小欖燒烤樂園 (已結業)

經過家人商量，一致決定提早一星期慶祝母親節，絕對可以免了人迫人爭位爭枱限時的煩惱！適逢本周天氣涼浸浸，陰陰天，其實係BBQ最佳時機！二話不說，必去小欖燒烤樂園！全家都鍾意燒嘢食，特別係小欖燒烤場所醃嘅食物味道剛剛好，食過返尋味！尤其是佢既雞翼，之前試過有八款味道，全部食晒真係唔講得少！今次嚟到竟然得返四款口味嘅雞翼，好彩我哋鍾意嘅麻辣雞翼同土匪雞翼都係度，唔食得辣嘅就最啱食蒜蓉雞翼，另外必食嘅就係佢嘅牛仔粒同叉燒粒。牛仔粒肥瘦適中，唔知點解咁軟滑多汁！燒到脆邊都好Juicy!最開心嘅當然係嗰班母親，唔使自己燒，有人燒晒俾佢食，認真sweet!小朋友當然也樂在其中，自己帶備平衡車、籃球及足球去玩，空地地方大，又多小朋友一齊玩，真係玩到忘了形，見肚餓便跑回來食雞翼！當然係我地d男士負責燒，所以一定要加$40買個大網，一網打盡！正！

復活節連放4天假，找活動消遣去BBQ是首選。因為市區天台燒烤場日漸逢勃，曾是BBQ勝地的地區剩下一兩間適者生存。明知假日BBQ勢必加價，大部分燒烤場要$200以上。也許小欖是老牌燒烤場，格價後以及考慮食物質素堪稱全港最平了。我們二人在收費最高當天入場費是$180一人，另加$60一個爐頭 (選擇性收費)。入場職員問會否需要開爐，如果自己開爐就免去$60，但需以$16買一包炭。開爐費包兩包炭及專人以炭精極速開爐，兩分鐘已完成! 入場食客都是一大夥朋友，一家大小，甚至有狗狗。燒烤爐及桌子座位自行尋找，數量多不用等候座位。入場價錢包括：燒烤叉，膠碟，鐵叉，蜜糖，紙巾，手套，每人枝裝水及飲品各一驚喜的是餐具非常堅固，不像紙碟般被風吹掉。燒烤時間無限時全日任食，連蜜糖也可以自行添加。唯一是不習慣取食物是由職員代勞，很難說明需要的分量。雞翼有8種口味全日輪流推出。肉厚無雪味，麻辣味挺辣，慎吃。牛扒調味傾向甜，可以不掃蜜糖即吃，肉質鬆軟無筋丸類中上水平非街市質素。墨魚丸名符其實有墨魚粒，還有麻吉燒獅子狗等等*豬頸肉為全場最佳之食品，超厚肉爽口彈牙。燒烤的熱力更迫使油脂滲出，加上微焦的邊緣位帶脆。5PM

今次係我第一次嚟幫襯小欖燒烤樂園 假日成人收費140一位 冇限時間任燒任食 仲會提供餐具 每人一支水及一罐飲品完全可以喺呢度消磨一整天嘅時間 好適合一家大細 因為呢度嘅設施非常齊備 小朋友可以玩充氣瀡滑梯 夾公仔 踩單車 玩樂設施多不勝數而大人可以打下麻雀 定下飛鏢入口嘅盡頭可以通往沙灘 玩泥沙 游水不成問題 風景非常好最開心嘅係可以帶狗狗一齊嚟 平時好多地方都唔可以比狗狗入 呢度真係可以滿足我呢種狗奴才大人小朋友連同寵物一齊放電開爐費40元 而且包兩包燒烤炭 唔使自己旭手 非常好肚餓嘅可以去食物部拎嘢食 呢度嘅指示非常清晰 而且職員快手快腳 輪候零食物嘅時間並不長食物質素非常好 有多種口味及款式提供選擇本人非常欣賞魷魚 豬頸肉 雞扒 牛仔粒仲有多種蔬菜選擇 達致均衡飲食冇難度另外仲有提供麵包 粟米等但係如果想要金菇 或者番薯 就需要另外收費囉好欣賞呢度嘅食物款式 十隻手指都數唔曬 全日任食 保證捧腹而回另外我哋都買咗啲外來食物 餐廳係歡迎的但係飲品盡量就唔好帶嚟啦 這裏有提供價錢亦都合理燒嘢食最啱就係飲冰凍嘅可樂 非常滿足的一天 累透了

今日一家大細嚟到小欖燒烤樂園燒嘢食 呢度除咗燒嘢食之外 仲有大量遊戲設施大人小朋友都啱玩今日係星期六 成人收費140蚊一位 小童及長者110蚊一位 我覺得價錢都合理呀 食物係任食的 包一支水及一罐飲品開爐費40蚊 包兩包炭 其後每包炭16蚊比咗錢揀好座位好快就職員幫我哋開爐 工作人員手腳快 值得稱讚呢到真係好適合一家大細聚腳嘅地方 好天氣最啱就係燒嘢食 人頭湧湧氣氛相當熱鬧食物盤 燒烤叉 紙巾 手套 用餐碟及叉 和蜜糖 場地都有提供 按人頭給予相認嘅份量嘢食種類非常繁多 雞翼已經有8種口味 豬扒 牛扒 雞全翼 雞腎 丸類 蔬菜類 麵包 數之不盡呢度嘅嘢食非常高質素 肉類醃得入味 肉質唔梅 土匪雞翼超鍾意另外我仲自備咗錫紙及一些調味品 其實場地都有提供 但需要付費 例如錫紙錫，紙兜等等醬料是免費的收費的產品價錢合理 如果冇自備喺呢度買其實都幾方便唔使拎餐死燒嘢食點可以冇海鮮呀 場地有提供蜆$45包附送牛油 鹽及錫紙香噴噴 海水味十足 非常鮮甜 非常推介飲品種類亦都唔少 有大大個雪櫃雪住啲嘢飲夠曬冰凍食到咁上下帶啲小朋友去玩下充氣滑梯 踩下單車 串下珠仔 消化下又再食過另外對出有一個無敵大

本來約幾個朋友食晚飯，見天氣涼涼地，但打邊爐又打去悶，傾傾下走咗去燒嘢食。但一早又落雨，又想兩手fing fing去邊燒好呢?最終走咗去小欖個場都幾乾淨又大，有帳篷唔怕落雨，坐得好闊落。仲有小型車俾小朋友玩，門口有籃球機、飛鏢機，燒到飽飽地可以去玩下。個場真係幾大，公司聯誼活動都可以考慮嚟BBQ，一家大細都唔怕冇嘢玩。雖然唔係標準籃球場，不過可以俾小朋友投下籃。食物款式多，我較鍾意個辣味雞翼，辣味夠又香味野味。仲有個香茅豬頸肉，厚切點燒都唔怕乾，食落彈口又唔黐牙。可能會覺得燒賣、腸仔、墨丸係普通嘢，但事實上唔係間間都好食。哩間腸仔唔太咸，燒賣質地又唔會粉，墨丸爽口。燒嘢食除咗食物重要，炭都重要，炭夠乾身個火先燒得靚。雞翼仲有土匪口味，朋友不停食都數唔到佢食咗幾多每人入場都有1支水，另有飲品券，有十幾款可以揀。小賣部除飲品外仲有多款玩具、沙灘用品、食品零食雪糕可購買。要讚嘅除咗食物同環境外，洗手間要，有較大的廁格，方便爸媽帶小朋友去洗手間，廁格亦好乾淨。等我推薦下俾公司下次來開聯歡會先。

假日去小欖燒烤，$170位，加$60開爐，可能因為復活節關係所以貴左。全日任你玩，有籃球機，飛標機，沙灘係度，絕對玩到全日。食物都幾好，多選擇，不過無左我至愛既多春魚有點失望雞翼好幾隻味，土匪雞超正，值得推介

周日到小欖燒烤，入場費 $140 已包一支水、一罐飲品、餐具、蜜糖及燒烤叉，小童及長者更有優惠。樂園建議 8人至10人 共用一爐最為理想，開爐費 $40 已包 2包炭，其後 $16/包。沒有時間限制，可自由到食物部選擇燒烤食品，一般的丸子、芝士腸、司華力腸、雞扒、豬扒、牛扒、叉燒粒、豬頸肉等，雞翼也有 8 款之多，包括香草、韓式、叉燒、麻辣、泰式、黑椒、南乳及我覺得最惹味的土匪雞翼，任君選擇。亦有多款蔬菜，推介車喱茄，也有方包及法包供應。 因為我們比較喜愛用網燒，所以在場內購買了燒烤網 $40 及 食物夾 $25，工作人員會幫手加高爐身，令燒烤網可以安放好，我們就可以開動了。 先拿銀盤子到食物部，工作人員協助放好食物，更推介魚腐及豆卜，原來經過燒烤香脆可口，配有辣椒醬，好貼心。 如果你喜歡煨番薯，園内有售賣溏心蕃薯，頗大隻，可多人分享，亦有花蜆、虎蝦及乳豬，乳豬須三天前預訂。 溫馨提示：樂園歡迎客人自備食物，但謝絕攜帶飲品。 以我當天經驗，園内售賣各款食物、飲品或用品價錢合理，而且不限時間，大人可以租麻雀耍樂，小朋友可以到充氣嘉年華遊玩，不難在此消磨整個下午

和一大班同事們來這裡燒烤，入場費$180, 包一支水，一罐罐裝飲品，亦有提供蜜糖和厠紙一卷要另收開爐費，而蒜蓉牛油亦要另收每小𥖁$2建議加錢加個網，唔駛燒到手軟推介食物:咖喱魷魚，夠入味雞翼，香草同土非都好正八爪魚丸，好特別，好少地方有得燒豬頸肉，夠惹味牛油法包, 香脆不推介： 豬扒，好乾好鞋任玩任食，都叫做不錯了👌🏽👌🏽👌🏽

小欖燒烤樂園我已經第三次來，燒烤當然是大群朋友一同來吧，年紀越大，各自都開始帶埋自己的小朋友。有去燒烤場燒嘢食嘅朋友都知道，如果遇上一間好嘅燒烤場，基本上之後都會再次幫襯，這個小欖燒烤樂園就是其中一間我覺得很不錯的地方？大多數燒烤場都是肉類為主，這燒烤場可謂應有盡有，就連雞翼也有八款，味道應有盡有。加上有青椒，翠玉瓜和小蕃茄等蔬果供選擇。我較為喜歡燒小蕃茄，本身小番茄已經很新鮮，燒烤過後更有風味。另外場內還有海鮮包可以選購，味道鮮味，也是不錯嘅選擇不過較為深刻的莫過於咖喱魷魚實在很入味，沙嗲雞全翼入味之余肉質鮮嫩實在推介。此外，有小朋友帶來的家長，這兒的兒童設施實在可以令他們放電遊玩的好地方，那麼大人和小朋友就各自有自己玩樂的地方

自中秋節後，好久也沒有BBQ了，襯今天天氣宜人，便和家人結伴到小欖燒烤樂園。地點很方便，在警察宿舍巴士站下車，走5分鐘便到。樂園內除左燒烤場，還有海灘，各種攤位遊戲，吹氣彈床，更有麻雀耍樂，適合一家大細來玩樂。燒烤食品種類繁多，有各款扒類，蔬菜，腸及肉丸，雞翼都有8款之多，適合雞翼控。工作人員準備好燒烤爐後，我們開始燒烤，各款食物都非常美味。我們買了一包花蜆，把花蜆倒在錫紙內，再加點鹽和蒜蓉調味，並放在燒烤爐內，經十分鐘烤焗，香噴噴的蒜蓉花蜆就製成了。

自從有小朋友之後，多數聚會都係同媽媽們，搵節目首要輕鬆方便，大人小朋友都照顧到。我最愛就係BBQ，其中小欖燒烤樂園，近年都係我最愛之一。呢個雲海一色既美景真係百看不厭，望住個靚景燒烤，真係令人心情開朗。場內亦一如以往咁整齊乾淨。超過三十款精心醃製既燒烤食物，次次拎住個盆拎野食，都要左思右想一大餐，樣樣都咁吸引，食邊樣先好呢。另外設有小賣部，有啤酒汽水雪糕等售賣，價錢都算合理。隨便夾就已經一大盆戰利品啦，全部都好有質素，最出色係醃料，肉類都醃得夠濃夠入味。我其中最欣賞係黑椒豬頸肉同土匪雞翼。黑椒豬頸肉肉質鮮甜，非常juicy，唔覺意燒耐左都唔乾唔鞋。土匪雞翼同譚仔果d有得揮，惹味十足，自家製出面買唔到架，必試。另外每次必食法包，記得加$2要埋個自家制牛油，法包烤2烤，加上融化左既牛油，西餐廳都未必食到咁高質素。園內仲有好幾款自費燒烤食物，最巴閉出位都可算係乳豬喇，雖然我好想試下，但可惜冇咁多人一齊食。今次我揀左鮮味花蜆，沖沖水之後加入鹽同蒜蓉，用錫紙包好，放爐邊燒10分鐘左右就得喇。睇下燒熟後隻隻都開晒口，蜆肉肥美飽滿，仲要鮮甜多汁，比得上新鮮靚蜆架，每包仲要有4、50隻，絕對抵食！去洗

大年初九同埋屋企人 趁小朋友未使返學 一齊去小欖 燒烤玩番日， 原來星期五佢哋啲 充氣彈床 係唔開㗎， 有點失望，下次要就返星期六或者日先嚟啦， 今日天氣陰陰涼涼咁燒嘢食最舒服又唔會太凍人會太熱， 最愛呢度接近海邊有啲海風吹下個人好舒服。我最欣賞呢度嘅燒烤係可以全日任燒唔駛限時四個鐘，小朋友可以玩足一日最開心， 而且佢哋嘅食物都有好多款式 同埋最緊要好新鮮。另外加買咗個蜆食， 仲要包埋錫紙，鹽同埋牛油，正正 。揀咗個勞職員就會幫我哋 加炭， 每個爐包兩包炭， 都足夠燒一日由於我哋小朋友比較多而且比較難 所以建議加錢買個網同埋燒烤夾， 咁樣會方便好多而且可以燒過量都比較多

新年去咗小欖燒烤場同同事燒嘢食， 入場費每人180 ，每人包一罐嘢飲 ，但係開爐就另外要加60 。肉類方面都有幾多嘢食嘅，雞翼有八款味道， 追推薦嘅係咖哩魷魚， 可惜蔬菜方面選擇欠缺 ，最多只有矮瓜青椒等蔬菜，粟米金菇這些蔬菜 ，再要另外收費, 不過場內並沒有限制不准帶外來嘢食進場， 所以最抵食嘅方法係自攜一些海鮮 ，蔬菜 ，菇類進場。 場內環境還是可以的，不太焗, 因為面海, 空氣尚算流通,不過爐與爐之間地方狹窄， 但地方還是夠用的， 另外如果想加網網燒就要另外付40蚊 買網費， 可惜沒有鉗東西的鉗, 下次去要準備充足一些。

作為港島人，好少會去到屯門，今次有機會同一大班朋友一齊去小欖燒烤樂園燒嘢食，大人細路都開心而回。一去到，開好爐，大人就去拎嘢食。好大盤，十分豐富。扒類充足，牛扒、雞扒、豬扒，應有盡有，仲有唔同口味，蒜蓉、燒汁、黑椒，非常惹味。燒嘢食唔少得嘅雞翼，首推孜然同咖喱，超好味。小朋友主打食腸仔、牛丸、魚旦、燒賣，仲有麵包。而蔬菜種類繁多，粟米、翠玉瓜、茄子，仲有好鮮甜嘅番茄仔，三色椒，同娃娃菜。唔洗淨食牛咁漏，非常好。至於小朋友，到場非常開心，好多玩樂設施。文靜嘅有穿珠仔、畫面具；好動嘅有彈彈床、籃球機。大人可以安心食嘢傾計，小朋友又可以盡情放電，真係非常開心！

已為人父母的朋友一定明白，要帶小朋友出外效遊聚會有幾辛苦，裝備多多不特止，突然冇電話瞓就瞓，嗰刻的感受⋯⋯你懂的😂今次已經第二次選擇小欖燒烤樂園BBQ了，主要原因一個字⋯⋯“方便”露天停車場就在大門囗隔離坐巴士過來也十分方便及算多缐價錢星期六日（11:00an-1:00am）成人收費$140，小童或長者收$110，全日收費，無時間限制，費用包括全日任食、1支蒸餾水、1罐汽水及1份燒烤餐具。另收$40開爐費，包一次開爐、兩包炭、1個托盤、1碗蜜糖及1卷廁紙（蜜糖、廁紙用完可添加），對我來説最看重的不是價錢，而係環境同配套，你知通常燒嘅都係大人，小朋友最緊要有地方放電，否則就佢玩你了。總括來說，這裡賣點除了食物質素好，仲$140全日任燒撚手嘅咖喱魷魚真係好好食，肉質嫩滑，非常入味。八爪魚丸、冬菇貢丸非常好食，入面真係有餡料，唔係一般普通貨色。叉燒粒肉質鮮，有肉汁，唔會死實鞋口，推介！各類雞翼加埋食左差不多40隻，印象最深刻係香草味同四川辣味，燒起皮脆肉嫩，食左幾隻都唔覺悶！除左食物質素，個人覺得地點及設施同樣重要，加埋近沙灘夏天仲可以游水，設施足夠你小朋友開心玩一日最緊要，搞掂d小朋友，大