小樽駅日式放題料理

有很多食评写得颇差，起初booked左都有点担心，但实际上冇伏喔。刺身有质素，新鲜并够冻。热盘炸物都ok，新鲜即炸.。 整体食物用料唔差呢，所有甜品蛋糕都唔错。侍应生亦很有礼貌，岀order很快亦冇乜漏单，无拖时间，枱面一直都有人主动收碟整理。员工解释open rice优惠也很清晰。生日饭8大2长者埋单每位都只系$192🤑🤑🤑价钱绝对合理。可以推介俾朋友👍👍👍…查看更多

中午放题唔多地方有，咁岩中午又想食就揾左呢间食评都ok既试试！11点几坐低成间舖得1/3人，就咁睇落得一枱食紧放题，坐低一个钟，好似无乜食过野咁？因为d野出得太慢，明白少放题客，所以系即叫即整，但就连刺身寿司都咁慢？刺身同熟食分开厨房架㖞？12点左右，多左人黎食set lunch，仲死！！！😡挂住出set lunch，其他要煮得耐既我都费事再叫，叫左刺身寿司炒饭，寿司师傅见住佢不停切，就只系出set lunch，我应该1:20放枱，12:45就过黎话last order，我先出声话落左order都唔出，催下先出番几件寿司同炒饭比我，真心觉得把鬼！讲下食物味道，芝麻鸡翼原完无味，咖哩牛舌似煲汤猪肉，刺身甜虾d头黑哂，鳗鱼炒饭鳗鱼就唔多见但菇就多？系，未试过鳗鱼炒饭加菇啰～其他食物亦一般，卷物/火灸寿司其实我每样都有叫一件试，但最后催下先黎左几件鳗鱼卷…查看更多

全部野都好一般，根本唔值呢个价，我唔好贴多少少钱去食间好啲既、多选择啲既？个火锅配料入面个块猪肉片仲厚过阿婆啲千年脚皮，厚都唔紧要，但食落以为食紧擦子胶。系个鸡肉串都尚算正常，因为根本系其他放题都系攞呢只货，所以正常。如果你叫我赞既话，我谂都系啲例牌火灸寿司，蟹籽沙律，绝对唔会伏。个鱿鱼都ok既。另外个鸭胸好难食、煎饺都可以煎到唔似煎饺、连最易整既炒菜都可以无镬气、龙虾汤多味精到，饮落酸既。一个字：劣。…查看更多

呢间系得宝入面既放题店已经不是第1次帮衬，胜在就脚，人唔多，食物质数保持，价钱可以接受，突然间想食鱼生都唔会意兴阑珊，今日红日都照去因为只贵了10蚊，188一位加一，食2小时，座位寛敞因为2人可坐4人枱，不过即使坐4人都唔会感觉压迫，环境亦比旺区较清静，服务方面员工反应快，勤加茶收碟，只是厨房略有漏单。食物方面，刺身水准不俗，三文鱼油甘鱼马刀贝好食，甜虾亦不错，吞拿鱼玉子比较差。热食推介烤羊架，肉嫩多汁，外皮有香草烤到香脆，唔太油唔太膻，正。天妇罗用料不错，例如南瓜同香蕉都很香甜。炸鸡软骨非常香脆，忍不住吃了半碟。最新加入的火锅，选择了寿喜烧汤，任选肥牛质数还可以，是菜类很新鲜，食咁多生冷刺身之后食火锅蔬菜最正。差既食物有鳗鱼炒饭，好油又无味，吉列蚝好细好细只，又腥，炒蚬有沙又韧。总结黎讲尚算合格，都系方便所以会去。…查看更多

总结: 放题食物味道几好，写几多比几多，唔会比少。饮品我几钟意cc系列。冷气比较冻，午餐时间人唔多所以可以坐松动啲。(午餐另有定食选择)星期6要返夜，所以决定返工前对自己好啲，食够先返工战斗。1点黎到唔使等，午餐时间好多位，1个人坐4人位，叫多多野食都唔怕无位摆。食物纸刺身切得好，写几多比几多，无比少无漏单。味道ok花之恋寿司饭大旧左啲，但整体味道炒蚬ok炒带子几好，唔会好咸芝士带子西兰花ok…查看更多