影片
疫情到现在，几年冇去啦，今日特登开车去吃个简单晚饭。冰镇鲍鱼，豉油皇虾，蒸扇贝，奄仔蟹，虾膏蒸腩肉。。。水准依然很高，没有变。特别系冰镇鲍鱼，新鲜，大只，酱料味道一流。回想，初次帮衬已是三十多年前，今日球哥休假，冇得聚聚旧，美中不足。
继续阅读
一家人去流浮山食海鲜庆生！🎂小桃园酒家果然冇令人失望！☺️炸生蚝大大只！鲜美！龙虾伊面底鲜甜！伊面有肉汁，特别好吃！清蒸虾好味到不能停口！生炒骨酸酸甜甜，小朋友至爱！蒜蓉粉丝蒸扇贝粉丝渗入鲜美味道，令人回味！用支装汽水，好夹！龙趸2食，一炒一炸！盐焗花螺好好食呀！出面也较少见！😋
继续阅读
今次专登订左海鲜拎去流浮山加工😆蒜蓉蒸虾❤️好多蒜蓉，火候控制得好盐焗蟹👍🏻多羔又够肉炸生蚝🦪吾油腻👍🏻香口松脆蒜蓉粉丝蒸扇贝👍🏻多蒜蓉多粉丝，足料豉油炒大虾❤️炒得好香口，虾肉弹牙，龙趸三食：蒸炸炒😍超级好味厨师控制火候得好好，每道菜都无失手
继续阅读
开车过去，有指定八达通时钟停车场，用膳免费，挺方便。但6:38pm 就话烧乳鸽卖晒，有点失望。几个海鲜菜，简简单单，但系整得好食。蜜汁煎金𧐢，应该系属于全港高水平级别。胜瓜粉丝虾干⋯ 当汤饮哂，一条粉丝都食埋 😘
继续阅读
早几次嚟流浮山食海鲜都系帮衬实惠嘅 “明记”. 老友 “大咖” 识饮识食, 长期推介 “小桃园”, 话由细食到大. 今日初访, 预咗贵过 “明记”, 但希望唔好大爆炸.🤗 “小桃园” 装修属饭店格局, 设多张6-8人圆枱, 喺流浮山嚟讲算系高档. 金鱼缸喺餐厅侧边嘅 “兴利海鲜”, 出奇地, 海鲜量唔特别多. 今日点咗五款海鲜: 龙虾, 贵妃蚌, 蛏子, 鲍鱼, 奄仔蟹.🦞 上汤焗澳洲龙虾, 约一斤, 伊面底. 龙虾肉质结实弹牙, 啖啖肉, 份量足够, 上汤伊面好食.🐚 油盐水浸贵妃蚌. 非常鲜甜, 爽口. 油盐水味道偏淡, 但成功发挥贵妃蚌嘅鲜味, 不俗!🥰 豉椒炒蛏子. 啱啱熟, 蛏子厚肉爽口, 豉椒味道非常出色.🐚 果皮蒸鲍鱼. 鲍鱼弹牙, 唔韧, 果皮味道超优质.🦀 盐焗奄仔蟹. 闻落香喷喷, 除咗蟹膏香, 仲有一阵牛油香味. 打开, 金黄色嘅蟹膏非常多, 啖啖膏, 啖啖肉, 一流!📖 根据介绍: 半咸淡水嘅蟹要先冻晕, 再攞去蒸, 差唔多熟就攞去盐焗.🍈 甜品: 密瓜. 爽甜.🤗 总结: 座位阔落舒服, 服务到位, 收碟换碟迅速, 上菜节奏舒服, 十个赞! 论食物, 海鲜质素同烹调技术都系超水准, 名不虚传. 价钱贵过 “明记”, 考虑埋服务, 环境, 上菜节奏, 食物热度, 算合理. 期待下次再临!
继续阅读