影片
招牌菜
今日喺屯门食咗呢一间茶餐厅，茶餐厅落单都非常快手，而且落咗单大概3分钟就到，非常有速度，今日叫咗个烧味饭，两个𩠌，就拣咗烧肉同埋油鸡烧肉嘅味道正常，而且我觉得份量都几多，咬落去再加埋芥辣嘅味道非常好食，送饭一流，而且我觉得佢嘅份量都几多，整体嚟讲我觉得呢一个价钱都几算几抵食，油鸡嘅味道就冇乜特别，普通烧味嘅水准，整体嚟讲都觉得呢一间餐厅中规中矩，最后加多杯冻柠茶，冻柠茶味道正常，都系冇乜太大惊喜！
继续阅读
去开𠮶边商场睇医生，就随意入左尼间餐厅食埋晚饭内文想澄清返，唔系全部员工态度都唔得，有两个姐姐系nice的，仲有同我地倾两句～又会同小朋友倾下计但大部分都系西口西面咁🥲🥲总之唔多舒服，但反正唔系黎食服务，所以都唔怕啦-我地叫左套餐，都算抵食，$3xx有1个自选汤羹、1个烧味拼盘、两个自选小菜同埋白饭4个烧味拼盘唔差～ 份量亦可以d叉烧叫做肥瘦相隔，我觉得比赞👍🏻👍🏻食落岩岩好，完全唔会柴！-豉汁带子豆腐就太咸🙈唔送饭完全食唔到，希望之后可轻手d
继续阅读
今晚同朋友来食小菜，叫左个$88蚊鱼肚粟米羹，一啲羮结既感觉都没有，稀到一个点，又无粟米味，劲淡，简直不知所谓，勉强饮左两碗仔，好似饮水咁，叫左个小菜鼓汁带子蒸豆腐，豆腐又「鞋」，又硬，又淡，食到口淡淡。超级唔掂☹️，店员仲好笑，我同佢讲广东话，佢同我讲劲快国语咩料，依度系香港唔系大陆，大佬，你讲国语返大陆啦，成间野用四个字来形容，不知所谓，一定唔会有一次，钱又识收人，但咁既底质素，食到我成肚火！比钱唔紧要，唔该比返啲质素人呀！
继续阅读
茄汁猪扒意粉一般港式汁饭/意粉系feel到用松肉粉整到非常之松软嘅猪扒传统港式茄汁汁意粉系会考虑肥胖问题之外，因为油腻感都重价钱及昩道都无太大问题不过环境来说对住过海食饭的确系几清新不错环境上的唯一的缺点是好大风😂😂😂😂
继续阅读
有人帮衬，都唔一定代表出品有保证！老婆好想食饭焦，所以叫了一个锅蛋牛肉煲仔饭，落单声明要有饭焦，点知食到煲底，一粒饭焦都揾唔到！大佬呀，黐底同饭焦系两回事啊！饭身唔够干，完全冇煲仔饭的风味！另外，叫了一个上海粗炒，一嚟到见到个様，唔讲都唔知呢个系上海粗炒，老抽都悭返，食落去完全唔系𠮶回事，嬲到我罢死！冇下次！
继续阅读
您可能会有兴趣的...