影片
以上资料只供参考，请与餐厅确认详情
食家推介
今日lunch去咗食呢一间小樽寿司， 入到去环境一般，以为系有心小店， 叫咗个小樽丼， 问心真系唔合理价钱，88元一小碗 四下食洒， 首先讲下上面嘅鱼生新鲜程度，6/10, 唔系太过新鲜， 仲有少少 变咗既味， 啲米绝对唔系日本米， 有啲似我屋企嘅饭。 等待时间唔算太耐15分钟左右， 质量真系有待改善。 卫生环境不用置评。 总之一句讲晒好嘢食可以揾呢间食， 如果有得拣真系唔会拣！ 不过小店应该之前希望以后会更加好🙏🏻🙏🏻
继续阅读
依间寿司屋系我好钟意食嘅寿司店之一，因为店舖取材新鲜，老板有佢嘅坚持，我知道老板以前系酒店日本餐厅嘅厨师，好欣赏佢自己创业都有咁多嘅坚持。女子don系我每次嚟都一定要食嘅，左口鱼边劲爽口，火炙过鱼脂香浓。海胆新鲜清甜、三文鱼子粒粒弹牙、三文鱼肥美、吞拿鱼茸都好好味，配合牛油果，成碗饭都好饱肚，好满左，都只系卖$128，感动❤️每次放学好攰，过嚟食一碗饭就会精神晒。一个系火炙三文鱼、吞拿鱼等等既饭，都系女子don最好味。另外食过鳗鱼饭、乌冬、刺身拼盘、寿司拼盘，都系don饭最好味。
继续阅读
两点几系玛嘉烈收工，未食Lunch好肚饿，拉埋男朋友黎食餐好既慰劳自己。天时热~ 即刻想食寿司😌 见到美孚近A出口有间rating唔错既寿司铺，就拍板去食！见营业时间去到3:30😹 3:00先到既我都淆淆地惊无得食~ 不过又冇问题wor! 店铺小小，装修简约，我谂比较适合2-4人黎用餐！男朋友嗌左个火炙鱼生饭($88)，我就嗌左吞拿鱼海胆卷($128) ，店主一人工作，不过都冇话要等好耐~ 价钱唔贵，但系绝无欺场！火炙鱼生饭都有唔少块刺身，刺身唔系平时食平价鱼生会"un"既口感，而系有啲油脂入口即溶既口感。。。。。。饭又够冻够味，加埋本身未食lunch饿到爆😂 食落真系好幸福，好快就食晒╮(╯▽╰)╭连埋加$5既支装茶，埋单唔洗加一$221~ 真心觉得系对得住呢个价钱呀！绝对系真心食评，冇收钱架😂
继续阅读
渍物绝不过咸，左酒一流。呑拿鱼玉子沙律（$38）蟹籽沙律（$18）真系自己买材料都冇咁平，重点新鲜、即整、爽口多汁清甜脆。38蚊沙律里的吞拿鱼系完全吾鯹。带子（$48）、赤贝刺身（$38）、活赤贝刺身（$68两个）鲜甜吾鯹，呢个价钱吾知讲乜好箱押海鳗（$85）、左口鱼裙边（$14）、象拔蚌（$10）、海胆（$28）、带子寿司（$14）如果你系游寿司、瞒著爹拥趸，呢度寿司啱哂口味。炙过嘅刺身油香出哂嚟更加香。你系冇睇错价钱。樱花虾味噌汤（$10）即煑，烫咀，当化学茶卖到30蚊排餐死，呢个汤10蚊冇理由吾饮。老板兼大厨是前洲际酒店NOBU厨师，但我深信佢真身应该系做慈善的。今时今日响香港大把食成千银都系难食到想掉筷子或食吾饱嘅日本菜，呢度真系茶餐厅价钱，正宗日本料理质素，由今日开始将会成为我嘅饭堂。
继续阅读
大约个多月前睇过一篇报道，美孚有一间寿司店由前酒店任职寿司师父开设。今日就一于慕名一试 ，整个小店只能容下约8位堂食客人。入店坐落睇餐牌期间，发现不时有当区居民入内外卖， 进食途中，八点未够店主宣告所有食材沽清；店主为保障食材新鲜应该做了不少功夫。餐点主打寿司及鱼生，食品选择其实来来去去都系个几类，所以拣咗个包罗万有嘅特选小樽鱼生丼，满足一次过就试晒多项式食材。鱼生丼份粮唔算多但整碗完全被甜虾、蟹柳、带子、三文鱼、吞拿鱼、海胆、玉子卷、鱼籽、北极贝...等等食材铺满。每一口食材放于舌头上均可尝出新鲜及海鲜嘅鲜甜味道。 相信同一碗质素嘅丼如果喺一啲旺区起码要一个双倍价钱先至可以落楼。论新鲜美味程度，性价比真系赢晒。
继续阅读