。河馬的楊枝金露涼粉，除了柚子杧果，還有白色QQ的涼粉狀jelly。配合起來，口感特別，柚子酸加上忙果汁的甜，非常開胃美味。河馬太的抹茶雪糕，抹茶香濃，配上紅豆蓉，中和了抹茶淡淡的苦味。加上兩顆迷你黑芝麻湯圓，湯圓皮薄而彈牙，整體不會太甜。連不好甜的河馬也不停偷吃。小甜谷甜品種類不算獨特，但質素不俗，怪不得我們離開時正不斷有客人到來。

係open rice睇食評同十大十居其九都係甜品呀!!!!!!!!!!!!!真係太過份了~~ 叫人點忍到口呀!! \_/"不過間間都咁hit, 間間都排隊排到癲......咁熱既天氣, 都咪話唔惡頂......上次同朋友係山林道食完韓燒7080再追加多個dessert time就比我搵到在金巴利道的"小甜谷"!!((谷祖琳開架))比以前去大坑食時多了很多新品~又轉了新餐牌喇!!宇治抹茶軟雪糕新地小女點的, 沒辦法, 這期抹茶大熱~搞到好想食!! 雪糕好香茶味, 質地偏軟身, 所以要快食XDD小丸子也香軟Q彈, 配埋紅豆成件事match到加零一!!!!差點忘了說, waffle也非常脆口, 大愛!!榴槤飄香朋友點的, 一來到就有勁濃的榴槤味!!果真是榴槤飄香!!啖啖果肉, 加上大西米, 冰凍爽口夏天必食!最重要係, 唔使排隊就食到好味道的甜品心樂透呀!!!

今天約了男朋友談談情說説笑， 經過一間甜品店，聽朋友説過這間好像不錯，於是我們便抱有希望地入內試試。我們叫了一客芒果酥, 它味道不錯，面頭鬆脆，內裏軟滑，再加上糖霜和熱噴噴的樣貌，配以一個焦糖味雪糕球，感覺很是滿足。但美中不足的是我等了超過15分鐘甜品才到，而店員事前亦冇說明，至令我們等了又等，實在不是味兒。但總括而言也可再光顧的。

食完正餐仲想搵個地方傾下計 就行去天文台道 搵下搵下見到小甜谷唔洗等位 即刻入去食！芒果千層酥皮卷配雪糕：呢個係熱食，芒果唔酸，酥皮好鬆脆，雪糕可以自己揀味！一碟有九舊，一個人食都幾飽！抹茶雪糕：一般抹茶，唔係好滑，無咩特別，唔會係首選。燉牛奶：熱食，都幾滑幾香！因為無人等位 所以可以傾下計 唔洗被趕走！

呢度好夠光猛坐得好舒服下。因為呢幾日天氣突然變番凍係門口出面食飽西北風，所以同女友叫左熱既杏仁芝麻同熱腰果芝麻，女友本身唔食杏仁味糖水但試左我碗杏芝兩啖都話又幾好味喎。而佢碗腰果露亦好香好滑！估唔到小甜谷中式糖水都好好味！本身諗住只食兩碗熱糖水點知比隔離 order 既焗酥卷吸引住視覺同嗅覺，出面真係好少地方有熱辣辣酥卷食。酥卷原來有得係幾種雪糕中揀一種，OMG 竟然係 Glacio！！Glacio 係尖咀一個球都唔平啦... 咁呢個酥卷真係超值！店員話而家榴蓮唔係當造所以只得芒果酥卷，無問題因為兩種生果我都鍾意食~等左大約15分鐘酥卷上枱，見到個太陽樣同聞到香味已經忍唔住叉落去。外層好鬆脆，入面有厚厚芒果同蛋糕，無想像過熱食芒果會咁夾。酥卷+芒果+雪糕+自家製吉士醬... 好快成碟KO哂！臨走見到有兩枱客 order waffle... 我今日飽到有D超額了... 下次必定再來試~

上星期日係尖咀附近食完飯就周圍行下，點知原來依度開咗間小甜谷，大坑果間太唔就腳所以講咗好耐都無試過！今次咁近一定要試啦！侍應好有心機介紹依度嘅招牌，但係2個人食完dinner都飽飽地，所以叫咗一個宇字抹茶軟雪榚配紅豆、芝麻湯丸試下！拎到上嚟賣相好靚，雪糕嘅綠茶味好濃郁，甘甘地，唔似出面就咁開水溝稀哂咁，得個甜字。用紅豆做陪襯啱啱好，少少甜，中和返綠茶嘅甘味。大讚！下次一定會嚟食過！

當天晚上蠻多位置的, 很無奈服務員要求我們坐牆邊很迫位置. 點了合桃糊豆腐花, 糊身不錯, 如能再滑一點就好了. 豆腐花蠻滑的, 無奈味道跟本太像百福豆腐花, 所以38元一碗來說實在完全不值得

婚紗街的掘頭巷，不太起眼，亦因為係咁，所以可以把摺枱凳都擺出門口，因此不即使十時多都不用等候都能即刻入座店舖的確小得行，牆上以明星光臨嘅相做裝飾 價錢唔算好貴~~可能我miss左另一張menu,所以我地都只係點左好普通嘅甜品楊枝甘露，感覺好足料朋友話好有綠茶味呢個我點，等左成廿分鐘，遲黎左但好有禮貌解釋~~~實物外觀跟相片有出入^^",紅豆亦比預期少，但好夠淋，蛋白唔會太實，好味

跟朋友吃完難食拉麵後(真的好難食，在附近的), 無意中找到小甜谷。為補償心情上的損失，我們照衝進來。衝得好呀~ 非常好吃！！朋友強烈推介之前吃過的咖啡奶凍，另外點上了宇治抹茶軟雪榚新地及千層酥皮芒果卷配雪糕。咖啡奶凍雖然細細樽，但滋味無窮。Mousse 很滑很滑，吃後有幸福感喲~~~咖啡味很濃香，我這咖啡精不停吃~還有咖啡jelly及脆脆,很好吃!宇治抹茶軟雪榚新地(配紅豆、芝麻湯丸)賣相好吸引~~一個甜品滿足3個願望，有軟雪糕，窩夫及芝麻湯丸~抹茶味雪榚非常香濃，而且很滑~帶有綠茶獨有的苦澀味，我更愛！ 實在太多勁甜又不好吃的抹茶雪榚了。紅豆較甜，配上雪糕及窩夫便是絕配！芝麻湯丸煙煙韌韌的，很好吃！千層酥皮芒果卷配雪糕坦白說，點菜的時候我們以為是普通的千層卷，想不到賣相是如此吸引！將芒果卷切開圍成圓圈，中間放上自選雪榚，外加芒果肉，看上去好好吃喲~~芒果卷外層酥脆，包著熱辣辣的芒果肉及蛋糕，一熱一凍，但很好食，亦好清新！食完後心情好起來了！！ 一定要再來！

三人飯聚唔夠盡興，食埋甜品先夠圓滿，之前試過呢間大坑店，覺得味道幾好，又近我們晚飯嘅餐廳，地方光猛乾淨，裝修簡潔，去到九成滿，我們要坐吧枱，金屬高櫈都好坐，但無地方放袋， 三個一人揀一款，大家都揀西式（西式賣相靚，又好味）店員好細心，已經比定碟我哋分享！連刀叉及紙巾！ 食物好快到！宇字抹茶軟雪榚配紅豆、芝麻湯丸：賣相好靚，尤其喜歡個脆餅碗，又脆，沾滿香濃抹茶味雪榚好好食，雪榚微甘，啖啖濃郁茶味，紅豆好甜，淨食會好甜，配甘味雪榚剛好，芝麻湯丸在食到一半時後上！ 幸好外皮煙韌，流心芝麻餡好濃，充滿口腔！一熱一冷！好味！小甜谷窩夫配比利時朱古力雪榚：賣相好靚，4塊窩夫即做，好鬆脆，但又唔會厚重，唔覺滯，沾滿比利時香濃朱古力雪榚，一冷一熱，好滑好好味，香蕉片甜糯，配朱古力好味！淋上朱古力醬仲正！芒果千層酥皮卷配菠蘿雪榚：賣相好正，切開嘅脆卷圍成半圓，中間雪榚，仲有一堆芒果肉，好搶眼好吸引，攞起一件脆卷，外層酥脆，中間熱辣辣包住芒果肉及蛋糕，冒住熱蒸氣，唔乾好鬆軟，以為熱食唔配芒果肉，點知好夾，再食菠蘿雪榚，好清新，唔假，帶絲絲菠蘿肉，配埋香甜芒果肉，好清新！酸酸甜甜，好夏天嘅感覺！餐牌圖